I-Day : Day 1 Review : Mizoram Police in beisei pha lo, AFC in Reitlang FC an sawp !

Estimated read time 8 min read

Mizoram Premier League (MPL) playoff khelh zawh a ni a. Vawiin atang Independence Day Celebration Invitation Football Tournament khelh tan leh a ni a. Kan tarlan fo tawh angin he tournament hi team 10 in an khel dawn a. Team 8 te hi MPL khel tur te an ni a, team 2 te erawh Mizoram pawn lam team an ni thung. Mizoram pawn team te hi ONGC, Mumbai leh Oil India, Duliajan (Assam) te an ni.

Vawiinah match hnih a awm a. Match hmasa zawk inkhelah Dinthar FC leh Mizoram Police te 1-1 in an in draw a. Dinthar FC tana pet goal tu hi Lalmuansanga a ni a, Mizoram Police tana goal thuntu hi Lalchhuantlinga a ni thung. Match hnuhnung zawkah Aizawl FC in 3-0 in Reitlang FC an hneh thung. AFC tan hian Francis Zonuntluanga (2 goals) leh Brandon VL Remdika te’n goal an thun.

Match khatna : Dinthar FC 1-1 Mizoram Police
(Lalmuansanga 82′) (Lalchhuantlinga 85′ )

He inkhel hi I-Day tournament khuh hawnna tur a ni a. Club lian ve ve an ni a, thawm an nei ring bawk a. Mi tam tak en chak a ni. Team hnih te hian players an nei tha a, tha zawk thlang dawn ila thlan a har khawp ang le.

Tute nge khel?
Police lam hian hmatawngah Valpuia leh Fakzuala te an dah a. Midfield laiah Captain Sama Hnamte leh T-a te an awm a. A sirah Jerry-a leh Biaktea te an awm thung a. Defence laiah Ruata leh Hruaia te awmin a sirah Itana leh Ropuia te an awm a. Hriata’n goal a veng thung a ni.

Dinthar FC lam hian attacking players an luh tir hnem a. Zico-a a awm lova, Danmawia leh Samuel-a te an dah a, an hnungah Mawitea leh Kca te an awm a. A sirah Buangpuia leh Thlamuana te an awm a. Defence laiah chuan Captain Chhana leh Ramnuna te an awm a, a sirah Ronald-a leh Zautea te an awm thung a. Keeper-ah T.Mawia an hmang thung a.

Inkhel chanchin
Inkhel tan a ni a, Police zawkin an nawr beh rin a ni a. Mahse rin ang a ni hauh lo mai. Dinthar lamin an nawr zawk a. A hmuhnawm nghal khawp mai. Game a rang a, players fitness a tha a, MPL playoff aiin game a rang a ni. Dinthar FC lamin ball an chang tam a, goal bulah an hlauhawm thei hle. Mahse clear chance mumal hmuh tur a awm lova, Midfield battle a hmuhnawm khawp mai. Police midfield Sama leh T-a an tang a, chutih rualin Kca leh Mawitea te chevel a hmuhnawm thei hle bawk. Defender te an fakawm dun ve ve a. Fans nei tha zawk Dinthar FC lamin chance erawh an ngah zawk.

Goal inpe lovin inkhel a tawp mai dawn emaw tih laiin minute 82 naah Bench atanga rawn lut Muansanga’n mawi takin a head goal a, mahse he goal hi Police keeper Hriata tihsual a tih theih. Ani ang class chhuah atan chuan a ho angreng. Dinthar FC an phur thar a, mahse minute 3 chiah ala ral tihin minute 85 naah Police lamin an ti goal veleh a. Striker tlan chak F.Lalrinpuia (Valpuia) chuan rawn pet lutin a goal a, he goal hi MFA official lam te chuan Bench atanga rawn lut Chhuantlinga tih goal angin an ziak thung. Chhuantlinga hian Valpuia ball pet luh hi a tawk nia an hriat vang a ni. (Hei vang hian ZoFooty paw’n MFA ziah angin kan ziak ta a ni) Hemi hnu rei lo teah Police lam hian Chhuantlinga hmangin an ti goal leh a mahse Asst. Referee chuan offside a lo phar a ni. Goal dang a luh belh lova. 1-1 in inkhel a tawp a ni.

