Shillong Lajong 3-0 Luangmual FC
(Tuboi 1′ 21′,Boithang Haokip 63′)
2nd leg inkhel hnuhnung zawkah I-League khelpha leh rinphak baka chetha te an inkhel a. 1st leg khelhzawh takah khan goal lut hi vawi thum tho a ni a. A belhkhawm in Shillong Lajong hi 6-0 in an chak ta a ni. 1st leg leh 2nd leg a goal lut zat inang mahse inkhel chanchin erawh a inanglo hle.
Chawhnu dar 3 ah inkhel hnuhnung zawk Shillong Lajong leh Luangmual FC te an inkhel a. Entu mipui lam pawhin thutna an awh hnem hle. Boruak a nuam a, a en pawh a nuam e. Inkhelh tan a ni a. Boruak a duai angin inkhel pawh a duai ang reng viau. Inkhelh tan atanga hun reiloteah Luangmual FC goalkeeper in a nem chhuah thatloh chu India team atana lo koh tawh Shillong Lajong striker jersey no 15 Seikhohao Tuboi in ‘bicycle kick’ in a bin goal! A hnulawkah a bin leh nghe nghe a, hemi tum hian a goal lo hlauh. Tuboi bawk hian Lajong goal hnihna a thun leh. Luangmual FC player te’n goal chhuah mahse lehlam player te an chhuah mawh hle a. A pum rua a lian zawk Lajong players te an thal ngun zawk thung. Half-time ah Shillong Lajong in 2-0 in hma an hruai.
Half-time ah ZoFooty leh Shillong Lajong tangkawp chuan ‘Half-time Show’ a huaihawt a. Hetah hian mipui te atangin naupang kum 15 hnuailam te kohchhuah an ni a. Field lai taka thleng hmasa naupang te chu duhsak an ni a. ‘Shillong Lajong’ tih inziak ban bun te pek an nih bakah heng naupang te hi field lai atangin goal ruak chhunga pet luh tir an ni. A pet lut te hi Shillong Lajong t-shirt a thlawna pek an ni nghe nghe.
Second half tan leh a ni a. Luangmual FC te an bet reng biklo. Chance tha an nei nual a, Lajong goal ban pawh a ri deuh dawt nghe nghe. Lajong lam vannei zawkah an tang a, an goal an la venghim hram. Lajong te’n Luangmual FC player te tihsual nangchingin lehlam goal hma ah an che hlauhawm thei hle a. Minute 63 na ah Lajong winger jersey no 13 Baothang Haokip chuan goal a thun belh. Lajong lamin substitution siam in African player pahnih Nigeria ami Christopher leh Liberia mi USA a cheng Johnny te luhtir an nih hnuah Lajong lamin inkhel an thunun ta deuh niin a lang. Goal lut hmuh tur a awm zui lova. Hun tawp thleng 3-0 a ni ta a ni.
ZoFooty Man Of The Match – Seikhohao Tuboi
@Tetea. MFA hian Man Of The Match an thlan awm ka hrelo
Kan sawi nawn leh teh ang, MFA hian man of the match an thlang lo a mi le?
Lajong hian tha full niloin tha ve pangngai an luhtir a ang ka ti. Luangmual hi chuan an khanlo deuh hlek niin a lang. Mahse Lajong players te pawh hi an khelh danah chuan full concentration an pek loh hmel a ni.
Report han enin Luangmual chuan a khelh ah an hneh lo lutuk bik lo a ni maw? Lajong hian an team ṭha ber an luhtir tho em le? Nge 3-0 a an chak tawh avangin final atan an indahṭha ve deuh
Final ah chuan Lajong tan daih ang. Wahingdoh ai chuan ka ring zawk deuh..
A thym zok an chak. Egtkah emaw chuan kn ram team an chak ve ngei ka beisei
An hneh ngang lo a ni. First…..