Nimin tlaia Delhi-a All India Football Federation (AIFF) Executive Committee neih a thurel pawimawh tak tak te chu post hmasa lamah Rs_betlu chuan kimchang takin a rawn ziak tawh a. An thurel pawimawh tak zinga pakhat National team coach contract, kum khat pawhsei chungchang chu coach nilai Armando Colaco chuan a hnar thu Times of India a hrilh.
AIFF Executive Committee chuan Colaco contract hi kum khat chhung pawhsei nise tiin a rel a. Hei hi Colaco chuan chhang letin heti hian a sawi a, “ General Secretary (Kushal Das) hnenah Indian football thlak tur chuan hun a duh dawn a, system thlak a ngaih tur thu leh kum 5 tal ka mamawh tur thu ka hrilh a. Tin, Dempo S.C chuan kum 3 chhung atan contract min ziah pui bawk a, Dempo S.C Chairman(Shrinivas Dempo) nen pawh kan inkar boruak a tha hle, kum 1 contract hi chu pawm a harsa a ni” tiin Times of India chu a hrilh.
AIFF General Secretary Kushal Das chuan Colaco performance ah an lawmthu a sawi rualin kum 5 chhung contract chu an theihloh tur thu leh a tam deuh a tih thu a sawi bawk. Senior Vice President te chuan panel hnenah Colaco thlak tur hian Karim Bencherifa chu an duh thu an sawi ve bawk a. Bencherifa hian Churchill Brothers leh Mohun Bagan a lo enkawl tawh thin a. Tunah hian Salgaocar a enkawl mek a, nikum khan I-League ah a champion pui nghe nghe a ni. Hetih lai hian President chuan Colaco performance chu tha a tih thu leh a hna chhunzawm leh se a tih thu a sawi.
Colaco hian May thla atang khan India team hi enkawlin match 4 a khelh pui tawh a . A match hmasa ber ah 1-1 in Maldives a draw pui a. Qatar erawh 2-1 an hneh a. UAE a World Cup Qualifying khelah 3-0 in UAE an hneh lova, home ah erawh an draw thung a ni.
cialis dosage 40 mg
cheap cialis online
Buy discount viagra
viagra in the united kingdom
Kum 1 lek hi chu ni e a tlêm ve deuh a ni. A hriatthiamawm tho e.
Colaco awm lo tur chu pawi angreng mange, mizo footballer te tana chance thratna coach a ni ve asin mawle. Coach an lak leh tur pawh Mizo player duhsak chi han ni phawt sela a thra mai.
Nia, Robert-a a chhawrlo kha chu keipawh pawi ka ti khawp mai.. tin, India football hrim2 hi thlak tur chuan kum 5 tal chu a ngaiin ka hria. a buaithlak ve bawk em a ni..
Mizo player te National Team a an hmel kan hmuh tamna chhan hi an thiam vang liau liau a nih piah lamah a duhsak ve vang niin a lang.. Mahse, Robert-a a chhawr tamlo kha a Match khelhpui tlemte ah hian a ti fu lo ah ka ngai.. Engpawhnise, Coach thar tha tak kan neih thuai beisei ang..