Hei pawh thu lawmawm leh bawk ! January thla khan All India Football Federation (AIFF) chuan FIFA hnenah 2017 FIFA U-17 World Cup thlen a dil tur thu kan ziak tawh a. Tin, tawngtaina lamah pawh hre chhunzawm turin kan inchah a nih kha. Chhiar leh duh tan HETAH hian a chhiar leh thei ang. Khami kal zelah khan AIFF chuan tun thla tawp hian FIFA hnenah U-17 World Cup hi thlen an dil dawn a ni.
Hemi chungchangah hian Thierry Regenass, FIFA Director for Member Associations and Development Division chuan he tournament host theih nan hian ngaihtuahna a sen nasat thu leh India-in nasa takin infrastructure-ah hma a sawn tur thu a sawi a. March thla khan FIFA President Sepp Blatter paw’n India Prime Minister rawn tlawhin India-in an host theih ngei a beisei thu a sawi ve bawk a. AIFF President Praful Patel paw’n he tournament hi host a chak thu nikum September thlaa AIFF executive committee-ah khan a lo sawi tawh a. Tin, Vice President AR Khaleel paw’n India-in a thlen theih nan AIFF chuan Sawrkar a dil tur thu a sawi tawh bawk a nih kha.
U-17 World Cup chungchang
FIFA U-17 World Cup hi 1985 atang khan khelh tan a ni a. Kum hnih danah khelh niin World Cup Champion zing ber Brazil leh Nigeria chu record nei tha ber niin vawithum ve ve an champion tawh a. Champion lai hi Mexico an ni thung. Asia atang chuan China (1985), Japan (1993) leh Korea Republic (2007) te’n an lo host tawh a. Saudi Arabia chu Asia atanga champion hmasa ber an ni a, 1989 khan Scotland hnehin an lo champion tawh a ni. 2013 World Cup hi chu UAE in a thleng dawn a. 2015 erawh Chile in a thleng thung ang.
Khawnge an khelh ang?
India bakah Guetemala leh Jamaica chuan thlen an dil ve bawk a, hei vang hian FIFA Executive Committee in a puan hma chu a host tur hi sawi theih ala ni lo a ni. FIFA Executive Committee chuan India dilna hi a pawm anih chuan India-in football tournament lian a host-na hmasa ber tur a la ni dawn a ni. Tin, he tournament atan hian world class stadium paruk mamawh a ni dawn a. AIFF chuan hmun 8 a thlang chhuak phawt a. Heng atang hian 6 a thlang chhuak leh ang. Chungte chu New Delhi, Kolkata, Mumbai, Bangalore, Pune, Gawahati, Goa leh Kerala te an ni.
Tlangkawmna
Kan sawi thin a, kan sawi nawn leh ang. Mizoram chauh ni lo Indian football-in hma a sawn ve hret hret a. Tunah pawh kan beisei phak loh thil AIFF chuan thlentir a tum a ni. Tin, Mizoram-ah ngei FIFA hriatpui nain academy din a lo tum leh zel bawk nen, kan hmabak hi a eng ve em em a. Ka sawi leh duh chu India-in U-17 World Cup kan thlen theih nan tih theih kan nei lovah kan ngai mai thei. Mahse hei hi ka zep leh duh. Tawngtaina hian thil a ti thei kan tih tawh kha. Tawngtaina lamah kan hre dawn nia. U-17 World Cup kan thleng anih chuan hamthatna a tam dawn lutuk. Sawisen a ni lo. Infrastructure-in hma a sawn ang a, kan vanneih chuan ram hrang hrang atang scout rawn kal te’n kan player te an la ve thei tlat. Khawvel-in India a hriat ve theih phah tawh dawn a ni. Hma erawh kan sawn nghal thut lo mai thei mahse hei hian zawi muangin rah tha a chhuah thei a ni. Chutih rualin FIFA football academy kan neih phei chuan kan tan chance a tha lutuk!
Brand viagra for sale
Buy discount viagra
Gud post,naupangte la nichungin naupang that leh a chakawm thin mange,:-D
@ hmelthapiannalh : iti lawmawm e. nie, engtik niah emaw hi chuan fifa hriatpui inkhelh hi kan la thleng ngei ang le. hei tunah pawh academy din a ni dawn alwm le.. a eng zawng hian thlir ila, a phurawm a ni mai…
Lawmawm thei hle mai… Cleverley chu va uihawm thei chiah chiah ve aw.
Chennai a Rajiv Ghandi (?) stadium pawh kha FIFA standard ni khan ka hria a, an titel lo tlat hi a mak khawp mai. Chennai lamah hian Football a lar tawklo an ti deuh nge mawni.
Hepawh chu.. lawmawm khawp mai. Han host ve thei hlauh ila chu.. tha dawn tak em asin
A khelhna tur hmunah khian Mizoram tih tel thei phei sela chuan a va han phurawm dawn tehlul em! Hetianga India-in hmasawnna rahbi a rah chhoh zel chuan Mizoram-ah FIFA hriatpui inkhelh kan la host thuaiin ka ring tlat a ni. Chutih hunah chuan a post-tu Zama-te hi a thu pawl an ni ngei turah ngai ila, zofooties-te chuan nuam kan ti ngawt ang.
Begvarthlak leh thn,thleg thei tak2 ilah
Tunlai chu thu lawmawm hlir in min hmuak ani deuh ber mai, 2017 World Cup chu thleg ta ila, ka tle ve phak lo chiah2.