I-Day, Day II Review : Luangmual FC in FC Kulikawn an sawp ! Chanmari FC leh FC RS Annexe an in draw.

Estimated read time 6 min read

Independence Day Celebration Invitation Football Tournament khelh chhunzawm leh a ni a. Vawiinah pawh match hnih awm lehin match hmasa zawkah Luangmual FC in FC Kulikawn 4-1 in an sawp a. Luangmual FC tan hian F.Lalmuansanga chuan hattrick a siam a, Lalmuankima’n goal khat a thun bawk a. FC Kulikawn goal awmchhun hi Zothansanga thun a ni thung. Match hnuhnung zawkah Chanmari FC leh FC RS Annexe te 1-1 in an in draw a, Chanmari FC tana goal thuntu hi R.Malsawmtluanga a ni a, RS Annexe tana goal thuntu hi Lalrinchhana a ni thung.

Match hmasa : Luangmual FC 4-1 FC Kulikawn
( F.Lalmuansanga 23 ‘, 76, 87′, Lalmuankima 28’) – (Zothansanga 90’+3)

Tournament tan hmain friendly match an lo khel tawh a, Luangmual FC hian 4-3 in hnehna an chang a. Mahse players an inthlak kual nasat avangin tun tum chu chak zawk tur rinthiam a har hle a. Inpuahchahna nei tha an ni bawk a, mi tam takin inkhel an en chak hle a. FC Kulikawn hi players nei tha leh engtik lai pawha club tha an ni a. Tin, Luangmual FC lam hian hi season liam taa I-League qualifying khel an ni a, hei vang hian mi tam takin an khel hi an en chak a ni.

Tute nge khel?
Luangmual FC : Saitluanga (Keeper), Lalfelpuia, Mamawia (Captain), Ruatthara, Thanpuia (Tea), Lawmsangzuala (Lalmama), Rs-a, Isak-a, Dinliana Varte, Muankima, Muansanga (Puitea)
FC Kulikawn : Angaia (Keeper), Tluanga (Captain), MS Dawngzela (Notea), Nunpuia, Ramdina (Lachuma), Ramliana, Chhuanmawia, James-a, Thara, Zothansanga (Valtea), Rinchhana.

Inkhel chanchin
Inkhel tan a ni a, players te fitness a tha bawk a, inkhel a rangin game a tang nghal hle a ni. Rin aiin game a ‘open’ a. Midfield battle bawk a hmuhnawm leh a. Players neitha ve ve an ni bawk a, midfield-a Lalmama, Rsa leh Isaka te chevel a hmuhnawm a. Chutih rualin Ramdina, Ramliana, Chhuanmawia leh James te khel pawh a hmuhnawm khawp mai.

Minute 23-ah Puitea’n mawi lutukin a pet goal a. He goal hi a class a sang hle. Long range shot a ni a, bar a fuh a, a sawt goal a ni. Inkhel a hmuhnawm chho zel a, half chance pawh a tam telh telh a. Team hnihte hian goal bar leh post te an pet per a, game a tang tulh tulh bawk a. Keeper te ve ve an chetha a, goal ngei ngei tura ngaih, ropui taka saved an ngah dun hle a ni. Puitea bawk hian minute 76 naah a pet goal leh a. Goal dang a lut tawh dawn lo emaw tih laiin hun tawp dawnah Luangmual FC lamin penalty an hmu a, Puitea hian pet goalin tun tournament-a ‘hattrick’ hmasa ber a siam a ni. Injury time-ah Kulikawn lamin Valtea freekick hmangin si khat an pet goal ve a ni. Hun a tawp zui a, 4-1 in Luangmual FC an chak ta a ni.

Pic : Hattrick siamtu – Puitea

Tlangkawmna
Team hnihte inpuahchahna hi a tha a, players te pawh an tha a. Vawiinah kher kher kha chuan midfield-ah Luangmual FC lam an chungnung zawk a. Tin, an striker te pawh an hriam zawk a. Chutih rualin FC Kulikawn te hi an vanduai a hle a. An players te ‘day’ a ni lo a ni ber mai. An chance neih zozai te kha thun se chuan result hi a dang mah na ! Tin, result hi 4-1 ni mah se inkhel inhnehtawk tak a ni thung. An khel en chuan 4-1 hi chu a lutuk a tih theih. Luangmual FC hian chance an missed tho nachungin an chance an thelh mang lova. FC Kulikawn te hian clear chance an neih pawh an thun thei lova. Hei vang hian 4-1 hian inkhel hi a sawifiah zovin ka hre lo. Mahse chak phu zawk Luangmual FC an chak a tih ngam.

