I-Day, Day 6 Review : FC Kulikawn, FC RS Annexe, Oil India Ltd leh Luangmual FC te’n point 1 theuh an hmu !

Estimated read time 11 min read

Independence Day Celebration Invitation Football Tournament khelh chhunzawm zel a ni a. Vawiin hi ni 6-na a ni a. Match hmasa zawkah FC Kulikawn leh FC RS Annexe 2-2 in an in draw a. FC Kulikawn tana goal thuntute hi Lalhnehzova Renthlei leh Lalthanzama te an ni a. FC RS Annexe tana goal thuntute hi C.Zoliana leh Danny Lalduhsaka te an ni thung. Tihian FC Kulikawn hian match thum khelhah point 4 an hmu a, FC RS Annexe hian match hnih khelhah point 2 an hmu thung.

Match hnuhnung zawkah Oil India Ltd. leh Luangmual FC 1-1 in an in draw a. Oil India tana goal thuntu hi Manas a ni a, Luangmual FC tana goal thuntu hi Lalmuansanga (Puitea) a ni thung. Puitea hian goal 4 thun tawhin tun dinhmunah chuan top scorer a ni. Tihian Oil India Ltd. hian match hnih khel tawhin point 1 an hmu a, Luangmual FC erawhin match thum khel tawhin point 4 an hmu thung.

Team MP W D L GF GA GD Pts
CHANMARI FC 2 1 1 0 2 1 1 4
LUANGMUAL FC 3 1 1 0 5 3 2 4
FC KULIKAWN     3      1     1     1     5     7    -2     4
FC RS ANNEXE     2     0     2     0     3     3     0     2
OIL INDIA     2     0     1     1     2     3     -1      1

First match : FC KULIKAWN 2-2 FC RS ANNEXE
(Lalhnehzova Renthlei 32′, Lalthanzama 66′) ; (C.Zoliana 10′, Danny Lalduhsaka 28′)

FC Kulikawn hi Oil India Ltd. (Duliajan, Assam) hneh zo hlim an ni a, an phur a, chak an tum hle a ni. Oil India an hneh tuma khel tha tak Chullova leh Notea te bench-ah an thuttir a, a laiah Nunpuia dah lutin Bobby-a asirah an dah thung a. Captain / wing back Vanneihtluanga hmel kan hmu a, Winger Tluanga leh midfielder Rintluanga te hmel pawh first 11 ah kan hmu a.

Annexe lam hian Danny-a leh C.Tea te hma tawngah rawn hmangin midfielder thawkrim Chta hmel erawh kan hmu lova. Wing-ah Jerry-a leh Rinzuala te an rawn dah a, Defence-ah Siamthara, Zemawia, Captain Sangsanga leh Rinzuala te an awm a. Ni 3 ngawt hahchawlhna hun an neih avangin Coach Tawia’n attacking game khelhdan an zir nasat thu ZoFooty a hrilh.

Tute nge khel?
FC Kulikawn : Angaia (Keeper), Bobby-a, Nunpuia, Zama, Tluanga (Captain), Pipi-a (Rinchhana), Rintluanga, Hnehzova, Valtea (Chullova), Tluanga (Lachuma), Thara
FC RS Annexe : Thanpuia (Keeper), Siamthara, Zemawia, Sangsanga (Captain)- (Zorema), Rinzuala (Sangliana), Jerry-a (Zara), Sawmtea, Zonunmawia, Rinzuala, C.Tea, Danny-a

Inkhel chanchin
Inkhelh tan tirh atang game a rang a, game a open a. RS Annexe lamin minute 10 naah an ti goal a. Striker Danny-a’n ball tha tak a cross lut a, a striking partner C.Tea’n mawi lutukin a lo head goal a, thawm a tha kher mai. Annexe lamin an nawr chhunzawm zel a. FC Kulikawn defence a pherh a, Annexe lam hian hei hi hriain ball an vawrh lut hnem a mahse Kulikawn defender Zama leh Nunpuia te’n an lo dang leh thin a ni. Minute 28 naah goal hmasa siamsaktu Danny-a’n ball tha tak hmuin goal class tak a pet lut a, a class a sang hle. Danny-a hian a class a pholang a tih theih. FC Kulikawn lamin an siphurh sut an tum a, an tang tawlh tawlh a. Minute 32 naah FC Kulikawn-in Hnehzova hmangin goal 1 an thun ve a, he goal hi goal ropui tiha sawi ngam a ni. Mawi tak a ni ! Goal dang a luh belh lova, an intum tawk hle a, mahse first half-ah erawh RS Annexe an khel tha thlawt a ni.

