Indian football a thuneitu sang ber All India Football Federation (AIFF) chuan Olympics qualifiers atan inbuatsaihna a kalpui mek a. June 19 (away) leh June 23 (Home) a Qatar nen an inkhelh hun tur atan player 25 thlan lailawk an ni a, an zingah Mizo player pathum – Jeje Lalpekhlua, Lalrindika Ralte leh Lalrozama Fanai te an tel. Kan hriat theuh angin Olympics ah hian U-23 players te an khel thin a nih kha.
Tunhnaia Indian footballer ‘hot’ ber tih ngam Jeje Lalpekhlua hi chu India senior team tan pawha goal thun deuh reng a nih avangin thlan loh theih loh a ni ber awm e. Ram tan a chetthat mai bakah I League 2010-11 ah Indian footballer goal thun hnem ber a ni bawk a, Qatar nen an inkhelh hunah pawh goal thun tura rinrawl ber a nih a rinawm.
Jeje-a mai bakah hian Indian Arrows-a a teammate Lalrindika Ralte leh Lalrozama Fanai te pawh thlan an ni. Rindika hi winger leh attacking midfielder angin a khel thei ve ve a, kum 18 chauh a la ni chungin India U-19 leh U-23 ah chuan koh tel ve deuh reng a ni tawh. February thlaa Myanmar nen preliminary round an khelh tumin Jeje-a goal thun tur a siamsak tawh nghe nghe a ni. Club khatah an khel dun a, an inrual dun bawk a, tlar hmaa an inkawp hi India football team innghahna a la ni lo ang tih a sawi theih loh.
Defender Lalrozama Fanai pawh hi kum 19 chauh a la ni chungin age group ah chuan mi thar a ni lo a, U-19 leh U-23 level ah te India aiawhin a lo fehchhuak tawh thin a ni. Mizo player te kan lawmpuiin kan chhuang em em a, theihtawp chhuahin Mizoram mai bakah India football team tihmingtha tu an nih zel kan beiseiin duhsakna sang ber kan hlan bawk e.
Mi 25 an thlanchhuah zingah hian Indian Arrows player 17 ngawt an tel a, an vai hian i lo tarlang teh ang.
GOALKEEPERS : Laxmikant Kattimani (Dempo SC), Jagroop Singh, Gurdeep Singh Sandhu, Ravikumar (all Indian Arrows)
DEFENDERS : Lalrozama Fanai. Inderpreet Singh, Raju Eknath Gaikwad, Deepak Devrani, R Vishal Kumar, Abhishek Das, (all Indian Arrows), Arnab Mondal (Chirag United), Saba Saleel (ONGC)
MIDFIELDERS : Lalrindika Ralte, Jewel Raja Sheikh, Shilton Sydney D’Silva, Ongnam Milan Singh, Kh. Jibon Singh (all Indian Arrows), Gurjinder Kumar (Pune FC), Snehasis Chakraborthy (Mohun Bagan), Anthony Barbosa (Salgaocar SC), Zakir Mundampara (Churchill Brothers).
FORWARDS : Jeje Lalpekhlua, Manamdeep Singh, Jagtar Singh (all Indian Arrows), CS Sabeeth (Viva Kerela).
Indian football a thuneitu sang ber All India Football Federation (AIFF) chuan Olympics qualifiers atan inbuatsaihna a kalpui mek a. June 19 (away) leh June 23 (Home) a Qatar nen an inkhelh hun tur atan player 25 thlan lailawk an ni a, an zingah Mizo player pathum – Jeje Lalpekhlua, Lalrindika Ralte leh Lalrozama Fanai te an tel. Kan hriat theuh angin Olympics ah hian U-23 players te an khel thin a nih kha.
cialis discount
cialis 5mg
cialis 5mg price
cialis pill
Buy viagra without rx
Buy viagra online uk