I-League club ni duh tan AIFF – in hun hawng

All India Football Federation chuan vawiin khan thuchhuah siamin 2020/21 season – a I-League khel thar duh te tan hun a hawng a, dilna hi June ni 10 – 20, 2020 inkarah AIFF Football House atangin a lakchhuah theih ang.
 
AIFF hian khawpui hrang hranga club te aiin I-League la awm lohna khawpui atanga club te a tinzawn deuh a, heng zingah hian New Delhi, Ranchi, Jaipur, Jodhpur, Bhopal, Lucknow leh Ahmedabad te chu a langsar zual an ni.
 
Tun dinhmunah season thar a I-League club nih tum hi club engzat chiah nge awm hriat la ni lo mahse Delhi – a inkulh Sudeva FC leh FC Bengaluru United te chuan cheng nuaih 4 chawi a I-League khelh theihna hun tha hi an hman tangkai rin a ni.