Second half-ah FC Kulikawn-in chak loh mai mai an duh lova, an siphurh sut zawh an tum a, chawi belh huamin an nawr a ni. Minute 66 naah an siphurh an sut zo ta. Lalthanzama, Kolasib defender thain ball rawn lut puiin a teammate nen ball in pass kualin mawi lutukin a rawn pet goal a. FC Kulikawn fans te an sapatal a ni ber. Set piece pawh ni lova central defender-in a rawn pet goal hi a ropui a ni. Kulikawn lam an phur thar a, chak an tum a. Chutih rualin Annexe lamin goal 2 an thun hmasa zawk tih hre ranin chak loh an duh lova, pet goal belha chak an tum hle a ni. Annexe vanduaina a kal tluang zel a, team Captain Sangsanga inhliam vangin thlak a ni a. Hemi hnu hian rawn bench atanga rawn lut Zara a inhliam leh bawk a. Annexe hian player 10 chauhvn an khel a ni. Hun tawp dawnah player 1 ve ve an inhliam belh a, Annexe hian 9 in hun rei lo te chhung an khel a, FC Kulikawn paw’n 10 in an khel a ni. Goal dang a luh belh tawh lova, 2-2 in an in draw a ni.

Tlangkawmna
FC RS Annexe hi team naupang te an ni a, Zone final-ah Aizawl FC hnehin an champion a, MPL atan tunah an in pet tling leh bawk a ni. Coaching staff leh players te an tha a, an khel pawh a hmuhnawm hle a ni. Vawiinah pawh goal 2 thunin, hma an hruai a mahse an inpawhthlak tir leh thei erawh inenfiah an ngai. Goal 2 an thun tawh hnu khan midfielder tha Chta dah lutin midfield atang ball sem se an tifuh zawk mahna ! Holding midfielder tha an neih loh an tuar a, attack an tum luatah an lamah goal 2 a luh phah a ni. First half erawh an khel tha thlawt a, second half-ah erawh ball an pass sual nasa a, an game a mumal lo chhova. Players 10 chauhva an khelh tak avangin first half-a chak tum kha hun tawp dawnah chuan draw tum zawkah an tang a. Champion an tum anih chuan match lehah attacking game bakah defensive game mumal tak an zir a, an khelh angai ngei tawh ang.

FC Kulikawn hi Oil India Ltd hneh zo hlim an nih avangin an phur thar a, an confi’ em em bawk a. RS Annexe hi an zuam sual a tih theih awm e. An defence lai a phui tawk lova, counter attack leh long ball-ah Annexe an ngam lo a ni. Mahse players an nei tha a, an fighting spirit a tha a, an rawn comeback thei hlauh a ni. An vanneihni phei chu nise chuan chak theihna chance pawh an nei a ni. An match hnuhnung berah Chanmari FC an tum dawn a, Semi-final luh an tum anih chuan an chak ngei angai ang le.

Second match : OIL INDIA 1-1 LUANGMUAL FC
(Manas 11′) (Lalmuansanga 52′)

Oil India Ltd hian an match hmasa berah FC Kulikawn an hneh lova, a zawna chak loh an duh lova, chak an tum hle a ni. Tin, midfielder Zaidinmawia chuan Artificial turf-a an khelh ngai loh thu leh khelh harsa an tih thu bakah practice miah lova an rawn kal thu ZoFooty a hrilh a. Mahse an tih mai mai loh thu leh champion an tum thu erawh a sawi tel bawk a. An match hmasa ber first half enin practice miah lo ni mah se an khel tha a, mahse second half-ah erawh an tlan thei meuh tawh lo hlawm a ni. Luangmual FC hi inpuahchahna nei tha an ni a, friendly match-ah pawh Dinthar FC leh FC Kulikawn an hneh thei a. An match hmasa berah FC Kulikawn 4-1 in an sawp a, an match hnihnaah erawh Chanmari FC an hneh lo thung a, hei vang hian a zawna chak loh an tum lo hle a ni. Captain Mamawia bench-ah thuin a aiah Bawla dah a ni a. Left back Ruatdika midfield-ah sawn chhoh niiin left back-ah Zomawia dah a ni thung a. Lalmama aiin defensive midfield-ah Aldrin-a dah a ni bawk.