Match hnuhnung : Chanmari FC 1-1 RC RS Annexe
(R. Malsawmtluanga 14′)-(Lalrinchhana 27′)

Hemi te club hi MPL Playoff-ah khan an lo intum tawh a. Chanmari FC hian 1-0 in FC RS Annexe an hneh a mahse Annexe lam hian red card an hmu anih kha. Club lian leh boruak nei lian annih avangin mi tam takin an khel en an chak a, playoff zo chiah mah se match ngaihven hlawh tak a ni.

Tute nge khel?
Chanmari FC : Danny Lalrohlua(Keeper), Zomuanpuia, Lalrinchhana Tochhawng, Zothanpuia, Michael Lalhruaitluanga, Rochhingpuia(Captain), Lallawmsanga, M.S. Dawngliana, R. Malsawmtluanga, Malsawmzuala, Lalhlimpuia.
F.C. R.S. Annexe: Lalthanpuia (Keeper), Lalrinzuala, C. Lalnunsanga(Captain), Lalrinawma, Lalrinchhana, Zonunmawia, Lalchhantluanga, Jerry Lalrammawia, Lalzemawia, Danny Lalduhsaka, Zosangliana.

Inkhel chanchin
Mi tam takin nimin ang thovin inkhel hi a dul ang a, a hmuhnawm lo ngawt ang an ti nain rin ai takin players te an tang thei a. Mahse an chau tih erawh an khel atang a hmuh theih. Players te erawhin an theihtawp an chhuah a, ni hnih chauh hahchawlhna hun nei mah se an khel a hmuhnawm tho a ni. An inhneh tawk a. Tin, players te an inhrechiang tawh bawk a, an inngam hle. Half chance hmuh tur a awm zeuh zeuh a.

Minute 14 naah R.Malsawmtluanga’n mawi lutukin Chanmari FC tan a pet goal a, kawh takin a pet goal a ni. Chanmari FC lam hian chance an nghah zawk a. Chutih rualin Annexe lam pawh an duai bik lo. An khel a mumalin a hmuhnawm hle. Minute 27 naah Lalrinchhana hmangin an siphurh an sut a, 1-1 a ni der mai. Players te hi an chau tih chu hmuh theih mah se an khel erawh a hmuhnawm hle thung. An inhlau lo tawn a, chance pawh a tam phah hle. A team hnih te hi an khel tha ve ve a, chak pawh an tum hle. Goal dang a luh belh lova, 1-1 in inkhel a tawp a.

Tlangkawmna
Inkhel leh game play hrim hrim en chuan an in draw hi a awm a, mahse chance an neih en chuan Chanmari FC hian chak chu an phu zawk. An khel tha ve ve a, tu zawk pawh hi chak se result awm lo chu a ni lo. Mahse Chanmari FC lamin clear chance an ngah zawk a, an missed nual a ni. Annexe erawhin chance chu an nei a mahse clear chance sawi tur erawh an nei em em lo. Playere te hi an chau a, mahse an tang hle a. A chhan chu Luangmual FC, Kulikawn FC leh Oil India te la tum tur an nih avangin he match hi a pawimawh hle a ni. Players nei tha ve ve an ni a. Big four kan tih ho leh ram pawn club te hi tum se an dinhmun chu chiang takin kan hre thei ngeiin a rinawm.

You May Also Like

More From Author

13Comments

Add yours
  1. 4
    Marka Pa

    Nangpawh hi VANLALNGHAKA CHAWNCHHEK aka MIZO ang mai KULIKAWN FC te ila tih tut tut le!! KULIKAWN FC a awm ka hre law, FC KULIKAWN erawh a awm!! Akekekekeke

  2. 6
    Ramenga

    @ronaldawnga: poll hian 30% a keng dawn a. I rawn sawi expert, journalist, captain, coaches te pawhin an thlang vek dawn e. MFA Technical committee (25%), MPL Playoff khel teal pariat leh a tlingsa aṭangin mi 1 (captain/coach/player) (25%) leh journalist (20%) ten an thlang ang.

  3. 7
    Ronaldawnga

    In player of the Year thln tum hi a thlan dan thlak teh uuuuuu hman ni deuh khan Dinthar an sang hluai a, tunah Chanmari lam an sang leh hluai toh nia………. campaign a in vote tir tih hi a chiang ltk a, award hu expert in an thlang thin……. or journalist, captain, coaches tih vel……… internet connection ngah2 veng an sang thut2 a ang ber mai tunah hi chuan

  4. 8
    Ronaldawnga

    cholh tlem hi kei poh ka lo ngaimoh aaaaa mahse MFA lam soi ang khan MPl Playoff khel zo ciah tan hian I Day football kh4elh an duhsak ve si a, hun chep tak karah khelhna chance an siam a…. a lomom tho lom le…………………….. chumi piah lamah game chhiat chhuanlama chauh soi fo hi cu dik lo, an chauh hma pohin RS Annexe game kha chu Playoff-ah poh hmuhnom lo, Chanmari poh kha an chak hram2 thina game cu hmuhnom ngai lo

  5. 9
    Cleverley VRT

    Chawlh an nei tlem deuh mah mah chu ani e. MPL Playoff ah ni hnih danah te an han inkhel a, I Day football boruak sang lutuk han tem lehnghal te chu players te pawhin an zo lo a tih theih awm e.

