The Football Association (FA) chuan Covid-19 avangin 2019-20 chhungin £300m (pound maktaduai 300) teh meuh mai chu an hloh dawn ni a an hriat thu FA chief executive Mark Bullingham chuan a sawi.
Hripui lêng avanga khawvel pum kan buaina hian football khawvel pawh nasa takin a nghawng a. Club leh playerte chauh a nghawng lova, ram hrang hrang a football association te pawh a nghawng na hle a, chung zingah chuan khawvela football association upa ber FA pawh hia nghawng nat berte zinga mi a ni.
Hetia kumkhat chhunga £300m vel an hloh dawn avang hian FA chuan an hnuaia thawk mi 82 lai chu an hna atangin an chawlhtir tawh a, tin hna ruak 42 awm mêk pawh chu a post chawpa an dah bo rih thu FA chief executive hian a sawi bawk a ni.