I-League 2nd Division final round : Aizawl FC 1-1 United Sikkim

I-League 2nd Division final round khel mekah Aizawl Football Club (A.F.C) chuan Qualifying-a an hneh tawh United Sikkim chu 1-1 a draw-in point khat an hmu ve ta ! An game hmasa pali-ah chak lo vek mah se A.F.C hian hma an sawn ve hret hret zel a ni.

Inkhel chanchin ziah hmain thuhma nei lawk ang. A.F.C hian an season hmasa berah final round an in pet thleng nghal a, club dangte angin players pawh an nei tha lova, heti chunga hetiang dinhmun an thleng thei hi an chhuanawm tak zet zet a ni. Season lehah chuan hei aia an that ngei i beisei ang u. Mizo mipui te’n kan beisei sang tih chu kan hria, mahse club dang angin sum a tam lova, players pawh club dang ngaihtuahin an tha hek lo, chuvang chuan i hrethiam hram hram ang u !

A.F.C. Assistant Manager Atawm-a hnen atanga thu kan dawn danin vawiin inkhel-ah hian A.F.C hian bul an tan tha hle a, match li chak tawh lo an nih an hria a, chak pawh an tum khawp mai. An innawr tawk viau a. Minute 40-ah Striker Michael-a an titlu a, Captain David-a chuan 25 yards atang mawi zetin a pet goal a, thawm a tha kher mai. A.F.C player Sawmtea chuan red card a hmu hlauh mai a, hemi hnu hian United Sikkim lam paw’n red card an hmu ve nghal a. Half time a ni zui a, goal dang a luh belh lova.

Second half an tan a, United Sikkim lam hian an rawn nawr ve tan a, United Sikkim hian freekick an rawn hmu a, freekick atang minute 51-ah Bidemi Daniel chuan United Sikkim tan a rawn head goal ve thung a. He freekick hian sawisel a hlawh hle a ni. Rammawia ball khalh lai hi lehlam stiker-in a chuh a, an innek chiah kha lehlam team zawk freekick a pe daih a ni. Tin, A.F.C players te’n an nawr let a, mawi taka an in pass phei hnua an pet goal dawn tepah referee chuan hnung lam atang A.F.C player a hand tiin whistle a ham a. Hemi vang hian manager insum zo lo chuan official hnenah a complain a, manager hi hnawhchhuah a ni nghe nghe.

A.F.C lam hian an nawr chhunzawm zel a, chance pawh an nei zeuh zeuh mahse an pet goal thei bik lova. Thudawn danin officials te hian Bhaichung Bhutia an hlau deuh niin alang. Players 10 ve ve in an inkhel tawh bawk a, an inhneh tawk chho hle a. Clear chance tia sawi tur pawh an thelh nasa dun hle a mahse goal dang a luhbelh lova, 1-1 in an inhnehtawk ta a ni.

Manager Hmingthana chuan ” Kan vanduai a ni, kan naute hian an kheltha thlawt a, chak pawh kan phu zawk a, a pawi tak tak a ni” a ti. ‘Tin, Mizo mipui te’n min lo tawngtaipui chhunzawm zel ula, in mi support tawhna zawng zawngah lawmthu ka sawi duh bawk a ni ” a ti.

A.F.C hian ni 25 tlai dar 3-ah Royal Wahingdoh an tum leh ang. ZoFooty chuan chak turin duhsakna a hlan a ni.

A.F.C : Kenneth, Chhuantea, Zirtea, Ab-a, Chhully, Rammawia (ITI), Biaktea, Samba, David, Sawmtea, Michael.
Subs : Eddie, Rammawia (Bvt), Zuala, Valpuia, Tluanga, Abey, Papuia.

 

10 thoughts on “I-League 2nd Division final round : Aizawl FC 1-1 United Sikkim

  1. Pingback: how to get cialis

  2. Pingback: cialis for sale

  3. Pingback: Us viagra sales

  4. Lalthanzama Vanchhawng Post author

    @bawmrang : Bhaichung hi India captain hlun leh indian player-a thil titheu ber a nia a, AIFF-ah te hian thu a nei hle a., Tin, referee te hian an la zah em em a, Bhaichunga club alo ni nen.. mi zah a la hlawh em em a ni.. bakah a chhan dang pawh a awm nual ang..

  5. bawmrang

    “Thudawn danin officials te hian Bhaichung Bhutia an hlau deuh niin alang.”
    Eng vang nge Bhaichung-a chu an hlauh aw….e nge awmzia ka ve hrethiam ve ta lo ve.