Tute nge khel?
Oil India Ltd. : Prandeep (Keeper), Sishu, Biplab, Raju, Jyotish, F.Wary, Zaia, Ruata (Captain), Jayanta, Manas (Raghui), Birjab
Luangmual FC : Saitluanga (Keeper-Captain), Felpuia (Mamawia), Bawla, Ruatthara, Zomawia (Isaka), Aldrin-a, Rsa (Biaka), Ruatdika, Dinliana Varte, Puitea, Mka

Inkhel chanchin
Match hmasa lama chak lo ve ve an ni bawk a, chak an tum a. Inkhel tantirh atang game a tang nghal hle a. Inkhelh hmain ruah thimpui a sur a, hei vang hian darkar chanve ngawtin inkhel hi tan tlai a ni a, ground a huh phah a, ball a kal chak a, khelh harsa an ti hle a ni. An innawr tawn a, Oil India an hlauhawm deuh zawk a. Minute 11 naah corner atang Oil India-in an ti goal a, Manas-a’n goal hmahruai a thun a ni. India U-19 Captain hlui Zaidinmawia corner kick atanga goal a ni. Goal luh hnu phei hi chuan Oil India lamin an khel tha tawlh tawlh a. Half chance a awm zeuh zeuh a, clear chance an nei thei lo ve ve a. Midfielder nei tha ve ve an ni bawk a, game a hmuhnawm khawp mai. First half-ah chuan Oil India lamin an nawr zawk a ni.

Half time laiin Luangmual FC Coach Vanlalrova’n a naute a fuih nasa deuh ni ngei tur a ni. Luangmual FC lam hian bul an tan tha a, an fitness a tha bawk a, an hmang tangkai chho tan a ni. Game rang an khel a, Oil India players ho an chhaih chau a ni ber mai. Oil India players te chauh tawh hnu phei hi chuan Luangmual FC lamin an nawr bet a, ground a nal a, chauh a awl duh bik a, ball a lir chak a, an fitness tha an hmang tangkai hle. Luangmual FC lamin Puitea hmangin an siphurh an sut a, Puitea hian tihian tun dinhmunah goal 4 thun tawhin top scorer a ni mek a ni.

Luangmual FC players te an phur thar tawlh tawlh a, chance pawh an hmu zeuh zeuh a. Goal bar te an pet per leh thin a. Oil India lam paw’n chance an nei leh zeuh zeuh a, mahse clear chance an hmu thei meuh lo. Inkhelh tawp dawn lamah veteran player 2 in red card an hmu a, hei hian game tan zia a tilang awm e. Oil India player Zaia’n double yellow card vangin red card a hmu a. Hemi hnu hian Luangmual FC in a tam zawk an nihna chhawr tangkaiin an pet goal leh dawn emaw tih laiin veteran player Aldrin-a’n tul lo takin Oil India player a nam/pet thlu a, direct red card a hmu a. Goal dang a luh belh lova, 1-1 in an in draw a ni.

Tlangkawmna
Oil India Ltd lamin bul an tan tha a, artificial grass-a an khelh ngai loh thu leh practice lova rawn kal an nih an chhuanlam a mahse vawiinah erawh bul an tan tha a, goal pawh an thun hma a ni. Mahse second half-ah an fitness chhia an tuar a, ground a huh a, a hahthlak zual a, hei vang hian an khel tha thei meuh tawh lo a ni. Zaia red card hmuhchhan pawh hi referee game conduct chhiat vang chu ni tho mah se a fitness tha si lo kha thinrim lamah a kal a tih theih. A yellow card hmasa zawk hi referee-in Luangmual FC freekick a pek vang a ni a. Referee hnenah va complain-in referee hian yellow card a lo pe a. A thinrim tangulh deuhvn Luangmual player Aldrin-a a pet thlu a, hei vang hian double yellow a hmuh phah a ni. Aldrin-a hi pet thluk anih avangin a thinrim veleh a, Oil Striker Birjab-a lakah a tuan veleh a ni.

