FC RS Annexe 2-0 Friends United FC
Aizawl West Zone Season Opening Tournament 3rd Division Quarter Final nihnihna inkhel hnuhnung zawk hi chu inkhel hmasa aiin game a ṭang tha tawh a, club ṭha ve ve an nih vangin hun chanve hmasa lamah innawr viau mahsela goal awm lovin chawlhlawk hman a ngai hial a ni. Inkhel ṭan aṭanga min 10-na lekah Tuikual No 13 Zahmingthanga shoot Keeper in alo dang kha chu an sawi ve reng a rinawm, kha goal kha khung hlauh ta sela, Friends Utd. hian an nawr chhunzawm zel a rinawm. Mahse, RS Annexe lam a rawn che veleh a, minute 13-naah Jersey no. 2 Dennis Lalchhuanmawia’n a shoot chu keeper-in a hnung lamah alo dang pial a, goal a luh hmain a man hman leh chiah2 a ni. Minute 16-naah Friends Utd. No. 4 Zohmingmawia’n Annexe Striker no. 9 PC Lalruatsanga a tihtluk vangin yellow card a hmu a, freekick an hmang tangkai teuh hle a ni. Annexe lam hian goal hlauh em em nei si lovin inkhel an thunun a, minute 12-na a Annexe Winger LK Liana’n lei hrula ball a pek phei Sangliana’n uihawm takin a thun ṭhelh. Minute 39-naah Annexe defender leh keeper tihsual Friends Utd. hian a nangching ṭep a, ball an clear hman hlauh. Goal awm lovin hun chanve hmasa lam tihtawp a ngai ta a. Hun chanve hnunglam ṭan anih phat aṭanga minute 5-naah Annexe Jersey no. 7 Jerry-a cross mawi zet chu Jersey no. 10 Rempuia’n mawi zetin alo hlap lut a. Annexe si khat faiin hma an hruai ta. Annexe lam an phur telh telh a, Friends Utd. lam rawn lakphei goal shoot hlauhawm a awm hmain an lo dang hman zel a. Minute 73-naah Annexe hian D-Line bulah freekick an hmu a, nalh zet maiin Goal hmasa siamsaktu Jerry-a’n a khung a si 2 faiin hma an hruai ta a ni. Minute 78 atangin ruah nâ tak a sur vangin inkhelh a harsa tial tial a, ball a kalchak lehzual mai bakah chhumin field chhung a bawh nasat vangin player-te tan ball hmuh a harsa lehzual a, linesman pawh field chhung daihah a tlanluh phah hial a ni. Khua a rawn êng leh deuh ṭan a, Friends Utd. lamin theihtawp a ṭan la tharin minute 83-naah an Striker no. 9 Lalhruaitluanga’n goal shoot a nei a, mahse a over hlauh a ni. Goal hlauhawm em em insiamsak lovin hun a tawp zui ta a ni.
@Lalzarzova, Republic Vengin han khel dawn mai sela i phur over awmmm! 😀
AFC anni emaw RS Annexe emaw Luangmual anni emaw F.C Kulikawn anni emaw eng club pawh ni se Mizoram Club annih a, I-League an khelh phawt chuan ka tan viau ang. Han tang tak tak te U.
@Koptea (Upuia), FC RS Annexe nge AFC lut hmasa zawka i rin?
I-League khelh tum tih tak khi ka duh khawp mai…Theih loh a awm lo ania…tang zel rawh se…come on…
Min lo dawh hram hram ṭhin vangin lawmthu kan sawi nghal e. 🙂
Good Post.. Post a chhuak har lutuk a thin a rim hman tep… Chhum zing chu a nasa hle tak mai a…..
a bengvar thlak khop thin mai,,,,,
Friends lam in min hlahkhem a, kan lawm hle mai…….
A va ngaihnawm ve le. First