I-League: 2000/01 khan Dinthar F.C. ten an lo khel tawh!

Dinthar F.C. chuan kum 2000/01 khan National Football League (tuna I-League ni ta) Qualifying round hi an lo khel tawh a, ZoFooty ngei pawhin Aizawl F.C. leh Luangmual F.C. te Mizoram tana sulsutu anga kan lo tarlan kha thil hriatchian tawk loh vang zawk a tih theih.
I-League hi 2007/08 season khan tan a ni a, he league-ah hian National Football League a team awmsa 8 bakah 2nd Division atangin team hnih dang an rawn tel leh bawk. Chumi anih avang chuan Dinthar F.C. in tuna I-League 2nd Division hi khello mahse National Football League 2nd Division an khelh miau avangin Aizawl F.C. leh Luangmual F.C. te a sulsutu tih chu a dik ta lo a ni.
Dinthar F.C. hian kum 2000/01 khan Raiganj, West Bengal-ah National Footbal League Qualifying hi an zuk khel a, mahse vanduaithlak takin Group Stage (Quarterfinal) an pal tlang zo lo a ni. Khatih laia Dinthar FC enkawltu te chu Under 19 khelh zawh taka Manager Pu Benjamin Laldinpuia (Didina), Pu Lalnuntluanga leh Pu T.Vanlalhluna te an ni a, Final Round khel te chu Mohammedan SC(WB),Air India (Maharashtra), Benaras Dynamo (UP), Tata Football Academy (Bihar) leh Dinthar FC(Mizoram) te an ni.
Dinthar F.C. hi MFA League 2011/12 Champion team kha an ni a, North East Premier League(NEPL)-ah Mizoram ai an awh dawn a ni. MFA League a pahnihna F.C. Kulikawn erawhin NEPL Qualifying an khel thung ang.
India ram hian Football kan hriatna chu rei tawh mahse kalphung nghet kan nei hleithei lova, dan pawh hi a inthlak zut a, tournament kal dan pawh hi a ngai hleithei lo bawk. Mizoram lamah pawh a danglam chuang lova, inkaihhruaina dan bu kimchang tak leh history ziahna mumal tak kan neih hunah chuan hei ai hian hma kan sawn ngei ang le.

Posted in Dinthar F.C, Luangmual F.C., Mizoram.

32 Comments

  1. @ Mizo tumah CLUB leh CLUB inhmusit an awm lovang Mizoram ah Football club hrang hrang kan awm a,kan khelh chin te ;kan khelh phak na stage te,kan lo khelh tawhna te a inang lo fur ang/kan dinhmun a zir zelin FA lamin kan khelh na tur stage min chhawp chhuah sak___Football hi `beautiful game` a ni a,FAIR tak zel in le…i ngaihdan tam tak ka tawmpui che…

  2. Kan phak ang tawk zelah keimahni leh keimahni kan inhmusit tur a ni lo.
    Kan infrastructure-in a la zir tawk lo a. A than zawng kan thang ve e. Mahse tunhma local football nung tak boruak ang erawh kan chawhthawh leh a ngai khawp mai.

    Mizo-te hi midangte thang tur leh pawng tur ngai thei lo hma tak mai kan ni. Eng club pawh lo ding se ruahmanna felfai nei leh hmathlir nei an nih chuan kan lawmpuiin kan support zawk tur a ni. A lo ding hmasa leh titu hma a chhawmdawltu tur leh kawng lo kawhhmuhtu tur zawk ten lo chhut hniam a, lo than thut tir an tum deuh ni a lang thin hi chu a zia lo thin ngawt mai…

  3. @Eddiea pa, kan phak tawk ang zelah chuan ngaisang teh reng e… mahse NFL ai chuan I-League ka dah sang zawk tihna a nih khi. Chutihrualin kan local league erawh ka dah hniam tihna a ni hauh lo. Dinthar FC te chu Mizoram football tinungtu club pakhat a ni. An khel pawh ka en nasa hle. Chutihrual erawh chuan Professional club erawh an ni lo.. chumi kawng zawh tur chuan Mizoram club te hian hmabak kan la nei. Hma erawh kan sawn zel e.