Oil India hi an khel chhe lova, bul an tan tha a mahse an fitness tha lo an tuar a ni. First half leh second half game a inang miah lo a ni. Chutih rualin Luangmual FC players te an fakawm hle. An fitness a tha a, an fight thei a, point 1 an sualchhuak ti ila a dik awm e. Oil India players an chhaih chau a, an nawr bet a, an vanneihni chu ni se chuan an chak ngeiin a rinawm. An match hnuhnung berah FC RS Annexe an tum dawn a, chak thei tak maw ! Luangmual FC hian fans an nei tha a, ruahsur hnuaiah pawh an rawn tawiawm tha a, hetianga hardcore fans an neih ngah chuan players te tan chakna an nih zel a rinawm.

(Admin : Vawiin tlai ruahsurah khan internet a chhe daih a. Tlai khaw hnuah inkhel review a rawn chhuak thei hram a. ZoFooties te hriattthiamna kan ngen a ni.)

You May Also Like

More From Author

13Comments

Add yours
  1. 6
    Marka Pa

    Zamte, engpawh nise i fans ruhkawl hian ka ngaidam ang che. Akekekeke Zonet lam a i comment a mawi thin e!! Nula tam takin an star phah che ka ring tlat 😛 Hmanni kan no. 16 nikhaw hre lo a a awm khan keipawh min la ti normal lo 😀 Penalty & Red Card a pe lo anih pawh in yellow card tal kha chu a hawk ka ti ve mai mai. Eng le khawle chan tawk a lungawi zir nan ani mai 🙂

  2. 9
    Marka Pa

    ANNEXE THUNAWI : Thal thoh vangin Chta’n a khel thei lo kha a pawi kan ti. Midfielder leh defender inkar awl kha FC Kulikawn lam hian advantage ah an la ani ber mai. Engpawh nise Mizoram FC 1st Division kumhlun kan draw thei hi kan in chhuang….. 😀

    TIHDIK NGAI A AWM IN KA HRIA : “Match hmasa zawkah FC Kulikawn leh FC RS Annexe 2-2 in an in draw a” tiin bul in tan a, a tawp khar nan “Goal dang a luh belh tawh lova, 1-1 in an in draw a ni” in ti leh bawk sia…… 😀

  3. 10
    John hmar

    A post tupa hi Biotechnologist a ni ta lo e mo ni tihtur khop a ngaihnom a lom le. Chhiar a nuam khop mai. Kan beiseina che u lah a sang tulh tulh mai bok si a. Next match preview te hi om thei se o..

  4. 11
    Muanpuia

    TV ah ka lo en ve a, OIL INdia kha an vanduai a nih kha……. chutih rualin OIL India lama khel Mizo 2 kha an tang over mah2 a ni, referee zahawmna humhim tuma MFA in tan an lak hnuah tualchung player hi chuan an zah thiam viau tawha kan Mizo phai lama awm pahnihte kha chu an la che hmanlai mah2 a ni

  5. 13
    Ronaldawnga

    Saptawng takin “what a match!!!~” kan ti ve ag e………………. OIL-Luangmual hmuhnopm khopz mai, OIl lama Mizo 2 awm kha an over mah2, hman lai Mizoram inkhela referee bor luai2 tur kha mo an la ti a, 1 zok an hnot cuak poh kha a dik chiah a ni………………… hmuhnom fu ni

+ Leave a Comment

I-Day, Day 6 Review : FC Kulikawn, FC RS Annexe, Oil India Ltd leh Luangmual FC te’n point 1 theuh an hmu !

Independence Day Celebration Invitation Football Tournament khelh chhunzawm zel a ni a. Vawiin hi ni 6-na a ni a. Match hmasa zawkah FC Kulikawn leh FC RS Annexe 2-2 in an in draw a. FC Kulikawn tana goal thuntute hi Lalhnehzova Renthlei leh Lalthanzama te an ni a. FC RS Annexe tana goal thuntute hi C.Zoliana leh Danny Lalduhsaka te an ni thung. Tihian FC Kulikawn hian match thum khelhah point 4 an hmu a, FC RS Annexe hian match hnih khelhah point 2 an hmu thung.

