I-league GW 3 chu nimin khan an chhunzawm lehnghal a. 31 Oct ah Sporting clube de Goa leh Shillong Lajong te chu an in tum a. He game ṭang takah hian Lajong chu 3-4 in an chaklo. Mahse P.C Lalhlimthara chuan goal hnih khungin Lajong tan a pawimawh hle.

Nehru Stadium Goa a khelh ah hian S.C.de Goa chuan Lajong te hi an lo mikhual a. Mikhual khelmual mah ni se Lajong te hi an zam lo a. P.C. Lalhlimthara chuan Minute 11 na lekah goal a thun nghal a. 25′ ah Goa lam hian an rawn thun veleh a. Minute 38 naa P.C. Lalhlimthara khalh lut chu Goa defender ten an lo titlu a, ball ala chan chhunzawm lehnghal avangin referee in engmah a ham lo a, mahse a shoot dawn chiahah an lo tlawhthluk nawn leh avangin penalty an hlawh ta nge nge a, Jhony Menyongar chuan pet in Lajong chu first half ah 2-1 in hma an hruai ta a.

Second half ṭan chiahah Goa lam tan Fernandes chuan minute 49 leh 51 naah vawi hnih a rawn thun nghal a, lajong tan a pawi zo vek tawh. Mahse minute 59 naah P.C. Lalhlimthara bawk in pet goal leh in an in draw leh ta a. Minute 71 naah Goa lam tan J.S. Moja chuan a rawn ti goal leh a. Lajong hian a chhanlet na an nei hleithei ta lova. Lajong coach Reddy chuan midfield thenkhat la chhuak in forward a dahluh belh a, point hmuh hrim hrim kha an tan chuan a hlu tawh a ni. Mahse chhan na awm thei chuanglo. 4-3 in S.C. De Goa chu an chak ta a ni.

Point 4 nei sa ve ve an ni a. 4th spot in chuh an ni a. Lajong hi Goal difference avangin 4 naah an awm mek zawk a. Tun result avang hian an position an inthlak ta chiah a ni.