Nimin tlai dar 3 khan Luangmual FC chuan an match pawimawh tak Vasco SC nen an khel a. Vanduaithlak takin Vasco SC lakah hian 3-1 in an tlawm hlauh mai a. Luangmual FC tan hian beisei a chhe tawh hle a ni.
Luangmual FC Vice Captain Aldrin-a hnen atanga thu kan dawn danin Ambedkar stadium-a inkhel hmuhnawm takah hian Vasco SC lam hian match tan tirh atang an nawr nghal a, minute 15 hnu velah goal an thun der mai a. Mahse Luangmual FC lam hian an chak loh chuan beisei a chau tawh hle tih an hriat avangin tan la thar a. An theihtawpin an nawr let ve nghal a. Goal erawh an thun thei bik lova, midfield-ah captain Tezawka awm loh a lang a tih theih bawk a. Goal dang a luh belh lova, half time a ni zui a.
Second half-ah hian Luangmual FC lam hian chak loh a pawi zia hria in an theih tawpin an rawn nawr nghal a. Tunhnaia lar tak Puia ‘samsei’ chuan minute 55-naah a rawn pet goal hlauh a. 1-1 a ni a. Mahse Vasco SC lam hian midfielder an neihthat an chhawr tangkai a, counter attack-ah an hlauhawm thei hle a. Luangmual FC hian chak loh an duh tawh loh avangin an theihtawpin an nawr a mahse counter attack atang Vasco SC hian an rawn pet goal leh hlauh mai a. He goal hi half-chance a tih theih a, mak tak maiin long range atang an rawn pet goal a ni.
Luangmual FC lam hian chak an duh em avangin an nawr chhunzawm zel thova mahse counter attack-ah bawk an chesual leh a. Vasco SC hian goal an rawn thun leh a. Luangmual FC tan beisei a bo ta ! Mahse a tawp thlengin kan Mizo players te hian an fight a, an chak zo ta lo hlauh a ni.
AIFF website-a a in tarlan dan chuan Luangmual FC hian ni 17-ah Golden Threads FC an tum leh ang a, chak ngei turin ZoFooty chuan duhsakna a hlan a ni. Luangmual FC hian match nga khel tawhin point nga an hmu a, tlang tur chuan beisei an nei chhe tawh hle a mahse kan Mizo players te hian chak loh mai mai an duh tawh lo a ni.
Coaching staff Pu Saitea(Eric-a pa) chuan “Kan vanduai tak zet zet a, kan season hmasa ber a ni a, hma kan la sawn zel dawn a ni. Tin, Captain Tezawka pawh match lehah chuan a khelh tawh beisei a ni a, Mizo mipui zawng zawng te min tawngtaipui chhunzawm turin ka ngen bawk che u a ni” a ti.
Ni e, Luangmual FC lam hian tlang tur chuan beisei an nei tawh lo a tih theih a, a sang pahnih chauh hian next round an lut dawn a. Tunah hian Vasco SC-in point 10 an hmu tawh a, Langsning-in point 10, Mohammedan SC-in point 12 an hmu thung a, mahse Langsning leh Mohammedan SC hian match khatin an la khel tlem a ni.
Mahse ZoFooty chuan Luangmual FC hi tlang lo mah se experience tam tak leh exposure tha tak an zuk nei hrim hrim hi a lawmpui a. Bul an tan chauh a ni a, an season hmasa bera hetianga an khel thei hi a ropui a ti a. Season lehah chuan an tlin tawh ngei ZoFooty chuan a beisei a ni. Mahse game a ni a, an la tlang thei thut bawk, football-ah chuan engmah hi a sawi lawk theih loh a nia.
A hnuaiah hian table dah a ni e
discount cialis
generic cialis india
cialis price costco
cialis otc
viagra cheap price
Best way to take viagra
Ni e, Mizo players an ni ringawt pawh hi chhuanawm tak an ni ! Mahse foreign players emaw phei chu tel se hei ai hian an tha ngei ang. Duhsakna kan hlan zel e..
A pawi hle mai…high level football khel pha ve tak2 tur chuan foreign players pahnih thum vel tal neih hi chu a pawimawh ve khawp mai. Season leh I-League ah an hmel hmuh kan lo beisei ve hman viau asin mawle..! A leh pek ah chuan tun aia inbuatsaihna tha deuh nen han bei leh tak2 se kan tling theih loh nachhan tur hi ka hre biklo. AFC lam hi engtak ang zel ang chu maw!
A pawi lo, Vasco te ang club hlun hneh tur chuan inpuahchah that angai ve em ani…
Han tling chho hram se ka tih vei nen… mahse an tumpuite hi India ram club hlun tak tak an awm a, anni kar atanga tlin chhoh nalh chu har ve tak tur a ni.
kumthar lam atan tan la thar teh se,mi state club te chu a kum a kum an in buatsaih a,keini chu thla 1 bawr vel,kan tih tak2 chuan tuman min dal theilovag,tun atangin muang changin inbuatsaihse,an tling ngei ang,kumthar atan duhsakna ka hlan e,kan thlen chin a lungawi thlak lutuk tho e
Ni e, an vawikhatna a ni e. Mizoram tan mellung pawimawh tak an phun tho e. Nakumah chuan an tlang tawh ngei turah ngai ang, Duhsakna ka hlan e..
A pawi hle mai a, mase I-League qualifying round a khel pha hrim2 pawh kha, thil namen anilo, aropui tawh hrim2..
An khel vawihkhatna ania, a intranna chau ani thung. Tun trum chu Beisei a bo tawh ang chu ani mai a,chu ti laiin game ani miau sia, thilmak a thleng thei
nia, an lawmpuiawm tho2 e,.. Mizo players hlang chauh an nihna hi India football hian a hriatpui ngeiin ka ring a, min ngaihsan loh phal hi lo ring lovang che u.. Mizo players te tan pawh experience thatak a ni e.. v.good post!!
A pawi hle mai… Mizoram tan mellung pawimawh tak erawh an phun e… tang zel teh se.. A bultanna atan hmang se, a lehpekah a aia tha zawkin tling ngei turin… Duhsakna Luangmual FC te ka hlan e…