F.C. Kulikawn 3-2 SYS F.C.
Zomuanpuia (OG) 18′
Albert Zohmingmawia 28′, 67′
Achhuana Vanchhawng 20′
Lalruatfela 78′

F.C. Kulikawn hian first match ah Dinthar 1-0 in an hneh loh avangin 2011 MFA League hian 2010 I-Day Champion hnung zuiin an tlak mai a hlauhthawn awm hman a, mahse club hlun annih zia lantirin SYS FC chu 3-2 a hnehin Semi Final lut thei dinhmun ah an ding leh ta!!!

Game thlak danglam tu Dani!

Game pawimawh ah player senior an lang thin a, chutiang chiah chuan vawiin game ah chuan Senior Player Dani hi a pawimawh ber a tih theih. A tir te atangin SYS defender ho a chaih buai a, a tawp thlengin ngai an awh lo. A ball khawih hlauawm avang hian Zomuanpuia (SYS defender) pawh hian an lamah a ti goal niin a lang. Chtuihrualin goal chiang sa a ngaih keeper a pass kha chu a ui ve khawp ang le.

Achhuana a rawn lang e!
Achhuana’n a game hmasa tluk lo mahse a ball khawi a nalh tluang zel a, a head goal lo erawh a ui ve khawp ang le. Captain inghahna tlak anni tih lantir nan Minute 20 ah Ch.Ch.-a penalty hlawchhuah chu goal ah a chantir a. SYS game pawn tlemin hmasawn a, mahse an defence an talbuai avangin game a dik thei lova, an game dik thei lo chu F.C. Kulikawn in remchang a rawn hmangin Albert Zohmingmawia’n cheng zetin a rawn thun a. First half ah goal a luh belh lo.

Samuel Laltlanthanga a tangkai!
Second half ah Samuel-a (Red Ribbon Dinthar Star Player) Kulikawn tan a tangkai hle a, ball tam tak a chhuhsak bakah ball a hlauh lo a, hei hian an team hi game ah thuneihna a pe niin a lang bawk.

Mamte-a day a ni lo!
Defence tha lo siamthat nan SYS in Mamtea an rawn luhtir a, mahse a ball khawih hmasa ber a tisual nghal a, a ball lak per chu Albert Zohmingmawia’n Kulikawn goal thumna ah a lo chantir a. He goal ah Albert a finishing that zia a lang chiang hle awm e.

Fela a rawn lang hun a tlai lua e!
Minute 78 naah season hmasa lama SYS goal thun khawl ber Fela’n a tih dan thin pangaiin goal a rawn thun a, mahse a tlai deuh hret tawh niin a lang.

SYS in match khelh tam an tuar!!!

SYS hian tunkar chhungin match thum an nei tawh a, Monday ahRamhlun Sports Complex ah Kanan an draw a, Tuesday ah Lammual ah 1st MAP an draw leh a, Wednesday ah Ramhlun Sports Complex ah Thingsultliah lakah an mualpho a. Vawiin ah First Division team tha F.C. Kulikawn lakah an chak zo leh bawk. Second Division ah second Team khelh tir bawk mahse team pakhat in player 30 chauh an neih theih avangin tournament pahnih khelh kawp hi an zo lo deuh niin a lang. A pawi ber zawkin chu inkhel entu tam tak in SYS game mawi tak hmuh leh an beisei a, an beiseina an thamral tir kha a ni thei ang.

F.C. Kulikawn chak mahse an Vanduai!
SYS an hneh hi a lawmawm viau in lang mahse a hmun a inkhel entu tan chuan Kulikawn hi an vanduai a tih theih. Semi Final an lut zo lo anih ngat chuan vawiin game a, an thelh zo zai kha chu an ui ve khawp ang le. A uihawmna belhchhah turin hun tawp dawn tep ah an thun tir leh bawk a. He Goal vang hian Semi Final an kai lo phah thei tlat!

F.C. Kulikawn in beseina sang tak an nei a, last match a 1st Bn an hneh chuan an lut thei dawn a. SYS tan erawh beisei a awm ta lo.