  4. @Mizo ni e EPL san zia chu kan hria kan ram ang nena khaikhin chuan an kheldan kalphung hrim hrim pawh a danglam ;kan thukhel ber chu EPL pian hma a Leaque an lo khel record kha tuna English P Leaque Club nilai te record ah dah vek a ni thin.NFL kha semi-professional i ti mai pawh a;kei chuan i dah sang mah mah zawk ka ti.`Professionalism in football `ka sawi lova__a post tu Pu Lalzarzova han tarlan ang khian NFL kha AIFF lamin herdanglam in I-Leaque an siam a,NFL khel club sa Club 8 ho kha an seng lut a,NFL division 2 atangin Club 2 an kaisans chho bawk a,I-Leaque a lo piang ta a ni.I-Leaque hming hmasa chu NFL tihna a nih chu(Calcutta pawh Kolkata an ti tawh,hmanlai ai chuan khu khawpui khu ropui tawh tak ani).Chu NFL B-Leaque(Tuna I-Leaque Qualifying/Division-2) hi Dinthar FC chuan Raiganj(WB) ah an lo khel tawh kanti mai a ni e. Chuan kan state football body sangber MFA in tehna hrang2 hmanga a siam First division Leaque 2011-2012 season a Dinthar FC an champion hi i ngaihsan leh san loh chu ka hre lova;i mimal ngaihdan nise.

  5. @Eddya pa, EPL leh NFL khai khin chi a ni lo. Anni chu EPL a nih hma pawhin Professional League a nihna a rei tawh lutuk. NFL erawh kha chu Semi-Professional chauh a ni. Professional League an duh avanga siam danglam an ni reng a ni. Tin, hetia kan sawi avang hian hmanlai thil sawi bawrhbanna a ni lo. AIFF-in football hmasawnna an duh a, chuvangin a tha ni a an hriatin an kal a ni. Chutiang chiah chuan Mizoram pawhin rahbi thar a kai zel bawk.
    Tuna I-League qualifying khel mek Luangmual FC leh Aizawl FC te hi lo inpettling pawh ni se, physical checking an rawn ti leh vek dawn. An home ground tur a hmantlak em? Academy te an nei tak tak em etc.. chuvangin document-a inziahtlin ringawt kha a ni lo.

    Tin, I-League khelh theih leh theih loh hi State League-ah a innghat lo tih chu a hrechiang bertute kan ni. Chuvangin tun ka tawng lo ngaikawi lo se, hetilai Mizoram-a First Division team nih avanga lo inchhuan viau tur pawh a ni lo. Eng club pawh ni se, 3rd Division la khel lo, club indinthartir pawh ni se, Management a fel a, AIFF I-league criteria zawm tum tlat leh zawm thei a an awm a nih chuan chu chu club dang pawhin zawm tum a, entawn zawk tur a ni.

  6. @ Mizo kan hriat a tana tha chu EngLish Premiere Leaque en ila__Man U an ni emaw Liverpool an ni emaw 18 times EPL ah record an siam tawh tia tuipuiral sport writer/commentator ten an sawi hian EPL tih hming a put hma Leaque a an champion na kha an sawi tel a ni..EPL tih hming tak a pian hma a tanga an chaklna kha an chhiar tel thin.Hming te chu a inthlak a inthlak a__khawvel a changkan ang zelin a kalphung pawh a danglamin a tha chho zel a ni.National Football leaque pawh I-Leaque ti a thlak chhoh a lo ni ta.Indian Football history chuan National Football Leaque hi a hnuah a hming dang I-Leaque an vuah ti in a pawm reng tawh ang.Keini lo siam/her danglam theih ngawt a ni lova ,tulova hmanlai thil lo sawi bawrhban vak lah a sawt hek lo…

  7. @ MIZO a lawmawm e..kan hriat angin hmana National B kha I-Leaque Qualifying tia a hming lo thlak a ni ta a,a symtem chu a inang lo ngawt ang__ka rawn sawi ang khian Dinthar FC chuan National B-Leaque khel tur khan Gen.Padmajung All India Invitation (Tripura)a khelh ah an Champion a___North east zone atan AIFF lama tangin duhsakna dawngin National B-Leaque an khel..ka tawng an huat thu suh ah__tuna I-Leaque Qualifying khel pha ho hi chu an INKHEL tling lova__an INZIAK TLING…I-Leaque Qualifying khel ho en hian a hriat__a then chu MFA 3rd Division Club nilai te an ni..(an huat thusuh ah)

  8. @Keltolh Nu, 1999/00 season zawk a nih hi. Dinthar FC chu Group -III ah awmin palina an ni a.. Preliminary round an paltlang zo lo a nih hi…

    Tin kan hriat tur chu NFL hrim hrim kha Semi-Professional League a ni a. AIFF in professional league buatsaih a duh avangin I-League a buatsaih a. NFL leh I-League criteria hi a in ang lo hle… Chumi a nih avang chuan 2nd Div I-League leh 2nd Div NFL kha chu a hrang hlauh a ni.

