Kan hriat theuh angin Aizawl FC chuan I-league 2nd division group stage paltlangin final round an lut a, tunah hian final round kher turin an in puahchah chho mek zel a ni. Players te pawh an hahchawl hman meuh lova, thla tharah hian final round an khel nghal ang a, Siliguri leh Gangtok-ah an khel dawn a ni. Fixture pawh tihchhuah a ni tawh a, a hnuaiah hian kan rawn tarlang a ni.
AFC hian naktuk zing atang an practice tan leh dawn a. Mizoram an chhuahsan tur hi rel a la ni lova, Sunday hian AFC an committee ang a, Mizoram an chhuahsan hun tur a chiang dawn a ni.
Tute’n nge khel dawn?
Final round khel tur team te chu heng te hi an ni. Group 1 atang Aizawl FC & United Sikkim FC, Group 2 atangin Royal Wahingdoh FC & Kalighat MS, Group 3 atangin Mohammedan SC & Vasco SC te an ni a. Anni paruk bakah hian ONGC chu final round lut sa an ni a, an vai hian team sarih an awm dawn a ni. Vawihnih theuh an inkhelh kual ang a, point hmusang pahnih te chuan season tharah I-league an khel thei dawn a ni.
Tinge ONGC hian final round chauh an khelh bik?
ONGC hian final round an khelh direct-na chhan hi kan hre lo mai thei a, kan sawi lawk ang. I-League atanga relegate apiang hian group stage khel lovin direct-in final round an khel nghal thei a ni. Season hmasa khan ONGC leh JCT an relegate a, JCT hi an club an kehdarh tawh a, chuvang chuan ONGC chauh hian direct-in final round hi an khel ta a ni.
Fixture
First leg @ Siliguri
5/3/2012 : ONGC Vs Aizawl FC
9/3/2012: Kalighat MS Vs Aizawl FC
15 /3/2012 : Vasco SC Vs Aizawl FC
18/3/2012 : Mohammedan SC Vs Aizawl FC
22/3/2012 : Aizawl FC Vs United Sikkim FC
25/3/2012 : Royal Wahingdoh FC Vs Aizawl FC
Second leg @ Gangtok
1/4/2012 : Aizawl FC Vs Royal Wahingdoh FC
5/4/2012 : Aizawl FC Vs Vasco SC
8/4/2012 : Aizawl FC Vs Kalighat
10/4/2012: Aizawl FC Vs Mohammedan SC
13/4/2012: Aizawl FC Vs United Sikkim FC
16/4/2012: Aizawl FC Vs ONGC
Mumang ramah
Aizawl FC chuan Mizoram football history-ah mellung thar pawimawh tak an rawn kai a. An season hmasa bera group stage paltlang nghal a, final round an in pet thleng thei hi a ropui hle a ni. Mumang ramah mizo football fans te min chentir mek a, Lammual-ah hian suangtuahnain I-League kan en dawn anih hi tiin ngaihtuahna pawh a kal thui duh ta khawp mai.
Ngenna
Kan hma lawka Red Ribbon football tournament khelh turah AFC players te chu veng thenkhatin an venga khel turin an rawn sawm thin a ni awm a. Final round khel tur an la nih avang hian AFC chuan hetianga rawn sawm thinte chu khawngaih taka sawm tawh lo turin a ngen a ni.
Tin, Mizo mipui te ka chah duh chu AFC players te hi khawngaihin Red Ribbon-a khel lo tur leh an rilru la peng thei tur zawngin i siam lovang u. AFC tan chauha khel an ni lova, Mizoram tana khel an ni a, an hmingthatna hi Mizoram hmingthatna a ni tih hria ila. Red Ribbon football tournament te hi local tournament ropui ber pawl a ni a, players te paw’n khelh chu an chak ngei ang le mahse AFC tan match pawimawh tak khelh tur an la nei a, i lo tibuai lo hram ang u. ZoFooty chuan AFC te hi duhsakna a hlan tak meuh meuh a ni.
buying cialis cheap
how to get cialis
A tum khatnaa final round thleng thei kan nihna hian kan tumpui turte ah pawh boruak chu a keng ngei ang, hmanruaa kan hman thiam erawh a pawimawh hle, chapopui zawng ni lovin, Pathian puihnain I leaque in pet kai ngei beisei phawt ang. Aizawl FC te duhsakna ka hlan e.
Tling ngei turin duhsakna sangber ka hlan e.. Match an khelh tam dawn avangin tawngtaipuina an mamawh zual tih hrereng ang u.. Go AFC Gooooooo…
AFC duhsakna sang ber ka hlan e, dai ngai loh leh chenna ngai lohna a inkalna turah fimkhur tak & uluk takin kal rawh U…Red Ribbon Football (Local) Tournament ropui tak hi (AFC)players ten khel lo ngam rawh se.
go on 2 be the champ AFC…