Match hnuhnung zawkah Oil India Ltd. leh Luangmual FC 1-1 in an in draw a. Oil India tana goal thuntu hi Manas a ni a, Luangmual FC tana goal thuntu hi Lalmuansanga (Puitea) a ni thung. Puitea hian goal 4 thun tawhin tun dinhmunah chuan top scorer a ni. Tihian Oil India Ltd. hian match hnih khel tawhin point 1 an hmu a, Luangmual FC erawhin match thum khel tawhin point 4 an hmu thung.

Team MP W D L GF GA GD Pts
CHANMARI FC 2 1 1 0 2 1 1 4
LUANGMUAL FC 3 1 1 0 5 3 2 4
FC KULIKAWN     3      1     1     1     5     7    -2     4
FC RS ANNEXE     2     0     2     0     3     3     0     2
OIL INDIA     2     0     1     1     2     3     -1      1

First match : FC KULIKAWN 2-2 FC RS ANNEXE

(Lalhnehzova Renthlei 32?, Lalthanzama 66?) ; (C.Zoliana 10?, Danny Lalduhsaka 28?)

FC Kulikawn hi Oil India Ltd. (Duliajan, Assam) hneh zo hlim an ni a, an phur a, chak an tum hle a ni. Oil India an hneh tuma khel tha tak Chullova leh Notea te bench-ah an thuttir a, a laiah Nunpuia dah lutin Bobby-a asirah an dah thung a. Captain / wing back Vanneihtluanga hmel kan hmu a, Winger Tluanga leh midfielder Rintluanga te hmel pawh first 11 ah kan hmu a.

Annexe lam hian Danny-a leh C.Tea te hma tawngah rawn hmangin midfielder thawkrim Chta hmel erawh kan hmu lova. Wing-ah Jerry-a leh Rinzuala te an rawn dah a, Defence-ah Siamthara, Zemawia, Captain Sangsanga leh Rinzuala te an awm a. Ni 3 ngawt hahchawlhna hun an neih avangin Coach Tawia’n attacking game khelhdan an zir nasat thu ZoFooty a hrilh.

Tute nge khel?

FC Kulikawn : Angaia (Keeper), Bobby-a, Nunpuia, Zama, Tluanga (Captain), Pipi-a (Rinchhana), Rintluanga, Hnehzova, Valtea (Chullova), Tluanga (Lachuma), Thara

FC RS Annexe : Thanpuia (Keeper), Siamthara, Zemawia, Sangsanga (Captain)- (Zorema), Rinzuala (Sangliana), Jerry-a (Zara), Sawmtea, Zonunmawia, Rinzuala, C.Tea, Danny-a

Inkhel chanchin

Inkhelh tan tirh atang game a rang a, game a open a. RS Annexe lamin minute 10 naah an ti goal a. Striker Danny-a’n ball tha tak a cross lut a, a striking partner C.Tea’n mawi lutukin a lo head goal a, thawm a tha kher mai. Annexe lamin an nawr chhunzawm zel a. FC Kulikawn defence a pherh a, Annexe lam hian hei hi hriain ball an vawrh lut hnem a mahse Kulikawn defender Zama leh Nunpuia te’n an lo dang leh thin a ni. Minute 28 naah goal hmasa siamsaktu Danny-a’n ball tha tak hmuin goal class tak a pet lut a, a class a sang hle. Danny-a hian a class a pholang a tih theih. FC Kulikawn lamin an siphurh sut an tum a, an tang tawlh tawlh a. Minute 32 naah FC Kulikawn-in Hnehzova hmangin goal 1 an thun ve a, he goal hi goal ropui tiha sawi ngam a ni. Mawi tak a ni ! Goal dang a luh belh lova, an intum tawk hle a, mahse first half-ah erawh RS Annexe an khel tha thlawt a ni.

Second half-ah FC Kulikawn-in chak loh mai mai an duh lova, an siphurh sut zawh an tum a, chawi belh huamin an nawr a ni. Minute 66 naah an siphurh an sut zo ta. Lalthanzama, Kolasib defender thain ball rawn lut puiin a teammate nen ball in pass kualin mawi lutukin a rawn pet goal a. FC Kulikawn fans te an sapatal a ni ber. Set piece pawh ni lova central defender-in a rawn pet goal hi a ropui a ni. Kulikawn lam an phur thar a, chak an tum a. Chutih rualin Annexe lamin goal 2 an thun hmasa zawk tih hre ranin chak loh an duh lova, pet goal belha chak an tum hle a ni. Annexe vanduaina a kal tluang zel a, team Captain Sangsanga inhliam vangin thlak a ni a. Hemi hnu hian rawn bench atanga rawn lut Zara a inhliam leh bawk a. Annexe hian player 10 chauhvn an khel a ni. Hun tawp dawnah player 1 ve ve an inhliam belh a, Annexe hian 9 in hun rei lo te chhung an khel a, FC Kulikawn paw’n 10 in an khel a ni. Goal dang a luh belh tawh lova, 2-2 in an in draw a ni.