    Criteria mumal pawh awm lo-in State Represent tur kha State Association-ah AIFF lam khan tir turin an ti thin zawk a ni. Tin, 1999/00 mai kha a la nih avangin tute nge khel tih zawng zawng nen a la hriat theih ngei ang. Chutiangin 2002/03 kuma 1st MAP FC player-te pawh hriat theih an la ni ngei ang..

  9. @ MIZO a chunga i rawn tarlan ,source a i hman ber Indianfootball.de i tihhi hmuh ve theih dan ka va duh ve;khawngaihin kawng min kawhhmuh ta che…..

  10. @ MIzo___I source han tarlan INDIAN FOOTBALL.DE hi ka en ve chiah lova,website nge lehkhabu ka hre lova .Tin.a season tak a tarlan 2000/2001 season tih pawh hi a lo dikhleh deuh thei a.A chhan chu he National B -Leaque hi Raiganj(WB) ah hian Feb/2000 a an khelh a vang hian 1999-2000 season zawk poh a lo ni mai thei,a chhan chu Dinthar FC group a mi Benaras Dynamo(U.P) team ngei pawh i rawn tarlan -ah hian an awmlo a;tihsual palh a lo awm a nih chuan ngaihdam pawh kan dil e.Dinthar FC in hemi tuma National B -Leaque (Tuna I-Leaque Qualifying nita)a an khelhchhoh dan chu;Gen.Padmajung All India Invitation,Koilashahar(N.Tripura)a Dinthar FC hi an champion a vangin North East Zone qualifying hi an paltlang a.Hetih hunlaia National B-Leaque Qualifying stage -2(Ka hriatthiam dan in) hi Dinthar FC chuan Raiganj (WB) ah an khel a ni,hemi tuma Dinthar FC group a mite chu tarlan tawh ang khian ,Air India(Maharashtra),Mohammedan SC(WB),Tata Football Academy (Khatihlaia Bihar-tunah Jharkhand),Benaras Dynamo (UP) te niin Dinthar FC hian First Match ah Air India 2-4 in a hnehlo va;Benaras Dynamo 4-0 in a hneh thung a;Mohamedan SC hi 2-5 in a hnehlo leh a,last match ah Tata Football Academy 1-1 a draw leh in he Group hi Point a a paltlang zo ta lo a ni.he groupa tlang team 2 Air India leh Mohamedan SC te hian Final Round Goa ah khel leh in ;hemi kum a tang hian Indian National Leaque an qualified ta nghe 2 a ni.

  11. 2nd Division National Football League 2002-2003 Preliminary round-ah hian North-East Zone-ah 1st MAP FC khelin North East Zone hi group A leh B ah then a ni a. 1st MAP FC te hi group B zawkah an awm a. March 6 2003 khan Eastern Sporting Union 1-1 a an draw hnu-ah, March 8 2003 khan Langsning FC chu 0-0 in an draw leh a, Oil India Ltd chu 3-2 in an hneh a, hneh loh nei lo-in qualifying round erawh an inpet thleng zo lo.

  12. 2000/01 hi Zone hrang hranga khelh a nih hnu khian. Inter-Group Stage neih leh a ni a. Tah chuan Group hnih-ah then a ni a.
    Group I: in Bhopal, Madhya Pradesh -ah khelh niin a telte chu
    Indian Bank – Chennai, TAMIL NADU
    Punjab Police – Jalandhar, PUNJAB
    Sporting Clube de Goa – GOA
    Tata Football Academy – Jamshedpur, BIHAR
    Eastern Sporting Union – Imphal, MANIPUR

    Group II: in Bhopal, Madhya Pradesh-ah khelh a ni a, team-te chu
    Dempo Sports Club – GOA
    Hindustan Aeronautics Limited – Bangalore, KARNATAKA
    Border Security Force – Jalandhar, PUNJAB
    Mohammedan Sporting Club – Calcutta, WEST BENGAL
    Assam Rifles – Lokhra, ASSAM

    Heng group hnih atanga a sang pahnih te hian promotion group stage an khel leh a ni.

  13. Ok. Indianfootball.de ziahlan dan hian, 2nd Division Nationational Football League-ah, India ram hi Zone nga, North Zone, North-East Zone, East Zone, West Zone leh South Zone-ah then a ni a. North East Zone-ah hian team paruk (6) awmin chungte chu:
    Assam Rifles – Lokhra, ASSAM,
    Eastern Sporting Union – Imphal, MANIPUR,
    Agiye Chalo Sangha – Agartala, TRIPURA
    Football Club of Mizoram – MIZORAM
    Langsning Sports Club – Shillong, MEGHALAYA
    Nagaland Police – NAGALAND

  14. @MIZO
    Mizoram Football history ziah tum a ni e. Chiangkuang takin kan la tarlang thei ang chu.
    A bak chu tarlan rih kan tumlo.

