India footballer zingah pawh thahnemngai zual an awm….


India rama football thiam kan hriat te hi West Bengal,Goa lam te kha an ni deuh fur thin a.Kum 10 chhung vel chu kan thenawm Manipur hian an thehchhuak hnem ta hle mai.Khawvela club tina Brazilian awm ang deuh hian India club tinah hian Manipuri hi an awm ti ila ka sawi sual lovang chu.

North East India bik hi han ngaihtuah ta ila.Manipur atang hian player an khel chhuak nasa ber ang nga, a dawtah Mizoram.Hetihlai hian North East India a football club lian ber leh India ram club lian te el pha awmchhun chu Meghalaya a inbengbel Shillong Lajong te an ni.Lajong hi North East a player te hmasawnna tur leh a mipui te ta niin a neitupa ngei pawhin a sawi uar hle.Lajong hian football zirna tha tak an nei bawk a.Tuna Manchester a India ram aiawha naupang kal ah pawh khan Lajong Academy hi thlan an nih kha.

India rama football player ah te hian harsa taka bul tan an thahnem hle a.Sikkim lamah India footballer zinga ropui ber Bhaichung Bhutia chuan United Sikkim club a din a.He club hian hma a sawn chak rin a hlawh bakah amah ngei pawh a khel tawh.Sikkim ah vek hian East Bengal defender Nirmal Chhetri chuan football camp a buatsaih thin.Jammu and Kashmir lamah East Bengal leh India defender/midfielder Mehrajuddin Wadoo pawhin football camp a buatsaih bawk.Kan thenawm Manipur te hi state ralmuanglo takah awm an nih vang nge,an thawkrim em em a.India rama footballer tha zinga sawi hmaih a thianglo.Tunlai hian India defender rinrawl,Australian club ah te pawh trial nei tawh Gouramangi Moirangthem Singh in naupang te tan football camp a buatsaih.India ram hmun hrang hrangah la harsa viau mahse footballer te hian an state tan hian an theih ang tawk an chhuah tih hriat leh hmuh hi a nuam hle ani.

Mizoram ah pawh football inzirna tur te hawn ani a.Quality sang tak tlin erawh a har.Mahse naupang lut duh leh zir duh zat hriat hian football thiam kan chakzia chu hai rual anilo.Mizo footballer Pu Ari Benjamin-a khan football zirna a siam khan tunlaia Jeje Lalpekhlua, Tata Football Academy chhuak Ramluaha te hi a chher hman tlat.Mizoram ah pawh hian mi pakhat in theilo mahse sum lama harsalo tak panga inzawmkhawm in football zirna tha tak pakhat pawh din se,Mizo te hian kan hlawkpui ngei ang.Investment tha tak anih theih a rinawm.

You May Also Like

More From Author

4Comments

Add yours

+ Leave a Comment

India footballer zingah pawh thahnemngai zual an awm….


India rama football thiam kan hriat te hi West Bengal,Goa lam te kha an ni deuh fur thin a.Kum 10 chhung vel chu kan thenawm Manipur hian an thehchhuak hnem ta hle mai.Khawvela club tina Brazilian awm ang deuh hian India club tinah hian Manipuri hi an awm ti ila ka sawi sual lovang chu.

North East India bik hi han ngaihtuah ta ila.Manipur atang hian player an khel chhuak nasa ber ang nga, a dawtah Mizoram.Hetihlai hian North East India a football club lian ber leh India ram club lian te el pha awmchhun chu Meghalaya a inbengbel Shillong Lajong te an ni.Lajong hi North East a player te hmasawnna tur leh a mipui te ta niin a neitupa ngei pawhin a sawi uar hle.Lajong hian football zirna tha tak an nei bawk a.Tuna Manchester a India ram aiawha naupang kal ah pawh khan Lajong Academy hi thlan an nih kha.

India rama football player ah te hian harsa taka bul tan an thahnem hle a.Sikkim lamah India footballer zinga ropui ber Bhaichung Bhutia chuan United Sikkim club a din a.He club hian hma a sawn chak rin a hlawh bakah amah ngei pawh a khel tawh.Sikkim ah vek hian East Bengal defender Nirmal Chhetri chuan football camp a buatsaih thin.Jammu and Kashmir lamah East Bengal leh India defender/midfielder Mehrajuddin Wadoo pawhin football camp a buatsaih bawk.Kan thenawm Manipur te hi state ralmuanglo takah awm an nih vang nge,an thawkrim em em a.India rama footballer tha zinga sawi hmaih a thianglo.Tunlai hian India defender rinrawl,Australian club ah te pawh trial nei tawh Gouramangi Moirangthem Singh in naupang te tan football camp a buatsaih.India ram hmun hrang hrangah la harsa viau mahse footballer te hian an state tan hian an theih ang tawk an chhuah tih hriat leh hmuh hi a nuam hle ani.

Mizoram ah pawh football inzirna tur te hawn ani a.Quality sang tak tlin erawh a har.Mahse naupang lut duh leh zir duh zat hriat hian football thiam kan chakzia chu hai rual anilo.Mizo footballer Pu Ari Benjamin-a khan football zirna a siam khan tunlaia Jeje Lalpekhlua, Tata Football Academy chhuak Ramluaha te hi a chher hman tlat.Mizoram ah pawh hian mi pakhat in theilo mahse sum lama harsalo tak panga inzawmkhawm in football zirna tha tak pakhat pawh din se,Mizo te hian kan hlawkpui ngei ang.Investment tha tak anih theih a rinawm.

You May Also Like

More From Author

+ There are no comments

Add yours