Tlangkawmna

FC RS Annexe hi team naupang te an ni a, Zone final-ah Aizawl FC hnehin an champion a, MPL atan tunah an in pet tling leh bawk a ni. Coaching staff leh players te an tha a, an khel pawh a hmuhnawm hle a ni. Vawiinah pawh goal 2 thunin, hma an hruai a mahse an inpawhthlak tir leh thei erawh inenfiah an ngai. Goal 2 an thun tawh hnu khan midfielder tha Chta dah lutin midfield atang ball sem se an tifuh zawk mahna ! Holding midfielder tha an neih loh an tuar a, attack an tum luatah an lamah goal 2 a luh phah a ni. First half erawh an khel tha thlawt a, second half-ah erawh ball an pass sual nasa a, an game a mumal lo chhova. Players 10 chauhva an khelh tak avangin first half-a chak tum kha hun tawp dawnah chuan draw tum zawkah an tang a. Champion an tum anih chuan match lehah attacking game bakah defensive game mumal tak an zir a, an khelh angai ngei tawh ang.

FC Kulikawn hi Oil India Ltd hneh zo hlim an nih avangin an phur thar a, an confi’ em em bawk a. RS Annexe hi an zuam sual a tih theih awm e. An defence lai a phui tawk lova, counter attack leh long ball-ah Annexe an ngam lo a ni. Mahse players an nei tha a, an fighting spirit a tha a, an rawn comeback thei hlauh a ni. An vanneihni phei chu nise chuan chak theihna chance pawh an nei a ni. An match hnuhnung berah Chanmari FC an tum dawn a, Semi-final luh an tum anih chuan an chak ngei angai ang le.

Second match : OIL INDIA 1-1 LUANGMUAL FC

(Manas 11?) (Lalmuansanga 52?)

Oil India Ltd hian an match hmasa berah FC Kulikawn an hneh lova, a zawna chak loh an duh lova, chak an tum hle a ni. Tin, midfielder Zaidinmawia chuan Artificial turf-a an khelh ngai loh thu leh khelh harsa an tih thu bakah practice miah lova an rawn kal thu ZoFooty a hrilh a. Mahse an tih mai mai loh thu leh champion an tum thu erawh a sawi tel bawk a. An match hmasa ber first half enin practice miah lo ni mah se an khel tha a, mahse second half-ah erawh an tlan thei meuh tawh lo hlawm a ni. Luangmual FC hi inpuahchahna nei tha an ni a, friendly match-ah pawh Dinthar FC leh FC Kulikawn an hneh thei a. An match hmasa berah FC Kulikawn 4-1 in an sawp a, an match hnihnaah erawh Chanmari FC an hneh lo thung a, hei vang hian a zawna chak loh an tum lo hle a ni. Captain Mamawia bench-ah thuin a aiah Bawla dah a ni a. Left back Ruatdika midfield-ah sawn chhoh niiin left back-ah Zomawia dah a ni thung a. Lalmama aiin defensive midfield-ah Aldrin-a dah a ni bawk.

Tute nge khel?

Oil India Ltd. : Prandeep (Keeper), Sishu, Biplab, Raju, Jyotish, F.Wary, Zaia, Ruata (Captain), Jayanta, Manas (Raghui), Birjab

Luangmual FC : Saitluanga (Keeper-Captain), Felpuia (Mamawia), Bawla, Ruatthara, Zomawia (Isaka), Aldrin-a, Rsa (Biaka), Ruatdika, Dinliana Varte, Puitea, Mka

