All India Football Federation (AIFF) Emergency Meeting chuan kum 2014 a I-League atanga an paih tawh Goan club Churchill Brothers chu 2016-17 I-League khel turin a lalut leh.
“Delhi High Court zahawm tak thurawn ang leh Churchill Brothers Sports Club te’n kan dan zam tih hlawhtlin an huam avangin Committee chuan lungrual takin 2016-17 I-League khel turin a pawm a ni,” tiin AIFF thuchhuah chuan a tarlang.
Kum 1988 a din Churchill Brothers hi India ram a club hlawhtling ber pawl niin I-League ah tum hnih an champion tawh a, an champion hnuhnun ber chu kum 2012-13 khan a ni. I-League din a nih hma hian National Football League ah vawi thum an champion hman a, inelna dang Durand Cup, Federation Cup leh IFA Shield te an chawi tawh bawk.
Kum 2014 Federation Cup – a an champion hnu lawkah Rangdajied United, Mohammedan Sporting leh United SC te nen I-League dan zam thenkhat an zawm theih loh avangin second division – ah paihthlak an ni a. AIFF chet dan hi duh lo in Churchill Alemao leh a hote hian Club Licensing Appeals Body – ah an ‘appeal’ hlawhtlin loh hnuah Delhi High Court – ah an zualko a, tun hi an thleng ta a ni.
” Court duh danin emergency meeting kha koh a ni a. he club hlawhtlinna leh an history te en ngun a, kan thutlukna ngaihtuah nawn turin min duh a ni. Ngun taka kan ngaihtuah hnuah Churchill lamin dan zawm an inhuam bawk a, thutlukna kan nei thei ta a ni,” tiin I -League CEO Sunando Dhar chuan a sawi a, tun hnaia I-League atanga inhnukdawk Goan club pathumte thlak nan a lakluh an nih loh thu a sawi bawk.
cialis 20mg
generic cialis india
viagra online usa
Free viagra