Premier League lam hi kan tui tlang a ni ang, premier league lam hi chu chhiar tur a awm nual zel a, India ram football erawh chhiar tur a awm meuh lo. Mahse hei kumin TV ah a en ve theih tawh a, inkhel chanchin pawh chhiar tur a tam phah ngei ang le.

Hei tun weekend a I-League match te thlirletna in nei teh ang.

Pailan Arrows 1-3 Mohun Bagan
Pailan Arrows in bul an tan tha a. Minute 8 Mizo tlangval leh Arrows Left Back Lalrozama shot (cross?) chuan bar fuh in keeper Sangram Mukherjee chu fuh lehin goal ah a lut a. Mahse second half lamah Club lian zawk leh experience nei tha zawk Mohun Bagan an chungnung zawk a. Mohun Bagan Captain leh India ram a hlawh hnem ber Odafe Okalie chuan hattrick siam in a team te chu a chak pui ta a ni.

Sporting Club de Goa 2-2 Prayag United
Jawaharlal Nehru Stadium, Goa ah goal li a lut a, a pet goal lut te erawh foreigner an ni. Yusif Yakubu in Prayag United tan minute 9 leh minute 77 ah thun mahse Sporting tan James Moga in minute 33 leh minute 84 ah a rawn sut ve ve avangin 2-2 in an in draw a. Yusif Yakubu goal thun hnuhnung zawk hi S. Malsawmtluanga (Mama) siam sak a ni.

East Bengal 0-1 Churchill Brothers
Salt Lake Stadium ah East Bengal in an mikhual Churchill Brothers an hneh loh avangin insiamthat an mamawh ngei ang le. Minute 12 na lekah Durand Cup Champion tan Opara in goal a thun a, Bengal lamin goal an thun ve theih loh avangin, Opara goal hi Churchill hovin an chakpui ta a ni.

Salgaocar 0-1 Dempo SC
India ram coach tha pahnih in beihna ah Armando Colaco chuan Karim Bencherifa leh a hote chu Martins a goal hmangin a hneh. Champion lai Salgoacar hian 4-4-1-1 formation an rawn hmang a. Chutih laiin Dempo lamin 4-4-2 formation an rawn hmang thung. Dempo lamin hmun awl an ngah thei lutuk kha Salgaocar tihsual a nia. Chutihrualin khawi team ve ve mahin attacking third ah ball an khawih meuh lova, midfield in ball an khawih tam a, chance a tam leh si loh avangin inkhel hmuhnawm tak erawh a ni hran lo. Mahse minute 80 ah Martins in goal a thun avangin Dempo hi an chungnung ta zawk a ni.

Pune FC 0-0 Shillong Lajong FC
Pune F.C. chuan India Striker Jeje-a nei mahse an home Balewadi Sports Complex, Pune ah Shillong Lajong F.C. chu goal pe lovin an lo draw a. He match hi Japanese Midfielder Izumi Arata in Pune tana I-League match 50 na a ni a. Mahse Ramluaha nena an intauh avangin an inhliam ve ve a. Pune tan striker Johny Menyongar chuan chance a miss nual a, chutihrualin Pune tan Jeje pawn goal a thun thei bik lo. Chance hlauawm ber erawh James Gbilee (Mizoram ah a rawn kal ve lo) shot Pune F.C. keeper Shahinlal save per Subhash Singh a lo pet out kha a ni ngei ang le. Shahinlal hi man of the match a thlan a ni.

Air India 1-4 Mumbai FC
90+1′ Takayuki Omi (AI)
Ebi Sukore 26′
Nicholas Rodrigues 29′
S Kuttymani 72′
S Kuttymani 80

HAL Bangalore 0-1 Chirag United Club Kerala
C. Vineeth 12′