Tlangkawmna
Mizoram Police lamin mipui beisei an pha lo kan ti dawn nge Dinthar FC hi an tha hrim hrim kan ti dawn? Inpuahchahna nei tha ve ve an ni bawk a, inkhel pawh a rangin a hmuhnawm hle. Sama Hnamte leh T-a inkawp a hmuhnawm a, mahse Dinthar FC midfielder Kca leh Buangpuia te’n chance an pe meuh lo. Club pahnih striker te ve ve in beisei an pha lo kan ti dawn nge an defender te ve ve an khel tha kan ti dawn? Vawikhat khelhna a ni a, team hnih te hi an la inman lo deuh a tih theih awm e. Match leh ah chuan a hmuhnawm tawh ngei ang le. A bikin Mizoram Police players te hian mipui beisei an phak loh avangin khelh leh hunah chuan an tawrhhlelhawm viau a rinawm. Dinthar FC te’n fans an nei tha a, an fakawm. Tin, an players te paw’n an kheltha a, an khel a mumalin a hmuhnawm hle bawk.

Match hnihna : Aizawl FC 3-0 Reitlang FC
(Francis Zonuntluanga 3′, 47′ , Brandon VL Remdika 66′)

MPL Playoff an an lo in draw tawh a. Hei vang hian intum tawk hle tura ngaih an ni a. Mahse nihnih liam ta khan game hahthlak tak an khelh ve ve avangin players te an chauh hle rin a ni. Tin, squad nei tha zawk AFC lam erawhin an tuar vak lo tura rin a ni a. Reitlang FC erawh duh angin bench lamah players tha an nei tam lova, hei vang hian an players te hi hah hle mah se an khelh rin a ni.

Inkhelh hma chanchin
MPL playoff-ah kha chuan mi tam takin an en chak lem lo. Mahse MPL Playoff-ah 1-1 a an in draw tak avangin ngaihven a hlawh hle. Players te’n kar hnih chhungin match 7 an khel a, an chau hle a. Hei vang hian players nei tha AFC an vannei a ni. Players hrem tawk te an awm chung paw’n an squad a pan phah lova, an ngai reng a ni. Tin, rotation basis deuhva khel an nih avangin an players te chhawr rim bik an nei lova, an tan chuan harsatna a awmin a rinawm loh. Reitlang erawh bench lamah players an neih that loh an tuar deuh a tih theih a. An striker tlan chak H.Lianzama hmel kan hmu lova. Players pawimawh dang Vannunmawia (Nuntea), Zion-a leh Simon-a te hmel erawh kan hmu thung. Zama a tel lo tih loh hi chu an squad ngai a tih theih awm e.

Inkhel chanchin
Playoff ang lo takin Reitlang FC te hian fans an nei lova. A reh thuap a ni. Fans te pawh an chau tawh a ni ngei ang. Tin, MPL ber an inpet tling tawh a. I-Day hi chu an phur lo pawh a ni mah na ! Rin ang ngeiin inkhel a dul a, players te an chauh tih a hriat hle. AFC lam hian chance an nei zeuh zeuh a. Winger Brandon-a leh Striker Zirtea te an hnawksak thei hle. Minute 3 naah half way line (centre bul) pelh deuh hret atang Francis Zonuntluanga’n mawi lutukin a pet goal a, he goal hi a class a sang hle. Squad nei pan zawk leh players siksawi tur vak nei lo Reitlang FC team te an bet deuh zawk a, an players te an chau tih kan hmu a, tin, fans an nei lova, an phur lo deuhvn a hriat. Minute 47 naah Francis Zonuntluanga bawk hian box pawn atang nalh takin ahma ang deuh chiahin a pet goal leh a. Hei pawh hi a mawi khawp mai, mahse Reitlang keeper tihsual a tih theih bawk. AFC lamin players an neithat an chhawr zel a, an tifuh hle. AFC rawlthar Brandon-a che vel a hmuhnawm a, goal pawh a thun reng a ni. Goal dang a luh belh lova, 3-0 in AFC an chak a ni.

Team MP W D L GF GA GD Pts
AIZAWL FC 1 1 0 0 3 0 3 3
DINTHAR FC 1 0 1 0 1 1 0 1
MIZORAM POLICE 1 0 1 0 1 1 0 1
ONGC, MUMBAI 0 0 0 0 0 0 0 0
REITLANG FC 1 0 0 1 0 3 -3 0

Tlangkawmna
Reitlang FC ten fans an nei lova, an players te an chau bawk a, an chak lo a tih theih. Hetih rualin AFC players leh coaching staff te an fakawm bawk. Players an nei tha a, players hah fal bik awm lovin players an siksawi kual thiam a, an players te pawh an vui lem lo a ni. Mahse MPL playoff ah pawh AFC hian bul an tan tha a, daih rei tak maw? Reitlang FC te’n an tum ber, MPL khel turin an in pet tling tawh a, I-Day hi chu an players te an chau tawh bawk nen champion an tum lo ni lovin an champion theih a rinawm loh. Squad an nei pan a, players ngai an chhawr nasa a, I-Day ah hi chuan an chetthat a rinawm loh. Mahse football-ah chuan engmah sawi lawk theih a ni lo kan tih tawh kha, i lo thlir zel phawt ang.