  15. Eddya pa rawn sawi khi. Dinthar FC in National Football League qualifying-ah quarter final-ah an tla a tih khi a chiang lo tlat. League-ah quarter final a awm ngai em ni. Tin, National Football League leh I-League History leh rules te, a criteria hrang hrangte, a khelh theih dan leh a tlin dante hi kan zofooty admin te hian rawn ziak chhuak thei se thil hlu tak a ni ngei ang.

  16. @ Ben vangchhia a lawmawm e__Zo-Footy enkawltute lam a tangin huai takin an thuchhuah tawh an rawn rectify ngam a.AN fakawm thlawt ka ti bawk e.

  17. A tha e..tlem kan belh hlek teh ang,kan bengvar zualna a nih beiseiin.Dinthar FC te hian tuna I-Leaque Division2 a Aizawl FC leh Luangmual FC te khel anga India ram hmun hrang hrang 3 an khelh mek ang stage hi an tlang a,khatih lai a hmun hrang hrang(Group) rawn tlang ho khan I-Leaque/National Football Leaque khel pha tak tak tura Group hrang2 ti tha te inelna Final Round an khel pha a.A chunga post ang khian Quarter Final ah an vanduai ta hlauh a ni ..

  18. #1.. Duh aiin ka O. T mah mah.. Khi comment khi NOI….. Fb a post ka hmuh atanga ka ngaihdan ka sawi tlang hmiah pek a ni. Ka sawi chhan tak chu tam takin football chanchin theh darhtu te hre chiangloin an va ziak huai ve ti a, dem mai an awl dawn vang a ni. Dinthar F. C te tang zel teh se.. All the Best..

  19. Bengvarthlak kawp mai. Hei tak hi a lawm ka ngaih pawimawh.. Sports Writer/Columnist te hi India rama cheng kan nih chuan kan dem theilo. Record mumal tak an hmuh theiha chhawp chhuah a nih loh chuan an hriat dan ang kha an report mai a. An hriat loh/tihsual a awm a nih chuan a hria a te hian hrilhhriat ran hi an tih tur a ni. Mizo football club hlun deuh te hi chuan site mumal tak neih vek a tulna a awm. Ziaka dah ringawt hi chu ziak mi/reporter te tan va hai tir a inthlahrunawm ang. Zofooty zarah local leh state pawn football in hma a sawn zel dawn e.

Leave a Reply

Or

I-League: 2000/01 khan Dinthar F.C. ten an lo khel tawh!

Dinthar F.C. chuan kum 2000/01 khan National Football League (tuna I-League ni ta) Qualifying round hi an lo khel tawh a, ZoFooty ngei pawhin Aizawl F.C. leh Luangmual F.C. te Mizoram tana sulsutu anga kan lo tarlan kha thil hriatchian tawk loh vang zawk a tih theih.

I-League hi 2007/08 season khan tan a ni a, he league-ah hian National Football League a team awmsa 8 bakah 2nd Division atangin team hnih dang an rawn tel leh bawk. Chumi anih avang chuan Dinthar F.C. in tuna I-League 2nd Division hi khello mahse National Football League 2nd Division an khelh miau avangin Aizawl F.C. leh Luangmual F.C. te a sulsutu tih chu a dik ta lo a ni.

Dinthar F.C. hian kum 2000/01 khan Raiganj, West Bengal-ah National Footbal League Qualifying hi an zuk khel a, mahse vanduaithlak takin Group Stage (Quarterfinal) an pal tlang zo lo a ni. Khatih laia Dinthar FC enkawltu te chu Under 19 khelh zawh taka Manager Pu Benjamin Laldinpuia (Didina), Pu Lalnuntluanga leh Pu T.Vanlalhluna te an ni a, Final Round khel te chu Mohammedan SC(WB),Air India (Maharashtra), Benaras Dynamo (UP), Tata Football Academy (Bihar) leh Dinthar FC(Mizoram) te an ni.

Dinthar F.C. hi MFA League 2011/12 Champion team kha an ni a, North East Premier League(NEPL)-ah Mizoram ai an awh dawn a ni. MFA League a pahnihna F.C. Kulikawn erawhin NEPL Qualifying an khel thung ang.

India ram hian Football kan hriatna chu rei tawh mahse kalphung nghet kan nei hleithei lova, dan pawh hi a inthlak zut a, tournament kal dan pawh hi a ngai hleithei lo bawk. Mizoram lamah pawh a danglam chuang lova, inkaihhruaina dan bu kimchang tak leh history ziahna mumal tak kan neih hunah chuan hei ai hian hma kan sawn ngei ang le.

Posted in Tualchhung.

Leave a Reply

Or