#ZoFooty

Imphal-ah Santosh Trophy Qualifiers

Khuman Lampak Stadium, Imphal, Manipur ah Santosh Trophy Qualifiers North East Zone khelh a ni dawn a, Mizoram chu Group B ah a thlengtu Manipur, Tripura leh Nagaland te nen an awm ho. Mizoram team hian November ni 25 ah Imphal an thleng ang.

Kan hriat țheuh angin 2019-20 season ah khan Mizoram in final round lutin final round hi Mizoram-a khelh tura ruahman a ni. Nimahsela Covid-19 vangin final round hi khelh a ni ta lo.

Season liamta 2020-21 ah khan khelh a ni lova, tun season ah erawh khelh a ni leh dawn ta a ni.

Mizoram team pawn AR Lammual ah ngawrh takin training an nei mek a, final squad erawh an la puang lo a ni.

Mizoram team hi coach pahnih Samson Ramengmawia leh HC Zarzoliana bakah MFA Executive Committee Member pahnih K. Lalenghluna leh R. Lalramzauva ten an enkawl a ni.

Mizoram Fixtures
28/11/21, 2:30 PM : Mizoram vs Tripura

30/11/21, 2:30 PM : Nagaland vs Mizoram

02/12/21, 2:30 PM : Manipur vs Mizoram

Group B ah Meghalaya, Sikkim, Assam leh Arunachal Pradesh an awm a ni.