You May Also Like

More From Author

15Comments

Add yours
  1. 2
    Ahruaia Lil'Foe

    @STEVEN : 3 chin chu a margin a sang tawh khop a, mizo tawng thu uar hman dawn chuan sawp tih hi thil awlai ber a ni.. chuan thil hrechiang mang silo a, inchirhtheh deuh a intih ai chuan constructive criticism hmang thiam thin ila mizo hian hma kan sawn ang mole!!.Nang chauh i ni lo inti fing hre ziktluak chiah silo hi midang pawh an tam!!!

    Heihi lo chhiar tha leh teh..
    http://www.zofooty.com/2012/07/mpl-playoff-round-4-match-no-14-coach-sanga-kaihhruaina-hnuaiah-kanan-fc-in-aizawl-fc-an-sawp/

  2. 3
    Ramenga

    @steven: AFC i tan lo a nih chuan tan lo la, a tawk. I rawn comment tirh atangin zofooty hi AFC tran tlat turah i ngai tih a hriat reng mai a, i thahnemngaihna kan hlutsak che a, chutihrualin i comment thenkhat hi cuan nagmah a ti cheap thin hle mai che. League khata awm tur theuh2, 3-0 a inhneh te cu an insawp viau alawm le. Kanan FC in Aizawl FC an hneh tuma post poh i peih cuan han haichhuak leh la, an hneh trok2 kan ti nge ti lo te poh han enchiang leh ta che.

  3. 4
    Steven

    AFC hian si 3 an thun hi chuan, an SAWP thei bik riau jel Zofooty-ah hi chuan….Kanan kha chuan AFC lamah 3-1 in emo an hneh trum kha chuan an hneh trok a nih kha…

  4. 5
    Cleverley VRT

    AFC chu an che that phian ka ring match lehah pawh, Reitlang chu an naupang ala langchhuak dawn chauhin ka ring.

  5. 6
    MIZO

    @Lalthanzama Vanchhawng, zam suh thu hman uar bik te hi neih thin a nia… “A tih theih” a ni ve mai a. Tih theih lo se a tih theih i ti nang… hahahaha

  6. 7
    Lalthanzama Vanchhawng

    @Zomuana Chhakchhuak : haha nih hi mawle. ka hmanhmawh lutuk a, Internet leh current chiangkuang lo lutuk vangin ka ennawn tawh lova, chuvang a ni e 🙂 a lehpekah chuan a tlem tawh ngawt ang. haha

  7. 8
    Rs_Betlu

    Vawiin a reitlang ami in tauh avanga an zawn chhuah tak kha enge a an tak le?? Hria in awm mial em? An na viau ang, Player pahnih an head tur a in tawng zawngin an zuang sia, an in tauh ta nia

  8. 9
    Zomuana Chhakchhuak

    “A tih theih…” ava tam ve!

    Kolasib atang pawhin kan ngaihven khawp mai, a bikin AFC khelin, an chak leh chakloh hriat tum ringawtin ka zofooty fo mai. Ziak ngaihnawm hle mai.

  9. 12
    Eddya Pa

    Mizoram Police an vannei,inkhel en in 3-1 vela Dinthar laka chaklo tur anni,an lawm ngwt ang Dinthar an draw hi

  10. 13
    Rs_Betlu

    Police leh Dinthar kha a hmuhnawm phian, an in ngam ang reng a, game a rang a, Mahse duh aiin counter attack tur ah ball an keng rei mah mah thin hlawm (team dangah pawh ani vek).

+ Leave a Comment

I-Day : Day 1 Review : Mizoram Police in beisei pha lo, AFC in Reitlang FC an sawp !

Mizoram Premier League (MPL) playoff khelh zawh a ni a. Vawiin atang Independence Day Celebration Invitation Football Tournament khelh tan leh a ni a. Kan tarlan fo tawh angin he tournament hi team 10 in an khel dawn a. Team 8 te hi MPL khel tur te an ni a, team 2 te erawh Mizoram pawn lam team an ni thung. Mizoram pawn team te hi ONGC, Mumbai leh Oil India, Duliajan (Assam) te an ni.

