Inkhel entu an pung telh telh la, 1st MAP game pawh a tha telh telh a, MFA League 2011 Champion chu 5-2 a hnehin semi final ah Royal Wahingdoh an tum ang.
SYS F.C. 0-1 Dinthar F.C.
Lalrinkima 23′
SYS hi tla tawh anni a, chubakah tun kar chhunga a match rukna na anih bawk a, hemi belhchhan tur hian an defender a lo in Red Card a lo hmuh bawk avangin Dinthar F.C. hi an hneh lo hle a. Dinthar F.C game fuh ni chu ni se, goal 5 chuang chu an thun thei ngei ang le. Mahse an striker ten chance an missed nual avangin Captain Lalrinkima penalty hmangin 1-0 chauhin an chak ta a ni.
1st MAP F.C. 5-2 F.C. Kulikawn
Albert Zohmingmawia 67′
Lalhnehzova 88′
Laltanpuia 49′
Lalfakawma 54′
Lalfakzuala 69′
F. Lalrinpuia 87′
Lalnunmawia 90+3′
Dinthar F.C. an chak avangin hemi te pahnih inkhel ah hian draw a thiang tawh lova, an in draw hlauh chuan Dinthar F.C. in Semi Final an lut dawn a. Chutihrualin a chak zawk zawk in Semi Final hi an lut thei bawk.
F.C. Kulikawn in bul an tan tha zawk!!!
Inkhel en tu an tam a, Police phei chu tlang lamah an thu thup bawk a. Inkhel pawh a hmuhnawm nghal hle. Team tha lo zawka ngaih F.C. Kulikawn chuan inkhel tan tirh atangin game an thunun nghal a, goal erawh an thun thei lo. A ngai te bawkin Kulikawn lam tan Danny-a a hlauawm thei hle a, Samuel Laltlanthanga, Albert te ho in 1st MAP defender te an chhaih buai hneh hle. 1st MAP lam game chhiat chhan hi Sama Hnamte khelh loh vang pawh a ni thei anga, amah aia lut Lorrain hian match fitness a neih loh vangin Sama hmunruak hi a luah hneh tlat lo.
1st MAP in a tawp an khar tha zawk!!!
Second half ah erawh goal a sur tih theih tur khawpin goal a lut tam a, 1st MAP in goal nga thunin F.C. Kulikawn lam hian goal hnih chauh an thun thei anni. First MAP hian second half game ang hi an chhunzawm theih a nih chuan Semi Final ah pawh Royal Wahingdoh hi an hneh ngei ang le.
Chawhchawrawi!!!
*1st MAP Captain Tanpuia goal thun kha Goal of the Tournament ni thei tur khawp a, mawi a ni.
*F.C. Kulikawn Coach te an fakawm khawp mai.Chak an tum a, chak an tum lutuk vangin an lama goal a lut tam a, hei hi an chhiat vang ni lovin chak an tum lutuk vangah a ngaih theih. Team hlauawm ber te zingah an rawn tel leh thei ang.
*Dinthar F.C. team in dinthar leh hi la tha chho thei tur anni a, tunah pawh hi team chhia chu ni lo mahse siamthat ngai tur a la tam a, hun thawl zawk an neih laia an insiamthat theih anih ngai chuan team tum chakawm chu anni lo tawp ang le.
*SYS hi team tha anni tih a hriat a, chutihrualin an naupan na a lang tel bawk. Kar khat chhung tawp chawlh miah lovin an inkhel a, an chau tih pawh a hriat khawp mai. Mahse theihtawp an chhuah avangin an fakawm tak zet zet a ni.
*A tawp berah chuan a tlang tur dik tak an tlang niin a lang a, 1st MAP hi tun tournament ah chuan Mizo Hmel annih tawh dawn avangin chak ngei tur pawhin duhsakna kan hlan nghal e.
*(Vawiin inkhel chu entu pawh kan thahnem in, inkhel en man pawh a awm hle mai.Kulikawn FC leh 1stMAP FC te in khel meuh chu a hmuhnawm ka ti hle mai. KulikawnFC te team work a tha in skills pawh an nei tha hle a, mahse hun pawimawhah 1st MAP FCte experience players awm khawm an nihna a lang chhuak leh ta. Tharum an neiin antlan chak a, an khel tha thlawt. A bik takin Jersey no. 11 Valpuia che a hmuhnawm thin hle.1st Half ah goal a lut lo a, amaherawh chu second half atang chuan a lut deuh ta reng. -Fanchun Mama)
F.C. Kulikawn
First Eleven: Ramhlungnaia, Vanneihtluanga, Lalnunpuia, Benjamin Lalbiakhlua (C), Zohmangaiha, albert Zohming mawia, Lallawmsanga, Lalbiakthanga, Lalrammuanpuia, Danny Lalduhawma, Samuel Laltlanthanga
Substitutions:
Eddie Lalhminghlua, Johnson Kaptinthanga, Lalpeklawma, Lalnunzira, Lalfela Hlawndo, Lalhnehzova, Francis Zonuntluanga, Lalsiamliana.
Coach: Malsawmkima
Team Manager: Athanga Sailo
1st Bn MAP F.C.
First Eleven: J. Vanlalhriata, R. Vanlalhriata, Lalremruata, Larinchhana, aLaltanpuia, Lalbiakhlua, Zothantluanga, Lorrain Lalremruata, Lalfakzuala, Lalfakawma, F. Lalrinpuia
Substitutions:
Lalthakima, B. Zoramthanga, Lalawmpuia, Albert Lalnunsanga, K Lalrinfela, Lalnunmawia, H. Lalnunzira, Laltuakliana
Coach: Vanlallawma
Team Manager: S.I. Laltleipuia
cialis generic name
buy cialis
Real viagra without prescription
Overnight delivery viagra
A en velo min ti begvar lh ta swt mai. Post chhiar manhla tak ani. 1st MAP kal zel rawh u
voiin chu FC kulikawn tan tu tan chuan a hrilh hai thlak khop mai…mhse an players te an chak don toh lo tih hre chunga a tawp thlenga an trang han hmuh kha chuan fak loh theih anni lo…chutih rualin 1st MAP poh chak tlakin an khel a, an lompui om viau e
Royal Wahingdoh leh tun tournament-a 1st MAP inkhel ka la en lo ve ve a, mahse 1st MAP player hen en hian an tha tih chu a hriat. Chawlh hahdamna hun tha tak an neih a, an game a fuh bawk chuan an chak turah ka ngai. Royal ho tan Lammuala an first game tur a ni a, an che buai ve thei tlat.
Royal wahingdoh hi ka la hmu biklo nangin 1st MAP nen chuan an in chai tawk viau ang, MAP pawh kha an thiam a, an fit tlat.
1st MAP hian Royal Wahingdoh an hneh theih ka lo ring ve ringot a..
1st MAP te kha an chak par par khawp mai. Wahingdoh ho tan pawh tawhkhirh tak anni ngei ang le…
Mahse nimin leh vawiin game hmuhnawm tak te kha first half ah chuan a hmuhnawm lemloh dun khawp mai. 2nd half-a goal a luh chiah khan a hmuhnawm.. game leh hunah pawh goal awm vat se hmuhnawm hlang ani mai