India leh Jeje Lalpekhlua ten World Cup an la khel dawn ‘rih’ lo, mahse….

Estimated read time 6 min read

Played
July 28, 2011 7:00 PM IST
Dr. Ambedkar Stadium — New Delhi
Referee: A. Malik Bashir‎

INDIA (Jeje 74′, Gouramangi 90′)

 2-2

UAE (Al Shehhi 40′, Ali-Al Wehaibi 70′)

Delhi khawpuia World Cup qualifying round khelhah chak ngei ngei ngai India football team a chak zo lo a, FIFA World Cup 2014 ah India a tel ve dawn ta lo.

India football team ‘kulhpui’  Ambedkar Stadium a inkhel ah India leh UAE te 2-2 in an inhnehtawk a, first leg-ah UAE hi 3-0 a an chak tawh avangin an tlang ta zawk a ni. He game ah hian India fighting spirit ṭhatzia kan hmu a, field chhungah an mikhual hi hneh zo lo mahse India football fans te thinlung an hneh thung. WC 2014 khel tura beiseina chu thi tawh mahse hmalam hun atana beiseina erawh nasa lehzuala chhemalh a ni.

Ruahsur hnuaiah India an ṭang

Inkhelh hmain ruah a sur nasa a, inkhelh laiin a sur chhunzawm bawk. Delhi-a football ngaina tu te a dang zo chuang lo a, ruahsur hnuaiah India ṭantu mipui stadium khat an pungkhawm a, an thawm pawh a bengchheng ngei mai. Chutah players te an rawn chhuak a, hnam hla an sak zawh chuan an huh zawr deuh der. Inkhel an tan ta.

Field ah tui a tling nasa a, ball pass a dik thei lo a, a laklawha ding chut chut leh thleng zo lo a tam a, game pawh a ‘pa’ ngei mai. Mipui an bengchheng bawk a, hei hian India players te a tiphur tih a hriat. Inkhelh ṭan phat atangin an tlan tam a, ball an chang tamin inkhel an thunun deuh zawk. Tlarhmaa inkawp Jeje Lalpekhlua leh Sunil Chhetri ten UAE defence an su hawng zeuh zeuh a, goal hlauhawm tak erawh an nei thei bik lo. Steven Dias leh Mehtab Hussain ten half chance an nei a, an hmang ṭangkai lo.

First half ah India tan goal khat tal thun ngei ngei a ngaih laiin UAE in an thun hmasa a, Ahmed Khalild ball cross chu striker Mohamed Al Shehhi chuan minute 40 na-ah a head goal. India tan goal 5 thun a ngai tawh a, huphurhawm tak a ni. Minute 70 na-ahAli Al Wahabi chuan UAE tan a thun leh a, India tan beisei a awm tawh lo.

Mizo tlangval an lo lang e.

India ram hmarchhakah, kilkhawr angreng takah hian state te reuh te a awm ve a, chu state chu Mizoram a ni. An hmel han en mai chuan Indian pawh an ang lo a, India ram laili a cheng te zingah Mizoram awmna chu sawi loh, Mizoram hre lo hrim hrim pawh an awm. Mihring pawh nuai 12 emaw awrh chauh an awm a, mahse chung mi tlemte zingah chuan Jeje Lalpekhlua leh Lalrindika Ralte te an awm ve a, hemi te pahnih inkawp hian Indian football tan beiseina siamsakin goal ‘class’ zet an rawn thun.

Beisei pha lo Steven Dias thlaktu Rindika hian minute 74 na ah dinglam atangin tha zetin a cross a, he a cross hi a ṭhian Jeje Lalpekhlua chuan UAE goalkeeper dan hman rual lohin a lo head goal. Ambedkar stadium chhunga mipui muthlu mek kaithhawhin an awm a, an thawm chu ring tak a ni. He goal hi kum 2011 chhunga Jeje-a’n India senior team tan goal 5 a thunna chiah a ni.

India tan World Cup khelh a beiseiawm tawh lo a, mahse mikhual tlangval laka tlawm an duh bik lo. 2-0 a nih hnua India fihting spirit kha fans ten kan beisei, hmuh kan châk thin a ni a, tunah kan hmu ta. Hun a tawp ṭep tawh a, Manipuri defender Gouramangi Singh chuan India tan a rawn thun leh a, 2-2 in ram pahnihte an inṭhen ta a ni.

Bung thar kan kâi – India coach

Inkhelh zawha India coach Armando Colaco thusawi hi a ngaihnawm khawp mai. “Hei hi Indian football-a bung thar inṭanna a ni. Player naupang te te ka thlan khan mi tamtakin mak an ti a, mahse vawiinah khan ka naute khan an theihna zawng zawngin an khel a ni.” a ti.

