I-Day, Day 3 Review : MRP-in Reitlang FC an sawp, Dinthar FC-in I-League club ONGC an hneh !

Estimated read time 8 min read

Independence Day Celebration Invitation Football Tournament khelh chhunzawm leh a ni a. Vawiinah match hnih awm lehin match hmasa zawkah Mizoram Police-in Reitlang FC 4-1 in an sawp a. Mizoram Police tana goal thuntute hi Sama Hnamte, Lalchhuantlinga leh F.Lalrinpuia (2 goals) te an ni a, Reitlang FC goal awmchhun hi Zirsangzela (Sena) thun a ni. Inkhel hnuhnung zawkah Dinthar FC in ONGC, Mumbai 2-1 in an hneh a. Dinthar FC tana goal thuntute chu Ramfangzauva leh Laldanmawia te an ni a, ONGC goal awmchhun hi Tariff Ahmed thun a ni thung.

First match : MIZORAM POLICE 4-1 REITLANG FC
(Sama Hnamte 26′, Lalchhuantlinga 60′ , F.Lalrinpuia 63′ & 80′) – (Zirsangzela 45′+1)

Mizoram Police hian an hmasa berah Dinthar FC an draw avangin Coach Joseph-a’n squad a siksawi deuh a. Defence laiah Ruata lachhuakin Opa a dah thung a. Jerry-a hmel kan hmu lova, a aiah Chhuantlinga dah a ni a. Mahse Chhuantlinga hi forward-ah dahin Fakzuala wing-ah a pawt let a ni. Reitlang FC lam hian an player suspend tawk Zirsangzela (Sena) an chhawr leh thei tawh a. Captain Zion-a bench-ah thu in, Zama erawh a damsam loh avangin squad-ah a awm lova. Reitlang FC hian an match hmasa berah AFC an hneh lo a ni.

Tute nge khel?
Mizoram Police : Hriata (Keeper), Itana, Hruaia, Opa, Jsa, Fakzuala, Samua, T-a, Biaktea, Chhuantlinga. Valpuia
Reitlang FC : Bena (Keeper), Maruata, Simon-a, Kimkima, Jerry-a, Hriatpuia, Muanawma, Kimtea, Nuntea, Careca, Sena

Inkhel chanchin
Mizoram Police (MRP) hian players an nei tha a, star player rual tih ngam an ni. Reitlang FC players te erawh langsar em em lo mah se an tangrual a, an team work a tha hle a ni. Mizoram Police hian a tir lamah chuan Reitlang FC te hi an tum tawk hle a. Reitlang lam hian midfield pathum an dah a, MRP lamin pahnih an dah thung a. Minute 26 naah Captain Sama Hnamte chuan MRP tan goal hmahruai a thun a. Reitlang FC lam hian Captain Zion-a rawn luh tirin an siphurh sut an tum hle a. First half-ah hi chuan an intum tawk hle a. Hun pek belhah Sena’n freekick atang a head goal ve a, first half a tawp zui a, 1-1 a ni a.

Second half-ah MRP lamin an defence an thuam tha a, Opa lachhuakin Ruata an dah lut a. Tin, match hmasa berah beisei an pha lova, DInthar FC an hneh lo thelh a nih kha. An match hnihna first half-ah pawh beisei an la pha chuang lova. Second half-ah erawh an rawn tang hle a. MRP lamin an nawr a, Reitlang FC players te an chau a, match an khel zawn nasa bawk a. Chutih rualin MRP players te erawh an fit a, an rang hle a ni. MRP lamin penalty an hmu a, Chhuantlinga’n a pet goal a. Striker tlan chak Lalrinpuia (Valpuia)’n goal hnih dang a thun leh a, 4-1 in MRP an chak a ni.

Sawi zui ang
Mizoram Police players te hi star player rual tih ngam an ni a, an fitness a tha a, an inpuahchahna a tha bawk a, champion an tum hle a ni. An match hmasa ber erawh an khel chhe hle a, Dinthar FC lakah an mualpho tep a ni. Draw mah se a khelhah Dinthar FC an hneh lo hle a ni. Reitlang FC pawh first match-ah an tum tawk hle a, second half-ah Reitlang FC players te an chau tawh a, tin, an finishing a lo tha zawk bawk nen, Reitlang FC lakah goal 4 ngawt an thun theih phah a. Mahse an game plan angin an la khel lo a tih theih. Champion an tum anih chuan an tan viau chu a la ngai ang.

