Dempo SC 5-0 Mohun Bagan : Anni pahnih hi tun season a la chak vek awmchhun pahnih an ni a. He match pawh hi League leader zawnna match a ni deuh ber a. Dempo hian Mohun Bagan hi an mikhual a, Mohun Bagan lam hian Okolie leh Baretto te an nei lo chungin an player awm te hi Dempo tum tawk viau tura ngaih chu an ni a. Chutih laiin Dempo hi an form lai tak a ni a, an home ah lehnghal phei chuan hlauhawm tur an ni. An inkhel ṭan chiah a, minute 9 naah chuan Soleye chuan Dempo tan a pet goal nghal ta mai a, an thah leh chiah a, minute 10 naah Abranches chuan a thun lehnghal a. Mohun Bagan player an harhchhuak a, an in sang mar a, an nawr let leh viau a, Dempo lam pawhin an tih goal chhunzawm tawh dawn lo emaw tih laiin minte 41 naah Naik chuan a thun leh a, Minute 45 naa Soleye-a goal phei chu Mohun Bagan defender te an che hman lo a ni ber, a pet goal lai an thlir a ni ringawt. Second half ṭan hnu chiahah Abranches chuan box pawn aṭanga a long shot chu mawi tak maiin a goal nghal ringawt a. Mahse Mohun Bagan hian hei bak hi chu an tih goal tir ta bik lo a. 5-0 in Dempo hi an chak ta a ni.

Arrows 1-1 HAL : Point la hmulo ve ve, a mawngphah pahnih an inkhel a. Arrows hian HAL an mikhual a, an inkhel hi draw a point hmuh tum hrim hrim tihtakah defensive in HAL an rawn khel a, Arrows lahin an nawrna ngam lova, mahni goal ven rilruk ranin an nawr a. Second half ah erawh chuan an innawr ve ta deuh a, minute 57 naah Sabeeth chuan Arrows tan goal a khung a, HAL lam hian 63 minute ah Hamza chuan HAL tan a thun ve a, 1-1 in an in draw a. Tun season a an point hmasa ber an hmu ve ta a ni.

Mumbai FC 1-4 East Bengal : East Bengal hi an match hmasa berah an home ah an chak lo a, Away ah an draw a. Mumbai FC hian an home-ah tun season a an khelh hmasak ber tur ani a. Chak ngei pawh an tum. EB te hi kolkata aṭangin an zin a, Mumbai hi Goa aṭanga rawn let anni a. Chak zawk theihna tur chance annei ṭha zawk. Goal a lut hleithei lo a, an in nawr tawk dun viau a, minute 33 naah Kuttymani chuan Mumbai tan a khung a. East Bengal-in first half ah chhanletna an nei lo. 2nd half erawh a dang ta zar. 69′ ah Pradhan chuan in draw na tur goal a khung a, hemi hnu lawk 71′ ah hian Ozbey chuan EB tan hian a rawn khung ve leh a, an game a ṭha chho tial tial a, Mumbai an buai tawh khawp mai. 82′-ah Vashum chuan a rawn thum belh a, 90′ a Gow a thun leh nen chuan East Bengal hi 4-1 in an chak ta a ni.