HAZARD LEH CHELSEA IN HMALAM AN PAN – Lawmkima Hmar

Chelsea 3-1 Newcastle United 
Chel: Hazard 21′, 74′ (p); Morata 33′
New: Gayle 12′

Zain Premier League-ah kheltha chungchuang Eden Hazard chuan goal hnih thunin an mikhual Newcastle lakah Chelsea chuan 2-1 in hneh an chang a, Premier League table-a zanin dar 11 a Arsenal hmachhawn tur pahnihna Manchester United an nihrual ta rih.

Hazard hian starting XI a hmun a chan leh hmasak berah hian Magpies an che hmasa a, Dwight Gayle’ chuan goal hmahruai a thun thuai. Mahse, Belgium winger Hazard hian angle zim ta atangin minute 21-naah a sut phawt.

Inkhel tan atanga darkar chanve pelh hlekah lu hmang thang striker Alvaro Morata chuan Victor Moses-a cross chu hnai set sawt atanga thunin Th Blues in hma an hruai.

Chawlhlawk hnuah Matt Ritchie chuan Moses lakah penalty chawiin Hazard chuan goal-ah a chantir a, champion lai hian tun season-ah vawi 10 hnehna an chang ta a ni.

Hazard a khel tha a, goal shot vawi 9 neiin goal zawnah vawi 6 a pet , goal hnih a thun. Premier League Player of the Year hlui tel lova team satliah Chelsea chu Hazard nen team ropui an ni a, an chhuanvawr hian tun season Premier League match 10 atangin goal 7 a thun ta.

Belgium international hian hat-trick a siam teuh hle a, mahse, Magpies keeper Darlow chuan a lo dan sak hlauh. Hazard hi Chelsea innghahna leh an player chuam a ni a, The Blues fans tan hero a ni; minute 78-naa thlak a nih khan inkhel entuten standing ovation an pe hial.

Posted in Chelsea FC, English Premier League, Rampawn.

Leave a Reply

Or