Mizo tlangval, India striker Jeje Lalpekhlua chungchang sawiin, “Naupang chak tak a ni. A game ah hian insiamṭhatna tur chu tlem a awm. A la inzir mek a, hma a sáwn chak hle a ni” a ti bawk. First leg-a red card pahnih an hmuh a la hre reng a, “11 leh 11 chu ni ila thil a dang vek thei a ni”a ti.

Tichuan..

Zaninah India rama football playground ṭha ber pawl kan hmu a, ruah chu a sur nasa ngei mai, mahse khati em ema inkhel a tibuai kha chu a zahthlak lam deuh a ni.

Chutihrualin zanina UAE kan draw kha a lawmawm a, a result ai chuan India players te khelh dan kha a lawmawm lehzual. Goal 2 an phurh hnuah pawh an nguai mai lo a, game kha an ‘fight’ ve tak tak a ni. Hmasawnna tur tam tak a la awm a, kawngdik lam zawhin Indian football hi a kal ve bauh bauh niin a lang. Vawi leh khatah erawh a sân thut theih loh a, hun chu la duh ngei ang.

Delhi football fans te pawh hian fak an phû ngei mai. Ruahsur hnuaiah, inkhelh ṭan hma aṭangin stadium pâwnah an intlar a, inkhelh chhung zawngin thawm an nei bawk. Delhi Mizo zingah pawh inkhel en an awm ngei turah ngai ila, in awhawmin in fakawm tak meuh meuh a ni.

Kan Mizo players te hi an chhuanawm ṭhin tak em. Indian football-ah ‘star’ an ni ta der mai. Kum lama la upa bik lo tak an ni a, harsatna leh hrehawm tam tak an paltlang tawh ngei ang. India team-ah an tel ṭan chauh a, player pawimawh pawl an ni chho thei mai hi an chhuanawm a, an taimakna leh tumruhna hi entawntlak a ni. An hmalam hun zelah duhsakna sang ber kan hlan a, India mipui, a bik takin Mizo ten an chunga kan beiseina nghah hi a va sang tak em.

Highlights tlem azawng. An tawng hi hriatthiam a har deuh a, mahse a hmuh tur chu a hmuh ve theih tho e. Action hmu kimlo tan..

You May Also Like

More From Author

23Comments

Add yours
  1. 6
    Messi_Zongte

    Jeje a tanawm thei kher mai. Rindika kha lut hma deuh se match result a dang mai thei. First half ah forward thlawp tu an awm lo lutuk. Jeje hian dribbling a zir belh a ngaiin a lang. Delhi ah chuan vai tha ho, thalai lam in football an ngaina a ang.

  2. 8
    casper

    Nizan chu North East hmel hlir ani…Mizo ho pawh en kan awm nual e…India chaklo mahse Jeje leh Didika te kan chhuang ani. Rinlawk ang ngeihin vawiin newspaper ah Chetri thlalak an dah,a thenah Meitei tlangval Singh-a thlalak an dah,rilru ana duh khawp mai.

  3. 9
    Msta

    In comment a ngaihnawm hlawm khp mai. Indian defending han en chuan xir tur an la ngah khp mai. Right defender kha chu a thlaktu zawn vat2 a ngai nih kha. Central defender te poh indoh duai2 lo a defend an xir a ngai ka ti. Didika lo lut kha chuan game a thlak danglam khp mai. Jeje-a a fakawm e, a goal a nalh khp mai

  4. 10
    mimipa

    Ka hmuh dan chuan nizan inkhel kha forward te kha midfielld ten an thlawp lo lutuk a, ball an chan ve pawhin tih leh ngaihna a awm lo. Counter attack turin speed ah an pha si lo. Defence marking chhe lutuk kha a pawi mi 4 in pakhat an chan hnen loh vangin goal hmasa zawk a lut a, opponent striker te an umpha ngai lo bawk. Speed a improve tura an tan a la ngai deuh a ang. Tin, tun ai khan winger te hmang tangkai zawk se an attack a na zawk ngeiin ka ring bawk.

  5. 11
    Robert khiangte

    Hmasawn na tur la tam viau mahse.. tun atan chuan lawmawm hle maiii… Mizo ngei tih goal a au kan nghakhlel rei ta bawk a

  6. 12
    Ramenga

    Comment a ngaihnawm hlawm hle mai. Nia India defence kha chu duh aiin a chhe deuh chu a ni. First leg ah khan si 3 phur sa lo se chuan game a dang deuh ang mawle..a uihawm ngawt mai.

  7. 13
    Tetea

    Zir tur a la tam khawp mai. Passing hrim hrimah pawh khan. Blind zet zeta ball petchhuah a tam a, ruah sur avang ni bawk mahse, ka lo hmuh ve mai mai danin India defence hi a chhe thlawtin ka hria. Pawp a tam tlat thin. Fitness-ah tan lak a ngai nasa bawk.

