HERO I-LEAGUE: NORTH EAST DERBY-AH AIZAWL FC IN NEROCA NGAM LO – Rooney Opa

Estimated read time 4 min read

Rajiv Gandhi Stadium, Mualpuia North East Derby khelah mualneitu Aizawl FC in mikhual NEROCA FC an ngam lo a, 2-1 in an tlawm. Aizawl tan Kareem Omolaja Nurain chuan thun hmasain NEROCA hian Felix Odili Chidi leh Nedo Turkovic hmangin an chhanglet a ni. He inkhelah hian man of the match atan NEROCA forward, goal khat thuntu Felix Chidi thlan a ni bawk.
.
Tute nge khel ?
Aizawl FC: Avilash Paul, Lalramhmunmawia, R. Laldinliana, C. Lalrosanga, Kareem Omolaja Nurain, Albert Zohmingmawia, Alfred Kemah Jaryan, Lalthathanga Khawlhring, Andrei Ionescu, Zikahi Leonce Dodoz, Yugo Kobayashi.
.
Subs: Lalawmpuia, Lalhriatrenga, Hmingthanmawia, F. Liandala Sena, Syhlo Malsawmtluanga, Lalkhawpuimawia, William Lalnunfela.
.
Neroca FC: Shambhu Mistry, Ngasepam Tondonba, Varney K Kallon, Ashok Singh Moirangmayum, Gouramangi Singh Moirangthem, Vorbe Jean Francis Fabien, Israilov Akhlidin, Aryn Glen Williams, Felix Odili Chidi, Singam Subash Singh, Yumnam Gopi Singh.
.
Subs: Lalit Thapa, Govin Singh Moirangthem, Sushil Kumar Singh, David Lalbiakzara, Thangjam Saran Singh, Nedo Turkovic, Nangdom Ronald Singh.
.
1st half chu Aizawl FC ta:
He inkhelah hia mualneitu Aizawl FC in bul an tan tha a, second 29 vel lekah chance tha hmu nghalin Albert chuan box chhungah ball a lalut a, a cross chu Neroca defender ten an clear hnuah Yugo chuan petin Shambu Mistry chuan a lo dang hman hram. Neroca in tantu an nei tha a, Manipur atanga rawn zin anmahni tantute thawm a ring hle.
.
1st half-ah hian NEROCA in goal zawna pet an nei lo a, Aizawl erawh chuan an chance an hloh mawlh mawlh thung. Mual dinglamah Albert a hlauhawm thinin Andrei nen ball nalh taka an inpek kual hnuah a cross chu a lo head tu Dodoz chuan a lo tauh over a, inkhel boruak a nung hle.
.
Neroca lam hian an chance tha ber tia sawi ngam minute 15 ah hmuin mawi taka ball play in Akhlidin chuan Francis tan ball mawi tak a pe a, Kareem chuan a lo clear hman hlauh. Hemi hnu hian Aizawl FC in goal an thun teuh hle a, box pawn hretah freekick hmuin Andrei chuan a pet a, goal kham a pet per. A let leh lam chu Kareem chuan pet mah se referee in foul a ham avangin engmah lo ah a chhuak ta a ni.
.
Inkhel thununtu zawk Aizawl in goal an thun ta nge nge a, minute 39-ah Andrei corner kick chu Kareem chuan tauh lutin a tlak lehna lamah a inhliam zui a, thlak a ngai hial. Hemi hma hian Yugo shot tha tak chu Mistry chuan a lo save hram bawk a ni.


2nd half-ah NEROCA tak tak:
NEROCA in 1st half an khel tha lo a, 2nd half-ah erawh khel tha zawk an ni. Aizawl in 1st half bul an tan ang bawkin tha takin khel mah se a rei tial tial a, Kareem leh Masih awm loh a langin Aizawl tlarhnung pawp a lang chiang tan a, substitute Turkovic chuan Albert ball hloh kal zelah box chhungah ball tha la in Chidi a pe a, a pet hi Avilash Paul chuan lo dang mah se a dan per loh avangin awlsam takin a thun a, sikhat ve ve an thun ta.
.
Hemi hnu hian Aizawl in goal thun tumin an nawr leh a, Penalty box chhunga Yugi an tihtluk chu penalty chiang tak niin lang mah se referee in a ham tlat lo. Beidawng lo a nawr zelin Dinliana cross chu Mapuia chuan a lo tauh over leh a, hnai set sawt atangin Yugo chuan a pet over bawk. Aizawl hian chak ngei tumin a rualin striker pathum – Yugo, William leh Mapuia an luhtir a, an nawr luatah an tlarhnungin a tuar leh si a, David Biakzara cross chu Turkovic chuan mawi taka tauh lutin NEROCA in hma an hruai der.
.
Si an phurh hnuah Aizawl in theihtawp chhuaha nawr letin chance pawh an hmu zut zut a, goal an thun thei tlat lo. Alfred tauh chu William chuan goal line-ah a lo dang palh a, Rosanga shot over leh Valpuia shot tha Mistry lo dante kha uiawm tak a ni. Huntawp thlengin goal dang a luh belh loh a, Aizawl in an buzawlah kaithar NEROCA an ngam lo ta a ni.

ZoFooty Statistics :

Aizawl FC 1-2 NEROCA

Kareem Omolaja 39′ – Felix Chidi 64′ Nedo Turkovic 85′

69% Ball Possession 31%

18(8) Shots (On target) 10(4)

292(268) Pass(Completed) 278(220)

17 Fouls 21

7 Offsides 3

11 Corner kick 3

2 Yellow card 2

0 Red card 0

Powered by Darchiauva Hardware, Mission Veng

C Tlanthianghlima

Football tui ve tak

You May Also Like

More From Author

3Comments

Add yours

+ Leave a Comment