All India Football Federation chuan India Junior Team tur Probables Squad player 31 awmna a tichhuak a. He probables-ah hian Sports and Youth Services F.C. player Joseph Lalfakzuala leh Lalruatfela te chu an tel a. May thla hian India Camp a awm turin Delhi lam an pan ang. India Junior Team Probables-ah Mizo Pahnih awm mahse engemaw zat an tlak avangin thu lawmawm lutuk erawh a nilo. A tling chhunte erawh kan lawmpui e.
SYS FC hi kan hre tawh ngai em?
SYS FC hi I-League team chu nise Indian Arrows nen hian a tehkhin theih ang. Mizoram aiawha sub-junior leh junior vela lo kal tawh te leh player naupang awm khawmna a ni a. Chumi awmzia chu player tha tho si, club lian a khel tura la puitling chiah silo awmna a ni. Hetiang ang team Mizoram Sawrkar in a nei hi, a lawmawm a. Mizoram-ah football kan thlir dan a dik chho tan a tih theih bawk, hei aia changtlung zawka tih theih atan a duhawm hle.
Second Division a awm mek leh MFA Cup khel tur SYS F.C. chanchin hi kimchang zawkin kan rawn la tarlang dawn nia. SYS FC hian MFA Cup khel dawn mahse inhliam a hlauawm vangin India Junior Camp a awm mai tur Faka leh Fela hmel hi kan hmuh tam theih a rinawmloh.
Hming: Joseph Lalfakzuala
Nickname: Faka
Pa Hming: H. Vanlalthlanga
Veng/Khua: College Veng, Aizawl
Position: Midfielder
Fav. Club: Liverpool
Fav. Player (Mizo): P.C. Lalawmpuia (Tuaitea)
Fav. Player (World): Fernando Torres (Chelsea/Spain)
Experience:
Subroto U-14 (2005, 2006) – Mizoram (First Round, Semi Final)
Subroto U-17 (2008, 2009) – Mizoram (Runners Up, Runners Up)
National School Games (2006, 2007) – Mizoram
C.M. Gold Cup Cup 2010, Sikkim – SYS F.C. (Semi Final)
Royal Gold Cup 2011 (Nagaland) – Mizoram Junior Team (Champion)
AIFF Under-19 (Silligur, W.Bengal) – Mizoram (Runners Up)
Northeast Games 2010 (Aizawl) – Mizoram Team (Champion)
India Camp i hmuhdan?
A nuam khawp mai, hmasawnna tur pawh a tam.
Tunge Camp-a in awm chhungin tha i tih?
Tata Football Academy (TFA) player Udanta tha ka ti khawp mai. Amah hi Manipuri a ni.
India Junior tan i first eleven theih i in beisei em?
Beisei ve khawp mai.
Camp a in thil ei a tha em?
Tha ve khawp mai. Kan ei dan chiah chu, nitin a dang ve zel bawk sia.
M.F.A Cup-ah SYS an Champion theih i ring em?
Champion theih chu ka ring. Mahse naupang rual awmkhawmna anih avangin inrintawkna a pawimawh ang.
Hming: Lalruatfela
Nickname: Fela
Pa Hming: Lalnghinglova
Veng/Khua: Republic Vengthlang, Aizawl
Position: Striker/Winger
Fav. Club: Manchester United
Fav. Player (Mizo): P.C. Lalawmpuia (Tuaitea)
Fav. Player (World): Wayne Rooney (Man Utd/England)
Experience:
Subroto U-14 (2005, 2006) – Mizoram (First Round, Semi Final)
Subroto U-17 (2008, 2009) – Mizoram (Runners Up, Runners Up)
National School Games (2006, 2007) – Mizoram
C.M. Gold Cup Cup 2010, Sikkim – SYS F.C. (Semi Final)
Royal Gold Cup 2011 (Nagaland) – Mizoram Junior Team (Champion)
AIFF Under-19 (Silligur, W.Bengal) – Mizoram (Runners Up)
India Camp i hmuhdan?
Ground a tha in, ei leh in pawh a tha a. A nuam khawp mai.
Tunge Camp-a in awm chhungin tha i tih?
Rinchhana, Mamit khua tha ka ti khawp mai. Mahse a tling zo ta lo a. Amah hi Red Ribbon 2012 a Chanmari defender kha a nia, a that zia chu kan hriat vek a rinawm.
India Junior tan i first eleven theih i in beisei em?
Tan chuan theihloh tur chu awmlo.
M.F.A Cup i khel chak tawh em? Champion theih i in beisei em?
Khel chak tawh khawp mai. Champion theih pawh ka in beisei.
Congrats…..Gud post
lawmpuiawm hle mai, Joseph Lalfakzuala chu Sir Thlanga Fapa ni awmtak inni inhmel pawh a inang khawp mai…
An va lawmpuiawm ve. Faka chu a pa a turu bawk a, a chherchhuak tha khawp alawm. DUhsakna ka hlan e..
Duhsakna ka hlan e………
Jeseph-a chu coach Thlanga fapa kha tihna a ni maw. Kan in thenawm reng tawh a, plywood pakhat chiahin kan in bang dan thin. Naupang tahbelh deuh, pangchang deuh thin a ni a, a pa hian a duat si a, a enkawl fuh lovang tih kan lo hlau thin. hei a enkawl fuh chho chu a lo ni ta reng mai. Sports hi chu aw… a va tha tak em!
SYS hi tun dinhmuna Mizoram Local Club ka tan ber pahnihte zinga mi (Aizawl FC nen) an ni a. Heng player te pawh hi ka lawmpui e
Best of Luck…..Faka & Fela of SYS F.C