    In ziah ang hi a nih chuan official ah he thu hi theh luh chi a ni lo maw. He thil chungchang a AFC ngaih dan leh hma lak an tum leh tum loh hriat a va chak awm ve.

  6. ARSENAL

    MAK VE HLE MAI..FIRST ROUND A AN SAWP HNU IN HMA AN HAN HRUAI MAI ANIA LEH,….ENGE A CHHAN NI ANG OOO….2ND ROUND AH HIAN KAN IN THLAHDAH DEUH EMO NI OO TE KA TI VEL MAI2 🙂

Leave a Reply

I-League 2nd Division final round : Aizawl FC 1-1 United Sikkim

I-League 2nd Division final round khel mekah Aizawl Football Club (A.F.C) chuan Qualifying-a an hneh tawh United Sikkim chu 1-1 a draw-in point khat an hmu ve ta ! An game hmasa pali-ah chak lo vek mah se A.F.C hian hma an sawn ve hret hret zel a ni.

Inkhel chanchin ziah hmain thuhma nei lawk ang. A.F.C hian an season hmasa berah final round an in pet thleng nghal a, club dangte angin players pawh an nei tha lova, heti chunga hetiang dinhmun an thleng thei hi an chhuanawm tak zet zet a ni. Season lehah chuan hei aia an that ngei i beisei ang u. Mizo mipui te’n kan beisei sang tih chu kan hria, mahse club dang angin sum a tam lova, players pawh club dang ngaihtuahin an tha hek lo, chuvang chuan i hrethiam hram hram ang u !

A.F.C. Assistant Manager Atawm-a hnen atanga thu kan dawn danin vawiin inkhel-ah hian A.F.C hian bul an tan tha hle a, match li chak tawh lo an nih an hria a, chak pawh an tum khawp mai. An innawr tawk viau a. Minute 40-ah Striker Michael-a an titlu a, Captain David-a chuan 25 yards atang mawi zetin a pet goal a, thawm a tha kher mai. A.F.C player Sawmtea chuan red card a hmu hlauh mai a, hemi hnu hian United Sikkim lam paw’n red card an hmu ve nghal a. Half time a ni zui a, goal dang a luh belh lova.

Second half an tan a, United Sikkim lam hian an rawn nawr ve tan a, United Sikkim hian freekick an rawn hmu a, freekick atang minute 51-ah Bidemi Daniel chuan United Sikkim tan a rawn head goal ve thung a. He freekick hian sawisel a hlawh hle a ni. Rammawia ball khalh lai hi lehlam stiker-in a chuh a, an innek chiah kha lehlam team zawk freekick a pe daih a ni. Tin, A.F.C players te’n an nawr let a, mawi taka an in pass phei hnua an pet goal dawn tepah referee chuan hnung lam atang A.F.C player a hand tiin whistle a ham a. Hemi vang hian manager insum zo lo chuan official hnenah a complain a, manager hi hnawhchhuah a ni nghe nghe.

A.F.C lam hian an nawr chhunzawm zel a, chance pawh an nei zeuh zeuh mahse an pet goal thei bik lova. Thudawn danin officials te hian Bhaichung Bhutia an hlau deuh niin alang. Players 10 ve ve in an inkhel tawh bawk a, an inhneh tawk chho hle a. Clear chance tia sawi tur pawh an thelh nasa dun hle a mahse goal dang a luhbelh lova, 1-1 in an inhnehtawk ta a ni.

Manager Hmingthana chuan ” Kan vanduai a ni, kan naute hian an kheltha thlawt a, chak pawh kan phu zawk a, a pawi tak tak a ni” a ti. ‘Tin, Mizo mipui te’n min lo tawngtaipui chhunzawm zel ula, in mi support tawhna zawng zawngah lawmthu ka sawi duh bawk a ni ” a ti.

A.F.C hian ni 25 tlai dar 3-ah Royal Wahingdoh an tum leh ang. ZoFooty chuan chak turin duhsakna a hlan a ni.

A.F.C : Kenneth, Chhuantea, Zirtea, Ab-a, Chhully, Rammawia (ITI), Biaktea, Samba, David, Sawmtea, Michael.

Subs : Eddie, Rammawia (Bvt), Zuala, Valpuia, Tluanga, Abey, Papuia.

 

Leave a Reply