Reitlang FC players te hi an fakawm a, an squad a pan a, players an nei tha vur lova mahse an tangrual em em a ni. World Cup 2002-a South Korea team ang deuh kha an ni a, an fans te nen an tang tlang hle a ni. MPL-ah an in pet tling a, an fans te an lo buai ve bawk nen I-Day ah erawh fans an nei meuh lova, nei ngat se chuan players 12 in an khel leh ang a, result hi a dang deuh mah na ! Mahse Coach Chawnga paw’n a naute chauh thu a sawi ve bawk a, MPL-ah erawh tawh an khirh viau tur thu a sawi ve bawk a ni.

Second match : DINTHAR FC 2-1 ONGC, MUMBAI
(Ramfangzauva 17′, Laldanmawia 30′) (Tarif Ahmed 14′)

Dinthar FC hian players an nei tha a, First division champion lai an ni bawk a, I-Day ah hian champion an tum hle a ni. Coach Zara’n squad a siksawi nasa hle a. Match hmasa lama khel tha Kca, Buangpuia, Samuel-a leh Thlamuana te bench ah an thu a, Lalmama, Biaknunga, Chhaia leh Duhawma te hmel kan hmu thung a. Hei hian a entir chu players an nei tha tawk tihna a ni. ONGC lam hi I-League khel tur team an ni a, Mizo players pali an awm a. Chungte chu Muanpuia, David Rinmuana (Papuia), Abraham-a leh Chhuantea te an ni. Synod Conference Centre, Mission Veng-ah an thleng a, Aizawl-ah hian kar hnih vel an awm tawh a ni.

Tute nge khel?
Dinthar FC : Tmawia (Keeper), Chhana (Captain), Ramnuna, Zautea, Ronald, Lalmama, Biaknunga, Chhaia, Duhawma, Mawitea, Danmawia
ONGC : Prasenjit (Keeper), Gary, Sachin, Yogesh, Chhuantea, Abraham, Muanpuia (Captain) , Parwiner Singh, David Rinmuana, Kailash, Tarif

Inkhel chanchin
ONGC hi season thara I-League khel tur an ni a. Aizawl-ah hian tournament khel tur bakah training nei tura rawn kal an ni a. Mumbai lamah ruah te a sur nasa a, chuvanga Aizawl rawn thleng hma pawh an ni a. Star player thenkhat leh Foreign players te an rawn hruai lo bawk a ni. Inkhel tan a ni a, game a rang nghal hle a. Players nei tha ve ve an ni a, inkhel pawh a hmuhnawm khawp mai. ONGC midfield-ah hian Mizo pali te an awm a, Chhuantea leh Abraham-a te’n defence lam an pui deuh a. David Rinmuana leh Muanpuia erawhin an nawr thung a. Dinthar FC midfielder pahnih Lalmama leh Biaknunga an khel tha hle bawk a.

ONGC hian minute 14 na lekah an ti goal nghal a. Striker pasang Tarif Ahmed-a’n mawi lutukin a head goal a ni. ONGC lam hian kan Mizo players te an chhaihkawlh a tih theih a. Minute 17 naah Dinthar left back Zautea’n mawi takin a pet goal ve leh a. Kawh taka ball petin bar a per a, a sawt goal a ni. He goal hi a class a sang hle. Dinthar FC an phur thar zel a, Minute 30 naah Danmawia’n a pet goal leh a. 2-1 in Dinthar FC in an lehthal a ni. Game a tang chho va, players te an indim lova, inhliam pawh an awm nawk a ni.

Dinthar FC lam hian I-League team hneh an tum a, ONGC lam hian I-League pawh khel pha lo club hneh loh an duh lova, chak an tum hle a ni. Inkhel tawp lam boruak phei chu a tang hle, bench lama thu players leh officials te pawh an tang deuh aniang, Fourth official khap ngai khawpin an lo ding leh suau thin a. Goal dang a luh belh lova, 2-1 in Dinthar FC an chak ta a ni.

