I-League player hlawh hnem ber leh hlawhtling ber pawl a sawi ngam Odafe chu AIFF chuan a kawm a, India tan a khelh a chak thu leh India ram nuam a tih thu a sawi. Feet 6 zeta sang, a fans te’n ‘King Cobra’ tia an koh ‘Odafe Onyeka Okolie’ hi June ni 6, 1985 khan Nigeria ah a lo piang a.
India rama a club khelna hmasa ber chu Mohammedan SC a ni a. Mohammedan SC ah hian 2001-2002 season kha a khel a. 2004-2005 khan kum 1 chhung chu Bangladesh club Muktijoddha Sangsad KC ah a khel a. India ah rawn kir lehin 2005 atang khan Churchill Brothers SC ah a khel a. Churchill ah hian a khel tha in hming a cher hle a. Striker rinrawl ber a ni a. Domestic league ah vawi 84 khelin goal 94 ngawt a thun hman a ni. Tharum a ngahin a finishing hi a tha hle a, defender te hian an ‘check’ hneh meuh lo a ni ber. I-league a goal thun hnem ber nilai a ni a, season 3 (2007-2008, 2008-2009, 2009-2010) chhung khan I-league top scorer a ni vek bawk. 2008-2009 khan I-League ah a team a champion pui a. 2007 leh 2009 khan Durand Cup ah a champion pui bawk a ni. Churchill-a a khelh lai hian captain a ni nghe nghe.
Tun season (2011) khan Churchill chhuahsanin Mohun Bagan a zawm a. Churchill-a a khelhlai ang hian a che tha chhunzawm ang ngem tih hi zawhna lian tak a ni.
AIFF kawmna lo tarlang dawn ila.
AIFF: Mohun Bagan Club lawn-a King Cobra (rawng hring leh sen uk) banner i hmuh khan i rilru ah enge rawn lang hmasa ber?
ODAFE: Nia, ka hmu a, ka hlim khawp mai. Football hi fans te tan a ni a, fans te hian min hmangaih tak zet zet a ni.
AIFF: Eng vanga Kolkata-a kal ta nge i nih?
ODAFE: Churchill Club hi ka hmangaih a, ka hmangaih reng bawk ang. A neitu te nen pawh kan inkar boruak a tha hle a, ka hlim em em bawk a. Ka chhuah dawn pawh hian ka sawipui nasa khawp mai. Mah se footballer nih chuan chona thar hmachhawn hi kan chak ber leh duh ber a ni a. Club pakhat ringawt a khelh hi chuan kan hlutna te hi a tlahniam a hriatna te hi ka nei thin a, chuvang chuan Mohun Bagan hi ka zawm ta a ni. Churchill ah hian ka kir leh lovang tih pawh a sawi theihloh a ni.
AIFF: Kolkata club te hian an hawisan deuh hlek che a, tunah India rama hlawh hnem ber niin i kal ta bawk sia, hei hi i phu in, a dik in i hria em?
ODAFE: Pathian in Kolkata atang min hruaichhuak a, tunah min hruaikir leh a. Pathian hian ka fans te’n min beisei san zia leh keimah a rinna an nghah zia min hrilh bawk a ni.
AIFF: I man sang hian pressure a pe che em?
ODAFE: Professional player nih chuan pressure a awm vek a, chuvang chuan ka game pangai ang a khelh hi ka duh ber a ni. Ka tan chuan football chu goal thun a ni a, Mohun Bagan tan pawh hian a tam thei ang ber goal thun hi ka duh a ni. Mi 11 leh 11 inkhel kan ni a, ka role hi tha taka khelh hi ka duh ber a ni.
