India Football coach Bob Houghton chuan June 2006 atanga alo enkawl India football team chu a chhuansan ta. A banna hi April 23 2011 khan AIFF chuan pawmpui in english coach hian India team a enkawl chu a chawlhsan tawhdawn ani.

A banna chhan hi kum 2010 a Yemen nen friendly match Pune a an khelhnaah fourth official Dinesh Nair chu ko nawmnah in Nair hian racism chungchangah a complain tak vang ani. A case hi reitak an khel hnu ah in remsiamin AIFF hian a banna a rawn thehluh ruala a case zawng zawng tihtawp sak an remti ta a, Bob Houghton chuan a banna a thehluh hnuah a case chu tihtawp sakin a banna pawh chu an pawm ta ani.

Bob houghton hian a rawn luh hnu kum khat (August 2007) ah India team chu a vawikhatna atan Nehru cup a chawi pui nghal a. 2009 Nehru cup chu a vawi hnihna atan a lakpui lehnghal ani. August 2008 ah Tajikistan chu 4-1 a hneh in AFC Challenge Cup ah a champion pui leh a. Kum 27 hnu a a vawi khat nan India football team te chu Asia rama football in elna sang ber AFC Asian Cup chu a thlenpui leh ta ani.

India football coach dangin a an thlenpui theih loh dinhmun sang tak tak a thlenpui avang hian India football coach tangtawh zingah chuan a tha ber ani tih chu a harsa a nih pawh in amah tluka thlensan puitu hi chu anla awmlo ani. A coach na hnuaiah hian India team te pawh in rilru lamah phurna leh tumruhna nasa tak annei a. India football icon Bhaichung Bhutia pawh a retire tur ko let leh tu kha ani.

India football infrastructure ah a hniam zia uar taka sawi thin tu leh india hmansawnna tur nasa taka sawichhuak thin tu a ni a. AIFF lam hotute beng a khei thei hle nghe nghe ani. Internationtal friendly match khelhnan pawisa pawh vaibelchhe tamtak a hmang ral a, a haw tu te chuan puh chhiat nan tak hmang mahse a hlawkna chu a taka hmuhtheih ani thung. A rawn luh tirh hian India chu world ranking ah 144 na a ni a, tun hnai mai ah khan 146 naah a tla thla a. Chakna tamtak nei mahse a tawk lo ani ange. Chubakah Indian player sanglama tawngchhham tak tak te long ball passing a a khelh pui lui tlat hi sawisel a hlawh nasa em em a, AFC Asian cup a chak anneih loh chhan ah pawh khan tamtak chuan an puh ani.

India coach te hnuaiah hian mizo te hi kan mark a tha tan dawn chiah a, coach an thlak leh zel hi mizo te tan chuan a pawi thin hle ani. Stephen constantine a hnuaiah khan Jerry kha a tlatlum tan a, inhliamna avang leh coach thlak tak avang khan India senior squad ah a tel chhunzawm talo a. Tunah Jeje-a mark a tha chho chiah a, coach thar kan nei leh dawn chu ani a. Team hi a rawn siksawi leh vak angem? Mizo te chu in te a striker chi inni lo ti chi hi a rawn lut leh angem?

AIFF chuan India coach thar tur hi an la ruat lova. An ruat vat tura ngaih chu ani. World cup 2014 qualifying hi July thla atanga khelh tan tur ani a. Coach thar nen hian an che tha thei ange maw?