Team MP W D L GF GA GD Pts
MIZORAM POLICE 2 1 1 0 5 2 3 4
DINTHAR FC 2 1 1 0 3 2 1 4
AIZAWL FC 1 1 0 0 3 0 3 3
ONGC, MUMBAI 1 0 0 1 1 2 -1 0
REITLANG FC 2 0 0 2 1 7 -6 0

Sawi zui ang
Result en hian Mizoram football a than zia sawi ngai lovin kan hre maiin a rinawm ! I-League team ONGC chu nikum lama Mizoram First Division Champion Dinthar FC-in an hneh a, record an siam a ni. I-League din anih hnua Mizoram Club-in I-League club a hneh hmasak berna a ni. I-League hi 2007-a din chauh kha a ni a, chumi hma chuan National Football League (NFL) tih a ni thin a ni. Chutih rualin ONGC hi I-League khel tur an ni nain an players te hi I-League pawh la khel lo an ni fur a, tun tournament hi in enchin nan an hmang ve tho a ni. Mizo player Chhuantea, Abrahama leh David Rinmuana te pawh hi I-League la khel lo an ni. An star player leh foreigner te an rawn hruai lova, an la fit lo bawk nen an full strength team chu a ni chiah lo a ni. Mahse a khel te hi players chhia te an ni bik chuang lo.

ONGC lam hian an khel chhia a, an fitness a tha lo kan tih rual hian Dinthar FC players te hian an khel tha thlawt a ni. An fighting spirit a tha a, an tang thei em em a ni. Si an phur hmasa a, mahse an rawn ‘comeback’ leh thei a ni. ONGC hi full strength team pawh ni lo mah se an chhe lova, chuvang chuan Dinthar FC chak hi Dinthar FC tan chauh ni lovin Mizo mipui tan thu lawmawm a ni. Mizo football hian hma a sawn nasa hle a ni. Tin, Dinthar FC players Mawitea leh Ronald-a phei hi chu Lajong players an ni a, tunah hian loan-in Dinthar FC ah an khel a. Dinthar FC lam hian players an nei chhe lova, hetiang zel a an khel anih chuan an champion a rinawm hle a ni.

You May Also Like

More From Author

9Comments

Add yours
  1. 3
    Cleverley VRT

    Nat der te hi chu football keng tel ani a, mi tih loh dan pawh ni hleinem, Dinthar FC an lawmpuiawm e, champion ngei teh se.

  2. 6
    Rs_Betlu

    Dinthar FC hi an game hmasa ka en khan ka tan zawng tak anni dawn tlat mai. an fighting spirit leh an game style kha ka hmuhnawm tih chi tak a ni,

  3. 9
    Ramenga

    ” ONGC lam hian kan Mizo players te an chhaihkawlh a tih theih a”… vaiho bulah sawi vul leh chuk ila ni mai lawm. A nuam hle mai. Good post 🙂

+ Leave a Comment

I-Day, Day 3 Review : MRP-in Reitlang FC an sawp, Dinthar FC-in I-League club ONGC an hneh !

Independence Day Celebration Invitation Football Tournament khelh chhunzawm leh a ni a. Vawiinah match hnih awm lehin match hmasa zawkah Mizoram Police-in Reitlang FC 4-1 in an sawp a. Mizoram Police tana goal thuntute hi Sama Hnamte, Lalchhuantlinga leh F.Lalrinpuia (2 goals) te an ni a, Reitlang FC goal awmchhun hi Zirsangzela (Sena) thun a ni. Inkhel hnuhnung zawkah Dinthar FC in ONGC, Mumbai 2-1 in an hneh a. Dinthar FC tana goal thuntute chu Ramfangzauva leh Laldanmawia te an ni a, ONGC goal awmchhun hi Tariff Ahmed thun a ni thung.

First match : MIZORAM POLICE 4-1 REITLANG FC

(Sama Hnamte 26?, Lalchhuantlinga 60? , F.Lalrinpuia 63? & 80?) – (Zirsangzela 45?+1)

Mizoram Police hian an hmasa berah Dinthar FC an draw avangin Coach Joseph-a’n squad a siksawi deuh a. Defence laiah Ruata lachhuakin Opa a dah thung a. Jerry-a hmel kan hmu lova, a aiah Chhuantlinga dah a ni a. Mahse Chhuantlinga hi forward-ah dahin Fakzuala wing-ah a pawt let a ni. Reitlang FC lam hian an player suspend tawk Zirsangzela (Sena) an chhawr leh thei tawh a. Captain Zion-a bench-ah thu in, Zama erawh a damsam loh avangin squad-ah a awm lova. Reitlang FC hian an match hmasa berah AFC an hneh lo a ni.

Tute nge khel?

