I-Day Invitation Tournament match hmasaber chu vawiin tlai dar 1 hian tan a ni dawn a. Vawiin hian Group A lamin an khel anga, Opening match ah hian Champion lai 1st MAP Academy leh Luangmual te an inkhel ang.
Naupang mahse an chhelo!
Academy players te hi kum lamah la naupang mahse Champion lai anih miau avangin an chhelo tih a hriat a, an fitness leh an game discipline tha tak avang hian vawiin match ah pawh an chak zawk a rinawm. Academy lamah hian Danmawia hi an player langsar ber te zinga ami a ni a. Anni hian kumin ah a Captain na hnuaiah National U-16 ah Mizoram a Champion pui a, chubakah an rawn ho chho hnu in Red Ribbon ah Durtlang a Champion pui leh bawk. Chuvangin vawiin inkhel i en a nih chuan Danmawia hi i lo enchiang bik dawn nia.
Tumna a awm chuan kawng a awm!
Luangmual F.C. hi tun tournament ah hian engnge an an dawn tih hi hriatthiam a har hle. Chak tur chuan thiamna an nei mahse team game an nei em? tih hi zawhna lian tak a la ni. Player/Coach leh Mizoram a ball pet thiam ber te zinga ami Malsawma hian hian a enkawlna hnuaiah Academy hnehloh a duh dawn lo tih a chiang, chuvangin anmahni aia naupang hi hneh ngei an tum dawn a. Attacking football hmuhawm tak kan hmuh ngei a rinawm bawk nen, vawiin chawhnu lamah lammual lam i pan theuh ang u.
Player to Watch:
Sammy Vanlaltlana
Nickname: Sammmy
Pa Hming: Lalliantluanga (L)
D.O.B: 4th July
Khua: Kolasib Project Veng, Kolasib
Fav. Club: Manchester United
Fav. Player: C. Ronaldo
Fav. Player (Mizo): Tuaitea
Position: Striker
Height: 5’7″
Weight: 65 kg
Boot Size: 7
Football i hun tawng a theihngilh tawh loh tur?
2003 Subroto U-14 Champion.
I club khelh tawhna te?
Zotlang F.C., F.C. Kulikawn, Madras Sporting Union (Chennai) & Indian Bank (Chennai).
Defender i hmachhawn tawh ah tunge tawh khirh i la tih ber?
Rolling Son Hungyo (Pune F.c) hi Indian ah chuan tawh khirh ka la ti ber a. Mizo zingah chuan Pianfela (Police) hi a tawh khirh berin ka hria.
Luangmual F.C. hi tun tournament ah hian Champion theih turin an tha tawkin i hria em?
Kan practice tha a, players te pawh an chhelo bawk a, Champion thei tur chuan kan tha tawk chuan ka hria.
In Pool ah hian han huphurh bik te nei em?
Huphurh bik pawh ka nei hran lo. Eng team pawh tum ila, theihtawp kan chhuah chuan kan chak thei vekin ka ring.
Shillong Lajong leh Royal Wahingdoh te hi huphurh em?
I-League a tel pha annih avang pawh hian team tha tak anni tih chu a hriat a, mahse keini chuan kan tum thei anih chuan HOME ah kan lo hmachhawn dawn a ni a, kan practice dan leh kan players te en chuan beisei chu ka nei sang khawp mai. Eng team pawh tum ila, ka huphurh love.
Kawmna hun tha tak min siam sak avangin i chungah kan lawm takzet a, tournament in khelh turah pawh duhsakna sang tak kan hlan a che.
Keipawh ka lawm e.
#3.. Tha dawn e.(Y).. Duhthu kan sam lawk(Samah sam luat a awm nem maw!).. Kan timezone leh an khelh hunin a zir deuh avangin EPL Big match bik, FA Cup Final leh UCL Semi Final vel atangin Man of The Match leh Match result inrinsiakna te nei thin ila. A ring dik khan Point hmu zel se la. Season tawpah a hmu sang ber hnenah Chatuan Sweet vel te sem nise la. Khing Match kan thlana prediction inang a awm a nih pawn toss neih mai tur a nia. Boruak pawh a ti tang ve ang chu le..
An va intum tawk hmel ve leh. Sammy nen kan club tan a inang..
OT ve lawk: Season thar hi a nghahhlel awm tawh khawm mai… Football fans te ZoFooty a kan inkhelh hun mawlh hi a nia chakawm tawh chu… Jersey Original dawn theih dan tur pawh kan duang chhuak tawh a, in lawm zawng tak te anih takin a chiang deuh tawh bawk a, ka rawn sawi thawi a ni e 🙂
Inti tha e. Mahse, a en ve theilo tan match report kimchang hriat a chakawm khawp mai.
O.T Zofooty hi comment a tlem thin avangin kan hlutlo emaw kan ti hlauh a nge. Silent reader an tam tih hria ila. Team member te kan tan tlan a ngai ve a nia. Season thar chu Comment lamah club hrang hrangte kan la inkhel ang chu ma le..hehe..
An khelh dan kimchang kan lo nghak ania, eng formation nge an hman tih te aw…