Vawiinah match hnih a awm a. Match hmasa zawk inkhelah Dinthar FC leh Mizoram Police te 1-1 in an in draw a. Dinthar FC tana pet goal tu hi Lalmuansanga a ni a, Mizoram Police tana goal thuntu hi Lalchhuantlinga a ni thung. Match hnuhnung zawkah Aizawl FC in 3-0 in Reitlang FC an hneh thung. AFC tan hian Francis Zonuntluanga (2 goals) leh Brandon VL Remdika te’n goal an thun.

Match khatna : Dinthar FC 1-1 Mizoram Police

(Lalmuansanga 82?) (Lalchhuantlinga 85? )

He inkhel hi I-Day tournament khuh hawnna tur a ni a. Club lian ve ve an ni a, thawm an nei ring bawk a. Mi tam tak en chak a ni. Team hnih te hian players an nei tha a, tha zawk thlang dawn ila thlan a har khawp ang le.

Tute nge khel?

Police lam hian hmatawngah Valpuia leh Fakzuala te an dah a. Midfield laiah Captain Sama Hnamte leh T-a te an awm a. A sirah Jerry-a leh Biaktea te an awm thung a. Defence laiah Ruata leh Hruaia te awmin a sirah Itana leh Ropuia te an awm a. Hriata’n goal a veng thung a ni.

Dinthar FC lam hian attacking players an luh tir hnem a. Zico-a a awm lova, Danmawia leh Samuel-a te an dah a, an hnungah Mawitea leh Kca te an awm a. A sirah Buangpuia leh Thlamuana te an awm a. Defence laiah chuan Captain Chhana leh Ramnuna te an awm a, a sirah Ronald-a leh Zautea te an awm thung a. Keeper-ah T.Mawia an hmang thung a.

Inkhel chanchin

Inkhel tan a ni a, Police zawkin an nawr beh rin a ni a. Mahse rin ang a ni hauh lo mai. Dinthar lamin an nawr zawk a. A hmuhnawm nghal khawp mai. Game a rang a, players fitness a tha a, MPL playoff aiin game a rang a ni. Dinthar FC lamin ball an chang tam a, goal bulah an hlauhawm thei hle. Mahse clear chance mumal hmuh tur a awm lova, Midfield battle a hmuhnawm khawp mai. Police midfield Sama leh T-a an tang a, chutih rualin Kca leh Mawitea te chevel a hmuhnawm thei hle bawk. Defender te an fakawm dun ve ve a. Fans nei tha zawk Dinthar FC lamin chance erawh an ngah zawk.

Goal inpe lovin inkhel a tawp mai dawn emaw tih laiin minute 82 naah Bench atanga rawn lut Muansanga’n mawi takin a head goal a, mahse he goal hi Police keeper Hriata tihsual a tih theih. Ani ang class chhuah atan chuan a ho angreng. Dinthar FC an phur thar a, mahse minute 3 chiah ala ral tihin minute 85 naah Police lamin an ti goal veleh a. Striker tlan chak F.Lalrinpuia (Valpuia) chuan rawn pet lutin a goal a, he goal hi MFA official lam te chuan Bench atanga rawn lut Chhuantlinga tih goal angin an ziak thung. Chhuantlinga hian Valpuia ball pet luh hi a tawk nia an hriat vang a ni. (Hei vang hian ZoFooty paw’n MFA ziah angin kan ziak ta a ni) Hemi hnu rei lo teah Police lam hian Chhuantlinga hmangin an ti goal leh a mahse Asst. Referee chuan offside a lo phar a ni. Goal dang a luh belh lova. 1-1 in inkhel a tawp a ni.

Tlangkawmna

Mizoram Police lamin mipui beisei an pha lo kan ti dawn nge Dinthar FC hi an tha hrim hrim kan ti dawn? Inpuahchahna nei tha ve ve an ni bawk a, inkhel pawh a rangin a hmuhnawm hle. Sama Hnamte leh T-a inkawp a hmuhnawm a, mahse Dinthar FC midfielder Kca leh Buangpuia te’n chance an pe meuh lo. Club pahnih striker te ve ve in beisei an pha lo kan ti dawn nge an defender te ve ve an khel tha kan ti dawn? Vawikhat khelhna a ni a, team hnih te hi an la inman lo deuh a tih theih awm e. Match leh ah chuan a hmuhnawm tawh ngei ang le. A bikin Mizoram Police players te hian mipui beisei an phak loh avangin khelh leh hunah chuan an tawrhhlelhawm viau a rinawm. Dinthar FC te’n fans an nei tha a, an fakawm. Tin, an players te paw’n an kheltha a, an khel a mumalin a hmuhnawm hle bawk.

