Hoffenheim-in Bayern chelh

Posted on November 5, 2016November 6, 2016 by ZoFooty

2 min read

Kum 2014 khan Hoffenheim-in Mizoram an rawn tlawh a, Bundesliga club hi an that zia sawi nan Bayern Munich nen league match-a an inhnehtawk thu uar taka ziah a ni. Kum hnih ral hnuah Lammuala Mizoram team hmachhawntu Hoffenheim te khan Bundesliga thununtu Bayern an chelh.

November 5, Inrinni zan inkhelah Hoffenheim-in Allianz Arena-ah Bayern Munich nen 1-1 a inhnehtawkin point khat an hlawh chhuak a, club pahnih hian tun season league match-ah hneh loh an la tawng lo.

Inkhel dangah season bul tan tha tawk lo Borussia Dortmund-in Hamburg 5-2 zetin an sawp a, Thomas Tuchel-a hote tan hian Pierre-Emerick Aubameyang-a’n goal li hmasa pali khungin substitute Ousmane Dembele-a’n goal ngana a khung. Hamburg tan hian Nicolai Müller-a’n goal hnih a khung a, hei goal hnih hi scoreline tih mawina chauh a ni.

Allianz Arena-ah chuan…
Hoffenheim-in goal zawna an pet hmasa berah goal an khung a, Nadiem Amiri pass chu Kerem Demirbay-a’n minute 16-na lekah kawh pawtin a pet lut a, captain Manuel Neuer a dem theih loh.

Bayern lamin inkhel thunun mah se goal hmaah an hriam tawk lo a, Carlo Ancelotti hote vannei hlauhin Douglas Costa chu minute 34-naah Hoffenheim defender Steven Zuber-a’n a lamah a tilut.

Champion lai Bayern-in goal dang khung belh theihna turin hun nei mah se goal hmaah an vannei tawk lo a, second half-ah Mats Hummels leh Thomas Müller ten goal ban an pet per a. Hoffenheim leh Bayern 1-1 in an inhnehtawk.

Kalou – Hattrick
Chelsea forward hlui Salomon Kalou chuan Hertha Berlin tan hattrick a siam a, Borussia Monchengladbach chu 3-0 in an hneh.

Gladbach hian Champions Leasgue-ah Celtic an draw a, Berlin an hneh loh tum hian midfielder Christoph Kramer chu first half-ah hnawhchhuah a ni.

Season liam taa palina Gladbach hian league match hnuhnung pangaah chak an neih loh bakah goal an khung lo, hei vang hian table-ah pawh 11-naah an awm.

Inkhel Results
Hertha BSC 3 – 0 Borussia M’gladbach
Bayern München 1 – 1 Hoffenheim
Bayer Leverkusen 3 -2 Darmstadt 98
Hamburger SV 2 – 5 Borussia Dortmund
Ingolstadt 0 – 2 Augsburg
Freiburg 0 – 3 Wolfsburg

Team Dinhmun

#	Team	Pld	W	D	L	GF	GA	GD	Pts
1	Bayern Munich	10	7	3	0	24	6	18	24
2	RB Leipzig	9	6	3	0	17	6	11	21
3	Hoffenheim	10	5	5	0	18	11	7	20
4	Hertha BSC	10	6	2	2	17	10	7	20
5	Borussia Dortmund	10	5	3	2	25	12	13	18
6	FC Cologne	9	5	3	1	16	6	10	18
7	Bayer Leverkusen	10	5	1	4	16	15	1	16
8	Eintracht Frankfurt	9	4	3	2	13	8	5	15
9	Freiburg	10	5	0	5	13	16	-3	15
10	Mainz 05	9	4	2	3	16	15	1	14
11	Borussia M’gladbach	10	3	3	4	10	15	-5	12
12	Augsburg	10	3	2	5	10	14	-4	11
13	Wolfsburg	10	2	3	5	9	13	-4	9
14	Schalke 04	9	2	2	5	10	11	-1	8
15	Darmstadt 98	10	2	2	6	10	20	-10	8
16	Werder Bremen	9	2	1	6	11	24	-13	7
17	Ingolstadt	10	0	2	8	7	21	-14	2
18	Hamburger SV	10	0	2	8	4	23	-19	2