Mizoram Police : Hriata (Keeper), Itana, Hruaia, Opa, Jsa, Fakzuala, Samua, T-a, Biaktea, Chhuantlinga. Valpuia

Reitlang FC : Bena (Keeper), Maruata, Simon-a, Kimkima, Jerry-a, Hriatpuia, Muanawma, Kimtea, Nuntea, Careca, Sena

Inkhel chanchin

Mizoram Police (MRP) hian players an nei tha a, star player rual tih ngam an ni. Reitlang FC players te erawh langsar em em lo mah se an tangrual a, an team work a tha hle a ni. Mizoram Police hian a tir lamah chuan Reitlang FC te hi an tum tawk hle a. Reitlang lam hian midfield pathum an dah a, MRP lamin pahnih an dah thung a. Minute 26 naah Captain Sama Hnamte chuan MRP tan goal hmahruai a thun a. Reitlang FC lam hian Captain Zion-a rawn luh tirin an siphurh sut an tum hle a. First half-ah hi chuan an intum tawk hle a. Hun pek belhah Sena’n freekick atang a head goal ve a, first half a tawp zui a, 1-1 a ni a.

Second half-ah MRP lamin an defence an thuam tha a, Opa lachhuakin Ruata an dah lut a. Tin, match hmasa berah beisei an pha lova, DInthar FC an hneh lo thelh a nih kha. An match hnihna first half-ah pawh beisei an la pha chuang lova. Second half-ah erawh an rawn tang hle a. MRP lamin an nawr a, Reitlang FC players te an chau a, match an khel zawn nasa bawk a. Chutih rualin MRP players te erawh an fit a, an rang hle a ni. MRP lamin penalty an hmu a, Chhuantlinga’n a pet goal a. Striker tlan chak Lalrinpuia (Valpuia)’n goal hnih dang a thun leh a, 4-1 in MRP an chak a ni.

Sawi zui ang

Mizoram Police players te hi star player rual tih ngam an ni a, an fitness a tha a, an inpuahchahna a tha bawk a, champion an tum hle a ni. An match hmasa ber erawh an khel chhe hle a, Dinthar FC lakah an mualpho tep a ni. Draw mah se a khelhah Dinthar FC an hneh lo hle a ni. Reitlang FC pawh first match-ah an tum tawk hle a, second half-ah Reitlang FC players te an chau tawh a, tin, an finishing a lo tha zawk bawk nen, Reitlang FC lakah goal 4 ngawt an thun theih phah a. Mahse an game plan angin an la khel lo a tih theih. Champion an tum anih chuan an tan viau chu a la ngai ang.

Reitlang FC players te hi an fakawm a, an squad a pan a, players an nei tha vur lova mahse an tangrual em em a ni. World Cup 2002-a South Korea team ang deuh kha an ni a, an fans te nen an tang tlang hle a ni. MPL-ah an in pet tling a, an fans te an lo buai ve bawk nen I-Day ah erawh fans an nei meuh lova, nei ngat se chuan players 12 in an khel leh ang a, result hi a dang deuh mah na ! Mahse Coach Chawnga paw’n a naute chauh thu a sawi ve bawk a, MPL-ah erawh tawh an khirh viau tur thu a sawi ve bawk a ni.

Second match : DINTHAR FC 2-1 ONGC, MUMBAI

(Ramfangzauva 17?, Laldanmawia 30?) (Tarif Ahmed 14?)

Dinthar FC hian players an nei tha a, First division champion lai an ni bawk a, I-Day ah hian champion an tum hle a ni. Coach Zara’n squad a siksawi nasa hle a. Match hmasa lama khel tha Kca, Buangpuia, Samuel-a leh Thlamuana te bench ah an thu a, Lalmama, Biaknunga, Chhaia leh Duhawma te hmel kan hmu thung a. Hei hian a entir chu players an nei tha tawk tihna a ni. ONGC lam hi I-League khel tur team an ni a, Mizo players pali an awm a. Chungte chu Muanpuia, David Rinmuana (Papuia), Abraham-a leh Chhuantea te an ni. Synod Conference Centre, Mission Veng-ah an thleng a, Aizawl-ah hian kar hnih vel an awm tawh a ni.

Tute nge khel?

