I-League club RoundGlass Punjab Football Club chuan season thar a an head coach atan Ashley Westwood an lalut ngei dawn niin a lang.
Kum 44 a upa Westwood hi Manchester United academy chhuak niin 2013-2016 chhung khan Bengaluru FC chu hlawhtling takin a lo enkawl tawh a, hei hi a hming chherna ber pawh a ni. Bengaluru hi I-League nomawi vawi hnih chawipuiin Federation Cup – ah an champion bawk.
Kum 2016 kumtawpah Malaysia panin Penang FA a enkawl a, beisei a phak loh avangin reilote hnuah a contract tihtawp a ni a, ISL club ATK – in an technical director an lalut.
ATK – ah hian head coach Teddy Sheringham ban a nih hnuah team a enkawl renrawn a, mahse beisei a phak bik loh avangin a bang ve leh a ni.