  6. 10
    Steven

    Inkhel a hmuna thlirtu tn chuan Annexe khan an nawr mah zawkin a lang. Chanmari khan counter attack hmanga an nawr eroh a hlauhawm thei fu a, an threlh ho thei angreng. Annexe striker Danny-a an ti emo ni threlh te pawh kha uihawm tak a ni…… Chanamri hian an hneh bik miah lo ania a khelhah

  7. 12
    Jeremy Ngila

    Chhiar a nuam thei dap dap hle mai. 1st match hi chu khelh a har an ti fo a, nih pawh a ni fa hmiang… 2nd match theuh an khel hun a nghahhlehawm ta hle mai…

  8. 13
    lrpatea

    Kan veng chanmari chu oo an va ti uihom emmm..kan cak ka rin tehlul nen..poi ve ooo..lehpek chu chak ngei toh teh see..

+ Leave a Comment

I-Day, Day II Review : Luangmual FC in FC Kulikawn an sawp ! Chanmari FC leh FC RS Annexe an in draw.

Independence Day Celebration Invitation Football Tournament khelh chhunzawm leh a ni a. Vawiinah pawh match hnih awm lehin match hmasa zawkah Luangmual FC in FC Kulikawn 4-1 in an sawp a. Luangmual FC tan hian F.Lalmuansanga chuan hattrick a siam a, Lalmuankima’n goal khat a thun bawk a. FC Kulikawn goal awmchhun hi Zothansanga thun a ni thung. Match hnuhnung zawkah Chanmari FC leh FC RS Annexe te 1-1 in an in draw a, Chanmari FC tana goal thuntu hi R.Malsawmtluanga a ni a, RS Annexe tana goal thuntu hi Lalrinchhana a ni thung.

Match hmasa : Luangmual FC 4-1 FC Kulikawn

( F.Lalmuansanga 23 ‘, 76, 87′, Lalmuankima 28’) – (Zothansanga 90’+3)

Tournament tan hmain friendly match an lo khel tawh a, Luangmual FC hian 4-3 in hnehna an chang a. Mahse players an inthlak kual nasat avangin tun tum chu chak zawk tur rinthiam a har hle a. Inpuahchahna nei tha an ni bawk a, mi tam takin inkhel an en chak hle a. FC Kulikawn hi players nei tha leh engtik lai pawha club tha an ni a. Tin, Luangmual FC lam hian hi season liam taa I-League qualifying khel an ni a, hei vang hian mi tam takin an khel hi an en chak a ni.

Tute nge khel?

Luangmual FC : Saitluanga (Keeper), Lalfelpuia, Mamawia (Captain), Ruatthara, Thanpuia (Tea), Lawmsangzuala (Lalmama), Rs-a, Isak-a, Dinliana Varte, Muankima, Muansanga (Puitea)

FC Kulikawn : Angaia (Keeper), Tluanga (Captain), MS Dawngzela (Notea), Nunpuia, Ramdina (Lachuma), Ramliana, Chhuanmawia, James-a, Thara, Zothansanga (Valtea), Rinchhana.

Inkhel chanchin

Inkhel tan a ni a, players te fitness a tha bawk a, inkhel a rangin game a tang nghal hle a ni. Rin aiin game a ‘open’ a. Midfield battle bawk a hmuhnawm leh a. Players neitha ve ve an ni bawk a, midfield-a Lalmama, Rsa leh Isaka te chevel a hmuhnawm a. Chutih rualin Ramdina, Ramliana, Chhuanmawia leh James te khel pawh a hmuhnawm khawp mai.

Minute 23-ah Puitea’n mawi lutukin a pet goal a. He goal hi a class a sang hle. Long range shot a ni a, bar a fuh a, a sawt goal a ni. Inkhel a hmuhnawm chho zel a, half chance pawh a tam telh telh a. Team hnihte hian goal bar leh post te an pet per a, game a tang tulh tulh bawk a. Keeper te ve ve an chetha a, goal ngei ngei tura ngaih, ropui taka saved an ngah dun hle a ni. Puitea bawk hian minute 76 naah a pet goal leh a. Goal dang a lut tawh dawn lo emaw tih laiin hun tawp dawnah Luangmual FC lamin penalty an hmu a, Puitea hian pet goalin tun tournament-a ‘hattrick’ hmasa ber a siam a ni. Injury time-ah Kulikawn lamin Valtea freekick hmangin si khat an pet goal ve a ni. Hun a tawp zui a, 4-1 in Luangmual FC an chak ta a ni.

