I League 2nd division khel tur team 23 te tih chian an ni ta a, team 23 te hi group thum ah thun in Feb 2012 atang in match khel tan tur a ni dawn. Nagpur (Maharashtra), New Delhi (Delhi) leh Silchar (Assam) ah te khel a ni ang. Group tin a team chetha 2 theuh ten Final round an khel ang a, chuta chetha team 2 in I-League 2012-13 season an khel dawn a ni.

Group A (Nagpur):
Golden Threads (Kerala), PIFA Colaba (Mumbai), Vasco (Goa), Ar-Hima (Meghalaya), Luangmual (Mizoram), Aryan Club (Kolkata),Bhawanipore FC (Kolkata), Samaleswari (Orissa).

Group B (Delhi):
Mohammedan Sporting (Kolkata),Eagles FC (Kerala), Guwahati Town Club (Assam), Aizawl FC ( Mizoram), Kenkre FC (Mumbai), Royal Wahingdoh FC (Meghalaya), Shimla Youngs (Delhi), KGF Academy (Bangalore).

Group C (Silchar):
Kalighat (Kolkata), Southern Samity (Kolkata), United Sikkim (Sikkim), Sesa Academy (Goa), Green Valley (Assam), Quartz SC (Kerala), Langsing FC (Meghalaya).

Luangmual FC tum tur te bihchianna :
Luangmual Fc hi Mizoram a 1st division team ah chuan hlun tak leh che tha pangngai tak an ni a, an team hi an tha rual a, phai lam a khel tawh te pawh an nei nual. Tunah hian club neitu thar hnuai ah managign board mumal tak nei in an kal chho a,nikum I-Day tournament ah pawh club team zing a thleng sang ber ni in, an team an puitling in beiseina pawh a sang hle. Group A ah awm in Nagpur ah an zuk in khel dawn a ni a, an elpui tur te zing ah Vasco leh Ar Hima te hi club hlun tak a ni a, I-Lague khel tum tak pawh an ni. Tinm Kerela team Golden Treads pawh hi team tha tak an ni bawk.Vasco leh Ar Hima hi dahsan lo theih an ni lo va, chu mi tih loh ah chuan an tumpui tur dang te hi chu ti tak a huphurhawm an awm lem lo.

Aizawl Fc bihchianna :
Aizawl Fc hi tun hma a lo ding tawh thin tun hnai ah Mizoram Football Management Group (MFMG) ten kaitho thar leh in an enkawl chho a ni a, managing board mumal tak nei in club inrelbawl dan mumal tak a kalpui mek a ni a, an team hi an la naupang rual in team tha tak tak a tang a lak khawm an ni a,coach tha tak Ari Benjamin hnuai a nikum I-Day Invitation tournament atang in Zoram Football khawvel ah an rawn kir leh a, an vawi khat tounament khelh an pawh an chetha hle. Nagaland ah Royal Gold Cup 2011 ah runner up an ni bawk. An pool ah hian Mohammedan Sporting leh Royal Wahingdoh FC te an awm a he mi te pahnih hi team hlun leh lian tak an ni a, Royal Wahingdoh Fc phei chu I-Day Invitation Cup a runner up kha an ni a,team dang nen chuan an in chai tawk viau a rinawm.

Luangmual FC leh Aizawl FC te ZoFooty chuan I-League 2nd Division ah tha tak a an khelh theih na tur in duhsakna sang ber a hlan a. Hei hian Mizoram Football nasa tak in a chawisan phah a ring bawk a. Zofooties zawng zawng ten support kan pe bawk e.