HERO I-LEAGUE: AN BU ZAWLAH AIZAWL FC IN CHAKIN BUL TAN

Hero I-League khelh mekah Aizawl FC chuan an home game hmasa ber khelin vawiin khan sikhat faiin Churchill Brothers an hneh. He inkhela goal awmchhun thuntu hi Yugo Kobayashi niin Aizawl FC tan I-League ah a goal hmasa ber a thun a ni.
.
Tute nge khel?
.
Aizawl FC in East Bengal an hmachhawn tuma khel William Lalnunfela aiah K. Lalthathanga (Puitea) luhtirin a bak thlak an nei lo a, William hi substitute zingah pawh hmuh tur a awm lo.
.
Churchill Bothers lamah Mohun Bagan hneh lotu zingah khan Singaporean Emuejeraye Precious leh Karthik Govindswamy te chu substitute bench lamah dah niin an aiah Israil Gurung leh Suraj Singh te luhtir an ni thung.
.
Aizawl FC: Avilash Paul, Masih Saighani, Lalrinzuala Khiangte, Kareem Omolaja Nurain, Lalramhmunmawia, David Lalrinmuana, Alfred Kemah Jaryan, H. Lalmuankima, K. Lalthathanga, Zikahi Leonce Dodoz, Yugo Kobayashi.
.
Subs: Lalawmpuia, Hmingthanmawia, Lalhriatrenga, H. Lalbiakthanga, Albert Zohmingmawia, Lalruatfela, Jonathan Lalrawngbawla.
.
Churchill Brothers: James Kithan, Banpynkhrawnam Nongkhlaw, Eric Obinna Nwaimo, Peter Oghenebrorhien Omoduemuke, Suraj, Joshauh Vaz, Yendrembam Denechandram Meitei, Osagie Monday, Uttam rai, Israil Gurung, Nicholas Fernandes.
.
Subs: Ricardo Cardozo, Emuejeraye Precious, Alber Gonsalves, Rahul Kumar, Pankaj Sona, Franko Paul, Karthik Govindswamy.
.
1st half-ah a goal lo:

Inkhel bul tan atangin Aizawl FC in an nawr nghal a, mual veilam atanga Mka cross tha tak mai chu Dodoz chuan tauhin keeper Kithan chuan a lo dang hman hlauh. Nawr chhunzawm zelin Yugo Kobayashi chuan defender pahnih a bum hnuah a pet an lo dan sak a, heta tanga corner hi David chuan petin changtu neilo Dodoz chuan a tauh lut lo hlauh.
.
Tan atanga minute 16 lekah captain David chu inhliam vanga lakchhuah a ni a, hei hian Aizawl FC game plan a tibuai deuh hlek niin a lang. A nawrtu zawk niin chawlhlawk hma hian Churchill lam hian goal hlauhawm sawi tur an nei meuh lo a, inkhel boruak a nung lo in goal awm lo in an inthathen.
.
2nd half-ah goal khat:

Chawlhlawk zawhah Aizawl FC bawkin an nawr chhunzawm a, mual chanve-ah an inkhel ti ila kan sawi sual lo ang. Chance tha tak tak nei thinin Yugo chuan hnai set sawt atangin vawi hnih a pet goal lo a, Churchill Brothers lamin draw an tum tih hriat takin hun an khawhral sek a, an goal an venhim chuan an kal chhan tihlawhtlin theia an inngaih avangin goal nawr tura chhuak pawh an awm mang lo.
.
Minute 80 a pel a, a nawrtu zawkin goal an thun thei chuang lo, Mka chuan penalty hlawhchhuak ngeiin inhre mah se referee chuan amah Mka zawk hi yellow card a pe a, chumi hnuah Dodoz leh Yugo te chuan mawi taka ball inpe tawnin Yugo hian a ke veilamin goal kir sirah a pet lut a, sikhata Aizawl FC an chakna goal a ni ta a ni.
.
Tihian, Aizawl FC hian khelh hnihah point 4 an hmu tawh a, Churchill Brothers hian khelh thumah point an la hmu lo a ni.
.
Enge an sawi?

Inkhelh zawhah Aizawl FC coach Paolo Menezes chuan inhliam David chu a serious loh thu sawiin invent nana lakchhuah a nih thu a sawi a, striker William erawh a ngalrek hliam vanga khel lo a nih thu a sawi bawk a, inkhelh lehah a khelh theih tur thu a sawi. Tin, club tantute tun aia thahnem zawk lokal turin a sawm a, a khat veka kan kal thei lo a nih pawhin a khat tep tala kal turin a sawm a, vawiina a an tanna ah a lawm thu sawiin mipui chungah lawmthu a sawi bawk a ni.
.
Churchill Brothers assistant coach Alfred Fernanades chuan goal an venghim zo lo chu a thinrim thu sawiin a player te ah a lungawi lo hle a, tlangramah, artififcial turf-ah an khelh avangin khelh har an tih maithei thu sawilangin chhuanlam erawh a tlin loh thu a sawi. Tin, Aizawl FC tantute a fak a, Goa-ah pawh tantu thahnem tak, aw chhuah tham an awm thei zel a, anmahni mualah pawh tantu tha tak an awm theih zel avangin a fak hle.
.
Eng nge hmabak?

AIzawl FC hian ni 18, Thawhtanni hian RG Stadium-ah Shillong Lajong an mikhual dawn a, Churchill Brothers hian ni 16 hian East Bengal an luh chilh bawk ang.

.
ZoFooty Statistics:
Aizawl FC 1-0 Churchill Brothers
(Yugo Kobayashi 88’)

72% Ball Possession 28%
364 (325) Pass (Completed) 193 (131)
6 Fouls 3
7 Offsides 1
5 Corner Kick 2
3 Yellow Cards 1
0 Red Cards 0
.
MOM: Masih Saighani (Aizawl FC)