Inkhel chanchin

Match hmasa lama chak lo ve ve an ni bawk a, chak an tum a. Inkhel tantirh atang game a tang nghal hle a. Inkhelh hmain ruah thimpui a sur a, hei vang hian darkar chanve ngawtin inkhel hi tan tlai a ni a, ground a huh phah a, ball a kal chak a, khelh harsa an ti hle a ni. An innawr tawn a, Oil India an hlauhawm deuh zawk a. Minute 11 naah corner atang Oil India-in an ti goal a, Manas-a’n goal hmahruai a thun a ni. India U-19 Captain hlui Zaidinmawia corner kick atanga goal a ni. Goal luh hnu phei hi chuan Oil India lamin an khel tha tawlh tawlh a. Half chance a awm zeuh zeuh a, clear chance an nei thei lo ve ve a. Midfielder nei tha ve ve an ni bawk a, game a hmuhnawm khawp mai. First half-ah chuan Oil India lamin an nawr zawk a ni.

Half time laiin Luangmual FC Coach Vanlalrova’n a naute a fuih nasa deuh ni ngei tur a ni. Luangmual FC lam hian bul an tan tha a, an fitness a tha bawk a, an hmang tangkai chho tan a ni. Game rang an khel a, Oil India players ho an chhaih chau a ni ber mai. Oil India players te chauh tawh hnu phei hi chuan Luangmual FC lamin an nawr bet a, ground a nal a, chauh a awl duh bik a, ball a lir chak a, an fitness tha an hmang tangkai hle. Luangmual FC lamin Puitea hmangin an siphurh an sut a, Puitea hian tihian tun dinhmunah goal 4 thun tawhin top scorer a ni mek a ni.

Luangmual FC players te an phur thar tawlh tawlh a, chance pawh an hmu zeuh zeuh a. Goal bar te an pet per leh thin a. Oil India lam paw’n chance an nei leh zeuh zeuh a, mahse clear chance an hmu thei meuh lo. Inkhelh tawp dawn lamah veteran player 2 in red card an hmu a, hei hian game tan zia a tilang awm e. Oil India player Zaia’n double yellow card vangin red card a hmu a. Hemi hnu hian Luangmual FC in a tam zawk an nihna chhawr tangkaiin an pet goal leh dawn emaw tih laiin veteran player Aldrin-a’n tul lo takin Oil India player a nam/pet thlu a, direct red card a hmu a. Goal dang a luh belh lova, 1-1 in an in draw a ni.

Tlangkawmna

Oil India Ltd lamin bul an tan tha a, artificial grass-a an khelh ngai loh thu leh practice lova rawn kal an nih an chhuanlam a mahse vawiinah erawh bul an tan tha a, goal pawh an thun hma a ni. Mahse second half-ah an fitness chhia an tuar a, ground a huh a, a hahthlak zual a, hei vang hian an khel tha thei meuh tawh lo a ni. Zaia red card hmuhchhan pawh hi referee game conduct chhiat vang chu ni tho mah se a fitness tha si lo kha thinrim lamah a kal a tih theih. A yellow card hmasa zawk hi referee-in Luangmual FC freekick a pek vang a ni a. Referee hnenah va complain-in referee hian yellow card a lo pe a. A thinrim tangulh deuhvn Luangmual player Aldrin-a a pet thlu a, hei vang hian double yellow a hmuh phah a ni. Aldrin-a hi pet thluk anih avangin a thinrim veleh a, Oil Striker Birjab-a lakah a tuan veleh a ni.

Oil India hi an khel chhe lova, bul an tan tha a mahse an fitness tha lo an tuar a ni. First half leh second half game a inang miah lo a ni. Chutih rualin Luangmual FC players te an fakawm hle. An fitness a tha a, an fight thei a, point 1 an sualchhuak ti ila a dik awm e. Oil India players an chhaih chau a, an nawr bet a, an vanneihni chu ni se chuan an chak ngeiin a rinawm. An match hnuhnung berah FC RS Annexe an tum dawn a, chak thei tak maw ! Luangmual FC hian fans an nei tha a, ruahsur hnuaiah pawh an rawn tawiawm tha a, hetianga hardcore fans an neih ngah chuan players te tan chakna an nih zel a rinawm.

(Admin : Vawiin tlai ruahsurah khan internet a chhe daih a. Tlai khaw hnuah inkhel review a rawn chhuak thei hram a. ZoFooties te hriattthiamna kan ngen a ni.)

You May Also Like

More From Author

+ There are no comments

Add yours