AIFF: Federation Cup a Churchill Brothers leh Mohun Bagan inkhel tur hi enge i ngaihdan? Lung a leng duh khawp ang a. (Interview hi Federation Cup a an intum hma lawk a mi kha a ni)
ODAFE: Pakhat hi ka club hmasa a ni a, pakhat zawk hi ka club thar a ni thung. Chhan neiin Mohun Bagan hi ka zawm a, chuvang chuan ka club thar tan hian ka theihtawp ka chhuah ang a, match zawng zawng chak pui hi ka tum ber a ni. A bak chu Pathian kutah ka hlan a ni.
AIFF: I nunah Cheema Okorie hi eng ang chiah a pawimawh nge a nih?
ODAFE: Cheema hi ka thian, philosopher leh kawng engkim a min hruaitu a ni a. Tih tur leh tih loh tur tam tak min hrilh a, a experience atang thil tha tam tak min hrilh a ni. Football chungchang kher lovah pawh ka rawn ber a ni.
(Cheema Okarie hi Nigerian tho niiin thla thar hian kum 43 a tling tawh dawn a. India football ah chuan a mikhual lo hle, Mohammedan SC, East Bengal, Mohun Bagan, Bengal Mumbai FC, Chandigarh Football Club ah te a lo khel tawh thin a. English club, Danish Club leh Norwegian club ah te a lo khel tawh bawk.)
AIFF: India football a thil inthlak i hmuh te min hrilh thei em?
ODAFE: A tam khawp mai. Players fitness pawh a tha telh telh a, off-the-ball play leh thildang tam takah hian hma an sawn khawp mai. Players tha tam tak an awm a, competition pawh a sang khawp mai. India football hma hi a eng tak meuh meuh a ni.
AIFF: India National Football Team a khelh hi i chak em?
ODAFE: Chak tehreng mai. India tana khel tur chuan ka passport hi ka tih tawp te a ngai dawn a, tih tawp pawh hi ka hreh miah lo a ni. He ram mi hi ka ni tawh a chuvang chuan khelh hi ka chak hle a ni. Hemi chungchang hi chu chhungkua in kan la ngaihtuah ang chu.
cialis coupon
cialis from canada
online cialis
otc cialis
Cialis discount
Cialis express delivery
Odafa chu atha khopmai… India tan a khel ah poh a it awm kalo tiru thin viau, tun hma atang tohin. mase… kan ti teh ang…. tun din hmunah chuan kan Mizo pui striker JeJe-a hi a nek chhuah ka hlauh avang hian India team atan chuan ka welcome lem lo… JeJe-a hian Sunl chhetri hi anek chhuak in ka ring chiah silo a.. Chuvangin khel lo maise kala tirih khopmai..JeJe-an maturetaka confidence a neih hma chuan.
cheng vaibelchhe khat leh tlem leh mercedes benz car in an lei…………..hahah
HEngte hi chu AIFF pawh hian khelhtir mai mahse ka pawiti lo khawp mai..147 pawh kha a hniam tawh a nia, tunah FIFA ranking ah 162 na kan han ni daih mai hi chu a zahthlak pha tlat..
E khai…Jeje nen an inkawp ang chu le…Chhetri te chu CAM ah awm se…te ka tia…:O)
Keipawn India tana khelh chu ka chak khawp mai.. Hehe.. He pa hi Indian Football ah chuan tha ka ti bawn.. Ram tan khel ngei teh se tih hi duhthusam.. Ranti Martins leh Beto te pawh khan khelh an hreh loh thu an sawi tawh kha..
nia, khel se ka ti khawp mai.. sunil chhetri ah chuan jeje hi coach ten anla duh zawk dawn a, chuvang chuan odafe leh jeje han inkawp vel chhin se ka lo tia. ka hmuchak khawp mai.
Chopra tan kha chuan india tana khelh ai cuan England vela khelh kha chu chakawm zawk dawn em a ni…
Nya,..khel se a tha ngawt ang chu. Michael Chopra kha kan beisei a, mahse, beiseiawm a awm tak si lovah chuan midang kan mamawh a ni. Mhs, JEJE dinhmun tur ve hi????? Mohan Bagan in an leina zah khi hria in awm m w??