I-League: East Bengal tân Robert Lalthlamuana’n a pet goal

Posted on January 17, 2012January 17, 2012 by Ramenga

Thawhlehni tlaiah I-League gameweek 15 match 1 khelh a ni a, Kolkata club lian East Bengal chuan an mikhual Pailan Arrows 4-1 in an hneh.

East Bengal hi I-League ah pahnihna ni mahse Kolkata League lamah an chetchhiat lai a ni a. Mohun Bagan leh Techno Aryans lakah a zawna an tlawm avangin fans te thinurna a sosang hman hle a ni. He inkhelah pawh hian a tirah an game a fimkhur hle a, an mikhualte hi an nawr pawp pawp ngam bik lo. Mahse minute 27 ah Penn Orji chuan East Bengal tân a thun a, hemi hnu hi chuan mual neitute hi an khel ṭha ngei mai. Minute 31 ah Tolgey Ozbey chuan East Bengal goal hnihna a thun a, hei hi Penn Orji siamsak a ni.

Minute 57 a ni a, Mizo tlangval pet goal hun a ni. Penn Orji ball pek ṭha tak lo dawngtu Robert Lalthlamuana chuan kawh mar pawtin goal-ah a pet a, Pailan Arrows keeper in a dang hman lo. Hemi hnu lawk hian mikhual tlangval Prathamesh chuan thun ve mahse minute 76 ah Ozbey bawkin a thunbelh leh a, East Bengal hi 4-1 in an chak ta a ni.

He inkhelah hian Pailan Arrows defender Lalrozama Fanai pawh a tir aṭangin a khel a ni.

East Bengal hian game 15 ah point 30 hmu tawhin pahnihna an nih chhunzawm a, anmahni aia game 1 a khel tlem Dempo chu goal difference chiahin an pha lo tawh. Pailan Arrows hian point 7 chiah an la hmu a, relegate lo tura an beih fat fat a ngai tawh ang.

Note: I-League an khelh hun hi a laklawh angreng ṭhin khawp mai a. Kar laklawh (weekdays) a inkhel hi a awm leh nawlh ṭhin avangin Round 15 phei chu prediction post pawh kan tichhuak hman ta lo a ni. Zofooties te hriatthiamna kan ngen e. Round 16 ah kan predict leh ṭheuh dawn nia.

Ramenga http://www.zofooty.com

I-League: East Bengal tân Robert Lalthlamuana’n a pet goal

Posted on January 17, 2012 by Ahruaia Lil'Foe

Thawhlehni tlaiah I-League gameweek 15 match 1 khelh a ni a, Kolkata club lian East Bengal chuan an mikhual Pailan Arrows 4-1 in an hneh.

East Bengal hi I-League ah pahnihna ni mahse Kolkata League lamah an chetchhiat lai a ni a. Mohun Bagan leh Techno Aryans lakah a zawna an tlawm avangin fans te thinurna a sosang hman hle a ni. He inkhelah pawh hian a tirah an game a fimkhur hle a, an mikhualte hi an nawr pawp pawp ngam bik lo. Mahse minute 27 ah Penn Orji chuan East Bengal tân a thun a, hemi hnu hi chuan mual neitute hi an khel ?ha ngei mai. Minute 31 ah Tolgey Ozbey chuan East Bengal goal hnihna a thun a, hei hi Penn Orji siamsak a ni.

Minute 57 a ni a, Mizo tlangval pet goal hun a ni. Penn Orji ball pek ?ha tak lo dawngtu Robert Lalthlamuana chuan kawh mar pawtin goal-ah a pet a, Pailan Arrows keeper in a dang hman lo. Hemi hnu lawk hian mikhual tlangval Prathamesh chuan thun ve mahse minute 76 ah Ozbey bawkin a thunbelh leh a, East Bengal hi 4-1 in an chak ta a ni.

He inkhelah hian Pailan Arrows defender Lalrozama Fanai pawh a tir a?angin a khel a ni.

Note: I-League an khelh hun hi a laklawh angreng ?hin khawp mai a. Kar laklawh (weekdays) a inkhel hi a awm leh nawlh ?hin avangin Round 15 phei chu prediction post pawh kan tichhuak hman ta lo a ni. Zofooties te hriatthiamna kan ngen e. Round 16 ah kan predict leh ?heuh dawn nia.