HERO I-LEAGUE AWARD SEM A NI ; JERRY RINZUALA HMABAK A ENG

Hero I-League khelh zawh takah vawiin khan mimal lawmman dawngtu hrang hrangte hming puan a ni a, DSK Shivajians defender Jerry Lalrinzuala chu ‘Best Emerging Player of Hero I- League’ atan thlan a ni.

Farkawn khaw chhuak, Bethlehem Veng tlangval Jerry hi Indian Super League ah ‘Emerging Player of the League’ atan thlan a lo ni tawh bawk a, a club thar DSK Shivajians tan a khel chhe lo tih a chiang. AIFF in kumin hi I-League a Emerging Player of the Season a thlan vawikhatna a nih avangin Indian football phekah Jerry Lalrinzuala hming hi nuai bo a ni thei tawh lo.

Bengaluru FC striker Sunil Chhetri chu player tha ber atan thlan niin ‘Hero of the League’ lawmman a dawng a, clean sheet 8 nei thei Mohun Bagan goalkeeper Debjit Majumder chu goalkeeper tha ber atan thlan a ni.

Mohun Bagan tlarhnung rinawm Anas Edathodika chu defender tha ber atan thlan niin midfield ah champion team Aizawl FC captain Alfred Jaryan tluk pha an awm lo.

Hero I-League 2016-17 a goal thun hnem ber Shillong Lajong striker Asier Dicka chuan forward tha ber lawmman a hui a, Aizawl FC champion puitu Khalid Jamil chu coach tha ber atan thlan a ni bawk.

Lawmman dangte :
Fair Play Award : Churchill Brothers
Best Organiser Award : DSK Shivajians & Bengaluru FC