He inkhel kan rawn preview-na ah khan a factor pawimawh te chu kan rawn ziak tawh a. Factor hrang hrang han belhbawm khan hlawkna tak anei ani chek ang chu, India in a hma aiin Qatar kha an chai thei ta daih mai a, an khel tha a, possession pawh 49-51 ani a, a tawp thlengin chakzawk tur pawh hriat ahar ani. Mahse kan rin loh tak maiin mipui an rawn kal tha a, mipui 5000 chuangin inkhel hi an rawn en a, Pune mai nilo, Mumbai leh Goa atang te pawhin he inkhel en tur ringawt hian mipui an rawn kalkhawm a. AIFF lamin ticket booking lampang lo ti felfai phei se chu hei aia tam hi an rawn kal ngei a beisei awm a. Hetianga mipui an rawn tam nachhan ber chu TV lamah inkhel hi entheih anih a, inkhel a awm tih miin an hriat tam vang ani ber a, I-league te hi TV lamah hmuhtur awm ziah phei se chu mi sing chuang an rawn kal ngei ang.

Vawiin inkhel a goal awm pahnih hi Qatar lam pet goal ve ve ani a. He inkhel a che tha ber leh tisual pawi ber te chu MIZO ve ve anni. India lama khel tha ber pawl leh goal hlauhawm nei ngun ber leh defender pawhin an check rawn ber chu JEJE-a ani a, a ball chip goal tep te, D-line chhunga goal an pass phei a pet luhloh hlauh leh first half a Raju a thehluh a pet goal loh te chu India goal hlauhawm neihchhun, han sawizui tlak te chu anni mai a, midang in goal hlauhawm an nei lem lo. Chutih laiin Jeje-a penalty hlawhchhuah Didika pet goal tak loh chu he inkhel sawi apianga sawi tel ani tawh dawn a, a pawi ani tih bak chu sawi tur avang. A penalty pet kha a pet chhe lo a, mahse keeper kut veilam lehnghal in a alo dang per nalh thei kha chu insiamthat ngai ala tam hle ani tih a chiang mai awm e.

Inkhel first half ah an in hnehtawk viau a, Qatar lam an chungnung hret a, mahse an ti hleithei biko. Dan ngai te in Qatar captain a ran che tha leh viau a, India defence in an dang zo lo ani. India defence lamah an tang a, Qatar lam pawhin goal hlauhawm lutuk an neithei bik lo, chutih rualin india in an nawr na bik vaklo bawk a, Raju a side-throw chu an goal hlauhawm theihlai ber a ni deuh zel a. Didika penalty pet goal lo kha a pawi ta a ni. Pet goal ta se chu game kha a dang ngei ang. An inhnehtawk a, goal ah an lut hleitheilo ve ve a, chuvangin goal khat lut hi a pawi thui thei hle ani.

2nd a half ah chuan tuzawk nge thiam zawk pawh hriat ahar. Qatar lam pawh khawlumin a hmet chau ve deuh nge ni, an che hleithei bik loa, chutih rualin India lam pawh goal-ah ball an luhpui hleithei bik bawklo a. D-line leh D-line inkarah an inkhel ani ber mai. Vanneihthlak tak maiin Qatar defender in a backpass chu goalkeeper in alo dan thelh hlauh mai a, India in goal annei ta tlat mai. Hetah chian hian didika penalty pet goal loh kha a rawn pawi leh zual ta chiah ani. Lo pet goal se chu defensive in India hian an khel nghal anga, 9-1 pawhin khel mahse an chakna tur anih chuan pawi a awm tawh lo. Hmuhnawm deuha khel a chak lo ai chuan khel ropui lemlo chak hi a hlu zawk. Chumi hnu lawkah India passing a an khel phei lehlam goal mouth hnaih tak mai a jeje-a an pass phei a, anin a lo ti goal lo kha chu a pawi thlawt. Hetah hian India hian an nawr a chance an neih ngun tak ah hian an rilru a lo phawklek deuh nge ni minute khat a liam leh meuh chuan defender ho in an tihtur an lo theihnghilh hmana, Qatar player pakhat an lo chan theihnghilh chu Qatar lamin hmu khiau in an pass phei nghal a, anin tihsual awm leklo in a lo ti goal lehnghal bawk sia. India tan beisei a awm tawh lo, Goal an thun theilo a, an goal neih ve chhun pawh own-goal, an mahni thun pawh nilo lehnghal ani. Goal thunbelh lo ve ve in inkhel chu a tawp a, 1-1 a in draw in aggregate goal ah Qatar hian next round lut in India hi an tla fel ta ani.

Zanin inkhel ah khan India khan an game pangngai long ball (long kick ani mah mah passing awmloin an tawng pawng pet chhuah tawp zel a) tactic in an rawn khel leh a, hlauh ang ngei ngei in, Goal hlauhawm pawh a tam lo khawp mai. Inkhel kha a hmuhnawm loh bawk si a, tan ana bawk sia, inkhel en kha a entu te tan pawh hahthlak tak ani.

India khan passing game khel ta se a tha zawk angem? 2nd half ah khan passing in an ti zeuh zeuh a, an tihtlem ang hu khan an long ball ai khan chance hlauhawm an ngah zawk tlat. Long ball tih vanga pet chhuak luah luah lo khan um tura an in pe ta sa sa through ball um turin ground ball in in pe ta zawk se an hlauhawm zawk angem? Midfielder an chhawr vak lo bawk a, ball rawn phei um tur khan forward 3 dah ta se, 4-3-3 emaw 4-2-1-3 emaw hmang ta se an style nen khan a in hmeh mah mah zawk angem? An main striker khan ball an rawn pet chhuak luah luah dawn tih hre reng siin tinge an mahni half lamah khan a rawn phei ve sek? Qatar defender aiin a tlanchak pawh ani silo. Last defender bulah awm tase keeper rawn up in ball a rawn lak hma khan a umpha hman fo zawk maithei asin.

Engpawh nise inkhel a zo tawh a, an chaklo tawh a, India team mai bakah kan mizo player te pawhin hma an sawn ala ngaih zia kan hmu theuh a. India rama awm a, vai ho khum mai hi football ah chuan a tawklo ani tih kan hre theuh. Beckham-a freekick pet thiam fal chhan te, C.Ronaldo te ball thiam chhan te hi inkelh leh practice pangngai bakah an mahni in an tum vanga extra a in zir thin anni tih kan hria. I-league a Indian top-scorer nih hi a ropui mahse a level ngaihtuah chuan ala nep khawp mai.

Khawvel hmuhna inpho lanna hmun remchang ani tih hria in kan mizo player bik te July thla maia world-cup qualifier an khelh lehna tur ah duhsakna kan hlan in khawvel hmuh a lar chhuak thei tur khawpa tang lehzual turin kan lo beisei che u ani.