I-League Round 12 pawh khelh mek a ni a, Dempo SC in Bangalore ah HAL 3-0 a sawpin hma an hruai chhunzawm zel a. Churchill Brothers in Sporting de Goa chu 5-0 ngawt a sawpin Dempo SC hi point khat in an la pha lova. Mohun Bagan in an home ah Air India 3-1 a lo hnehin pathumna ah an awm a. Mumbai FC in Prayag United 3-1 thova hnehin pariatna ah an inhlang chho bawk.

Naktuk ni 29 December 2011 hian match 3 dang a la awm dawn a. Salgoacar SC in East Bengal an lo mikhual anga, Chirag United Kerela in Shillong Lajong away ah an tum anga, Pailan Arrows in Pune FC an lo mikhual bawk dawn a ni.

Jeje Lalpekhlua Kawmna:
Pune FC striker Goal.com in poll in India’s Forward of the Year poll an siam a hmusang ber Jeje Lalpekhlua chuan a club hlui Pailan Arrows a hmachhawn dawn a, hemi chungchanga ZoFooty in Jeje Lalpekhlua a kawmna ZoFooties te tana chhiar theih turin kan rawn chhawp chhuak e.

I team hlui han tum chu i huphurh em?
Jeje: Huphurh hran lo e, kan tumpui tur te hi chu han huphurh lo em em phawt mai ila, a tha a ni mai. Pailan Arrows hi kan hneh chuan pangana kan ni thei dawn a, tan viau chu a ngai ang.

I team hlui te anni bawk a, i hrechiang viau ang a?
Jeje: A thar an awm nual a, hrechiang lutuk bik lo.

I-League team zingah hian system dik ber zinga ngaih in ni si a, pasarihna daih a in awm bawk sia. In dinhmun ah hian in lungawi chiah em?
Jeje: A tir lam khan inhliam an awm bawk nen kan chetha vaklo a. Tin, goalkeeper kan neilo a, first keeper leh second keeper an inhliam bawk sia. Third Keeper in a veng thin a, kha kha kan chetchhiatna chhan pawh kha a nia. Tunah chuan kan pangai leht awh khawp mai. East Bengal keeper Abhra Mondal kha kan la a. Mandjou Keita a dam tawh bawk nen, tha tawh tak kan ni.

I-League match awm laia ram(India) tana inkhelh daih hian in hotute ngaihdan a ni lo ve thin em?
Jeje: A chang chuan an ngaihdan a ni vaklo thin in ka hria, mahse phalloh theih a ni si lova.

Bayern Munich team lo hmachhawn chu chak tawh em? Blackburn Rovers nen khan pakhat zawk chauh tum thei ta la, khawi zawk nge i thlan ang?
Jeje: Bayern team tum chu a chakawm tawh khawp mai. Blackburn Rovers ai chuan Bayern Munich chu ka tum chak zawk.

Krismas te i hmang nuam bawk em?
Jeje: Hmang tha khawp mai, ka inkhawm ve a, Mizo zingah ruaite ka theh ve bawk. Mahse ruai nawnna chu practice kan neih avangin ka kal thei ta lo.

Sawi belh duh te nei em?
Jeje: ZoFooties zawng zawng Krismas leh Kumthar Chibai ka buk a che u.

I-LEAGUE RESULTS
HAL Bangalore 0-3 Dempo SC Pvt. Ltd.
Dempo SC : Ranty (Pen 56′), 68′, Climax 90+2′

First Eleven
HAL : P.Promod, Chandandeep, Kenneth, Bijoy, Biju, Metei, James, Goutam, R.C.Prakash, Vinod, Hamza.
Dempo : Subhasish, Naik, Antao, Mahesh, Debabrata, Clifford, Climax, Carvalho, Anthony, Ranty, Joy.

McDowell Mohun Bagan 3-1 Air India
Mohun Bagan: Odafa 41′,83′ Asim 79′
AIR India: Md Safi 54′

First Eleven:
Mohun Bagan: Sangram, Pradeep, Anwar, Kingshuk, Nabi, Lima, Jewel, Ashim, Gouranga, Barreto, Odafa.
AIR India : Pawan, Lamine, Md Safi, Collin, D’ Souza, Kali Alauddin, Pratik, Bheeke, T.Omi, Sandesh, Henry.

Mumbai FC 3-1 Prayag United SC
Mumbai FC: Friday 6′, 70′, Kuttimani 90′
Prayag United: Yakubu 86′

First Eleven
Mumbai FC: Nidhinlal, Dhanachandra, Amiri, P.siddiki, Kima, Kuttimani, Faizal, Lobo, Sukore, Abhishek, Friday.
Prayag United: Avijit, Chinta, Bello ( Vincent), Arnab, Deepak, James (Shankar), Jayanta, Denson, Gouranga, Yakubu, Joshimar.

Churchill Brothers SC 5-0 Sporting Clube de Goa
Chruchill Brothers : N.D. Opara 8′, 26′, 54, B. Balan 38′, 75′

I-LEAGUE ROUND 12 FIXTURES (29 Dec, 2011)
Salgaocar S.C Vs Kingfisher East Bengal
Shillong Lajong FC Vs Chirag United Kerala
Pailan Arrows Vs Pune FC