Match hnihna : Aizawl FC 3-0 Reitlang FC

(Francis Zonuntluanga 3?, 47? , Brandon VL Remdika 66?)

MPL Playoff an an lo in draw tawh a. Hei vang hian intum tawk hle tura ngaih an ni a. Mahse nihnih liam ta khan game hahthlak tak an khelh ve ve avangin players te an chauh hle rin a ni. Tin, squad nei tha zawk AFC lam erawhin an tuar vak lo tura rin a ni a. Reitlang FC erawh duh angin bench lamah players tha an nei tam lova, hei vang hian an players te hi hah hle mah se an khelh rin a ni.

Inkhelh hma chanchin

MPL playoff-ah kha chuan mi tam takin an en chak lem lo. Mahse MPL Playoff-ah 1-1 a an in draw tak avangin ngaihven a hlawh hle. Players te’n kar hnih chhungin match 7 an khel a, an chau hle a. Hei vang hian players nei tha AFC an vannei a ni. Players hrem tawk te an awm chung paw’n an squad a pan phah lova, an ngai reng a ni. Tin, rotation basis deuhva khel an nih avangin an players te chhawr rim bik an nei lova, an tan chuan harsatna a awmin a rinawm loh. Reitlang erawh bench lamah players an neih that loh an tuar deuh a tih theih a. An striker tlan chak H.Lianzama hmel kan hmu lova. Players pawimawh dang Vannunmawia (Nuntea), Zion-a leh Simon-a te hmel erawh kan hmu thung. Zama a tel lo tih loh hi chu an squad ngai a tih theih awm e.

Inkhel chanchin

Playoff ang lo takin Reitlang FC te hian fans an nei lova. A reh thuap a ni. Fans te pawh an chau tawh a ni ngei ang. Tin, MPL ber an inpet tling tawh a. I-Day hi chu an phur lo pawh a ni mah na ! Rin ang ngeiin inkhel a dul a, players te an chauh tih a hriat hle. AFC lam hian chance an nei zeuh zeuh a. Winger Brandon-a leh Striker Zirtea te an hnawksak thei hle. Minute 3 naah half way line (centre bul) pelh deuh hret atang Francis Zonuntluanga’n mawi lutukin a pet goal a, he goal hi a class a sang hle. Squad nei pan zawk leh players siksawi tur vak nei lo Reitlang FC team te an bet deuh zawk a, an players te an chau tih kan hmu a, tin, fans an nei lova, an phur lo deuhvn a hriat. Minute 47 naah Francis Zonuntluanga bawk hian box pawn atang nalh takin ahma ang deuh chiahin a pet goal leh a. Hei pawh hi a mawi khawp mai, mahse Reitlang keeper tihsual a tih theih bawk. AFC lamin players an neithat an chhawr zel a, an tifuh hle. AFC rawlthar Brandon-a che vel a hmuhnawm a, goal pawh a thun reng a ni. Goal dang a luh belh lova, 3-0 in AFC an chak a ni.

Team MP W D L GF GA GD Pts
AIZAWL FC 1 1 0 0 3 0 3 3
DINTHAR FC 1 0 1 0 1 1 0 1
MIZORAM POLICE 1 0 1 0 1 1 0 1
ONGC, MUMBAI 0 0 0 0 0 0 0 0
REITLANG FC 1 0 0 1 0 3 -3 0

Tlangkawmna

Reitlang FC ten fans an nei lova, an players te an chau bawk a, an chak lo a tih theih. Hetih rualin AFC players leh coaching staff te an fakawm bawk. Players an nei tha a, players hah fal bik awm lovin players an siksawi kual thiam a, an players te pawh an vui lem lo a ni. Mahse MPL playoff ah pawh AFC hian bul an tan tha a, daih rei tak maw? Reitlang FC te’n an tum ber, MPL khel turin an in pet tling tawh a, I-Day hi chu an players te an chau tawh bawk nen champion an tum lo ni lovin an champion theih a rinawm loh. Squad an nei pan a, players ngai an chhawr nasa a, I-Day ah hi chuan an chetthat a rinawm loh. Mahse football-ah chuan engmah sawi lawk theih a ni lo kan tih tawh kha, i lo thlir zel phawt ang.

You May Also Like

More From Author

+ There are no comments

Add yours