Pic : Hattrick siamtu – Puitea

Tlangkawmna

Team hnihte inpuahchahna hi a tha a, players te pawh an tha a. Vawiinah kher kher kha chuan midfield-ah Luangmual FC lam an chungnung zawk a. Tin, an striker te pawh an hriam zawk a. Chutih rualin FC Kulikawn te hi an vanduai a hle a. An players te ‘day’ a ni lo a ni ber mai. An chance neih zozai te kha thun se chuan result hi a dang mah na ! Tin, result hi 4-1 ni mah se inkhel inhnehtawk tak a ni thung. An khel en chuan 4-1 hi chu a lutuk a tih theih. Luangmual FC hian chance an missed tho nachungin an chance an thelh mang lova. FC Kulikawn te hian clear chance an neih pawh an thun thei lova. Hei vang hian 4-1 hian inkhel hi a sawifiah zovin ka hre lo. Mahse chak phu zawk Luangmual FC an chak a tih ngam.

Match hnuhnung : Chanmari FC 1-1 RC RS Annexe

(R. Malsawmtluanga 14′)-(Lalrinchhana 27′)

Hemi te club hi MPL Playoff-ah khan an lo intum tawh a. Chanmari FC hian 1-0 in FC RS Annexe an hneh a mahse Annexe lam hian red card an hmu anih kha. Club lian leh boruak nei lian annih avangin mi tam takin an khel en an chak a, playoff zo chiah mah se match ngaihven hlawh tak a ni.

Tute nge khel?

Chanmari FC : Danny Lalrohlua(Keeper), Zomuanpuia, Lalrinchhana Tochhawng, Zothanpuia, Michael Lalhruaitluanga, Rochhingpuia(Captain), Lallawmsanga, M.S. Dawngliana, R. Malsawmtluanga, Malsawmzuala, Lalhlimpuia.

F.C. R.S. Annexe: Lalthanpuia (Keeper), Lalrinzuala, C. Lalnunsanga(Captain), Lalrinawma, Lalrinchhana, Zonunmawia, Lalchhantluanga, Jerry Lalrammawia, Lalzemawia, Danny Lalduhsaka, Zosangliana.

Inkhel chanchin

Mi tam takin nimin ang thovin inkhel hi a dul ang a, a hmuhnawm lo ngawt ang an ti nain rin ai takin players te an tang thei a. Mahse an chau tih erawh an khel atang a hmuh theih. Players te erawhin an theihtawp an chhuah a, ni hnih chauh hahchawlhna hun nei mah se an khel a hmuhnawm tho a ni. An inhneh tawk a. Tin, players te an inhrechiang tawh bawk a, an inngam hle. Half chance hmuh tur a awm zeuh zeuh a.

Minute 14 naah R.Malsawmtluanga’n mawi lutukin Chanmari FC tan a pet goal a, kawh takin a pet goal a ni. Chanmari FC lam hian chance an nghah zawk a. Chutih rualin Annexe lam pawh an duai bik lo. An khel a mumalin a hmuhnawm hle. Minute 27 naah Lalrinchhana hmangin an siphurh an sut a, 1-1 a ni der mai. Players te hi an chau tih chu hmuh theih mah se an khel erawh a hmuhnawm hle thung. An inhlau lo tawn a, chance pawh a tam phah hle. A team hnih te hi an khel tha ve ve a, chak pawh an tum hle. Goal dang a luh belh lova, 1-1 in inkhel a tawp a.

Tlangkawmna

Inkhel leh game play hrim hrim en chuan an in draw hi a awm a, mahse chance an neih en chuan Chanmari FC hian chak chu an phu zawk. An khel tha ve ve a, tu zawk pawh hi chak se result awm lo chu a ni lo. Mahse Chanmari FC lamin clear chance an ngah zawk a, an missed nual a ni. Annexe erawhin chance chu an nei a mahse clear chance sawi tur erawh an nei em em lo. Playere te hi an chau a, mahse an tang hle a. A chhan chu Luangmual FC, Kulikawn FC leh Oil India te la tum tur an nih avangin he match hi a pawimawh hle a ni. Players nei tha ve ve an ni a. Big four kan tih ho leh ram pawn club te hi tum se an dinhmun chu chiang takin kan hre thei ngeiin a rinawm.

You May Also Like

More From Author

+ There are no comments

Add yours