Dinthar FC : Tmawia (Keeper), Chhana (Captain), Ramnuna, Zautea, Ronald, Lalmama, Biaknunga, Chhaia, Duhawma, Mawitea, Danmawia

ONGC : Prasenjit (Keeper), Gary, Sachin, Yogesh, Chhuantea, Abraham, Muanpuia (Captain) , Parwiner Singh, David Rinmuana, Kailash, Tarif

Inkhel chanchin

ONGC hi season thara I-League khel tur an ni a. Aizawl-ah hian tournament khel tur bakah training nei tura rawn kal an ni a. Mumbai lamah ruah te a sur nasa a, chuvanga Aizawl rawn thleng hma pawh an ni a. Star player thenkhat leh Foreign players te an rawn hruai lo bawk a ni. Inkhel tan a ni a, game a rang nghal hle a. Players nei tha ve ve an ni a, inkhel pawh a hmuhnawm khawp mai. ONGC midfield-ah hian Mizo pali te an awm a, Chhuantea leh Abraham-a te’n defence lam an pui deuh a. David Rinmuana leh Muanpuia erawhin an nawr thung a. Dinthar FC midfielder pahnih Lalmama leh Biaknunga an khel tha hle bawk a.

ONGC hian minute 14 na lekah an ti goal nghal a. Striker pasang Tarif Ahmed-a’n mawi lutukin a head goal a ni. ONGC lam hian kan Mizo players te an chhaihkawlh a tih theih a. Minute 17 naah Dinthar left back Zautea’n mawi takin a pet goal ve leh a. Kawh taka ball petin bar a per a, a sawt goal a ni. He goal hi a class a sang hle. Dinthar FC an phur thar zel a, Minute 30 naah Danmawia’n a pet goal leh a. 2-1 in Dinthar FC in an lehthal a ni. Game a tang chho va, players te an indim lova, inhliam pawh an awm nawk a ni.

Dinthar FC lam hian I-League team hneh an tum a, ONGC lam hian I-League pawh khel pha lo club hneh loh an duh lova, chak an tum hle a ni. Inkhel tawp lam boruak phei chu a tang hle, bench lama thu players leh officials te pawh an tang deuh aniang, Fourth official khap ngai khawpin an lo ding leh suau thin a. Goal dang a luh belh lova, 2-1 in Dinthar FC an chak ta a ni.

Team MP W D L GF GA GD Pts
MIZORAM POLICE 2 1 1 0 5 2 3 4
DINTHAR FC 2 1 1 0 3 2 1 4
AIZAWL FC 1 1 0 0 3 0 3 3
ONGC, MUMBAI 1 0 0 1 1 2 -1 0
REITLANG FC 2 0 0 2 1 7 -6 0

Sawi zui ang

Result en hian Mizoram football a than zia sawi ngai lovin kan hre maiin a rinawm ! I-League team ONGC chu nikum lama Mizoram First Division Champion Dinthar FC-in an hneh a, record an siam a ni. I-League din anih hnua Mizoram Club-in I-League club a hneh hmasak berna a ni. I-League hi 2007-a din chauh kha a ni a, chumi hma chuan National Football League (NFL) tih a ni thin a ni. Chutih rualin ONGC hi I-League khel tur an ni nain an players te hi I-League pawh la khel lo an ni fur a, tun tournament hi in enchin nan an hmang ve tho a ni. Mizo player Chhuantea, Abrahama leh David Rinmuana te pawh hi I-League la khel lo an ni. An star player leh foreigner te an rawn hruai lova, an la fit lo bawk nen an full strength team chu a ni chiah lo a ni. Mahse a khel te hi players chhia te an ni bik chuang lo.

ONGC lam hian an khel chhia a, an fitness a tha lo kan tih rual hian Dinthar FC players te hian an khel tha thlawt a ni. An fighting spirit a tha a, an tang thei em em a ni. Si an phur hmasa a, mahse an rawn ‘comeback’ leh thei a ni. ONGC hi full strength team pawh ni lo mah se an chhe lova, chuvang chuan Dinthar FC chak hi Dinthar FC tan chauh ni lovin Mizo mipui tan thu lawmawm a ni. Mizo football hian hma a sawn nasa hle a ni. Tin, Dinthar FC players Mawitea leh Ronald-a phei hi chu Lajong players an ni a, tunah hian loan-in Dinthar FC ah an khel a. Dinthar FC lam hian players an nei chhe lova, hetiang zel a an khel anih chuan an champion a rinawm hle a ni.

You May Also Like

More From Author

+ There are no comments

Add yours