Hillsborough tragedy chungchang a paper phek 400,000 aia tam a chhah report chu vawiin hian tlangzarh a ni dawn. Hillsborough tragedy ah hian Liverpool fans 96 lai an thi a, World War 2 hnuah England ah a ruala thih hnem ber tum a ni. Vawiin hian mi 96 thi ta chhung ten a vawi khatna atan official documents te chhiar chhuah tur an hmu thei dawn ta a ni.

The Hillsborough Independent Panel te report hi England Prime Minister James Cameron in House of Commons ah a pharh ang a, internet a download theih tur a chhawp chhuah a ni ang. Sheffield Wednesday’s Hillsborough Stadium ah April 15, 1989 khan Liverpool FcCleh Notthingham Forest ten FA Cup Semi – Final inkhel laiin he chhiatna rapthlak hi a thleng a nih kha. Lord Justice Taylor chuan he chhiatna a report ah kum 1990 khan Police te duty that tawk loh vang ah a puh a, amaherawhchu hei ringawt hi duh khop loh na a tam hle a ni. A tuartu te chhung phei chuan Police te leh fans te’n he chhiatna hi an ti chhuak ah an ngai theilo a, Liverpool FC fans 96 thi ta te kha thiamlo ah an ngailo a. Liverpool FC chuan support tha tak pe in kum tin an pual hian hun serh khunkhan tak in a la hmang thin a ni.

He report hi tlangzarh a nih chuan , a chhan tam tak chu hriat chuah ngei beisei a ni a, Margaret Aspinall, chairwoman of the Hillsborough Families Support Group chuan ” Kum 23 chung dikna chang in kan lo nghak tawh a, an dikna pholan loh a phum bo tel mai atan chuan kan phal theilo a, dikna lan chhuah ngei kan duh a ni” a ti.

Hillsborough Tragedy vang hian Liverpool FC pawh in club ang a nghawng a nei lian em em a, tam tak phei chuan an tlakhniam phah chhan an an puh mek bawk. Khatih laia an manager Kenny Dalglish kha fans thi te vuina ah hmun tam tak ah a kal a, a chawlh phah hial nghe nghe a ni. Liverpool hian 1989-90 kum ah League champion an ni a, chumi hnu ah an champion ta miahlo bawk !!