  8. 14
    Messi_Zongte

    India coach khelhtir dan hi a thing ka ti, passing game a khelhtir ngam lo, pet luh pup pup ringawt. Nimin kha chu ground ah tui a tam a, ka hrethiam viau. A hmuna en chu atmosphere kha nuam ve hrim hrim mai

  9. 16
    jogo_bonito

    Kan mizo pui te an khelh ve vang hian kan beiseina a sang deuh niin ka hria, UAE te ang 3-0 a han lehthal tum chu India tan chuan thil har lutuk tur ani si. Hma kan sawn tih erawh a lang, kan mizo pui te ten an khelh vang chauh ni lo in, India ram football hrim hrim hian. kum 4 dang i nghak ho leh dial dial hrih mai ang u

  10. 17
    Joseph Elar Chhangte

    Fama soi kha ka pawmpui khwp mai..1st leg ah pawh khan defender khawng that tawk loh avangin hun tawp dawnah si khat kan phur belh tiin a soi theih ang. Mahse attacking lampang kha chu an che tha ve thawkhat in ka hria..ruah kha sur lo ngat phei sela chu score line kha a dang lovang tih a soi theih miah loh …kan mizo tv chhuanvawr te an khel tha leh pek em2 a, a lawmawm hle in mizo nih mn ti nuam sawt. UAE kha hi world cup te pawh lo in pet tling ve zak2 tawh an nia an theuneu lo hle…kan draw pui ve hrim2 pawh kha hmasawnna ropui tak chu ani ve itawh hrim2 e…!

  11. 18
    John Lalrinliana

    Indian football in hma a sawnnana pawimawh ber ni a ka hriat physical fitness-ah a ni. Tuan muang tih vel te hi fitness nei tha tawk sela chuan thil a danglam vek ang. Football ah hian heignt advantage awm bok thin mahse, height hi ni ber lo.

  12. 21
    Fama

    India defender te kha an nep tlat, man mark a omlo. An tlan cak silo. Defence khongse cuan result a dang ang.

+ Leave a Comment

India leh Jeje Lalpekhlua ten World Cup an la khel dawn ‘rih’ lo, mahse….

Played

July 28, 2011 7:00 PM IST

Dr. Ambedkar Stadium — New Delhi

Referee: A. Malik Bashir?

INDIA (Jeje 74′, Gouramangi 90′)

 2-2

UAE (Al Shehhi 40′, Ali-Al Wehaibi 70′)

Delhi khawpuia World Cup qualifying round khelhah chak ngei ngei ngai India football team a chak zo lo a, FIFA World Cup 2014 ah India a tel ve dawn ta lo.

India football team ‘kulhpui’  Ambedkar Stadium a inkhel ah India leh UAE te 2-2 in an inhnehtawk a, first leg-ah UAE hi 3-0 a an chak tawh avangin an tlang ta zawk a ni. He game ah hian India fighting spirit ?hatzia kan hmu a, field chhungah an mikhual hi hneh zo lo mahse India football fans te thinlung an hneh thung. WC 2014 khel tura beiseina chu thi tawh mahse hmalam hun atana beiseina erawh nasa lehzuala chhemalh a ni.

Ruahsur hnuaiah India an ?ang

Inkhelh hmain ruah a sur nasa a, inkhelh laiin a sur chhunzawm bawk. Delhi-a football ngaina tu te a dang zo chuang lo a, ruahsur hnuaiah India ?antu mipui stadium khat an pungkhawm a, an thawm pawh a bengchheng ngei mai. Chutah players te an rawn chhuak a, hnam hla an sak zawh chuan an huh zawr deuh der. Inkhel an tan ta.

Field ah tui a tling nasa a, ball pass a dik thei lo a, a laklawha ding chut chut leh thleng zo lo a tam a, game pawh a ‘pa’ ngei mai. Mipui an bengchheng bawk a, hei hian India players te a tiphur tih a hriat. Inkhelh ?an phat atangin an tlan tam a, ball an chang tamin inkhel an thunun deuh zawk. Tlarhmaa inkawp Jeje Lalpekhlua leh Sunil Chhetri ten UAE defence an su hawng zeuh zeuh a, goal hlauhawm tak erawh an nei thei bik lo. Steven Dias leh Mehtab Hussain ten half chance an nei a, an hmang ?angkai lo.

First half ah India tan goal khat tal thun ngei ngei a ngaih laiin UAE in an thun hmasa a, Ahmed Khalild ball cross chu striker Mohamed Al Shehhi chuan minute 40 na-ah a head goal. India tan goal 5 thun a ngai tawh a, huphurhawm tak a ni. Minute 70 na-ahAli Al Wahabi chuan UAE tan a thun leh a, India tan beisei a awm tawh lo.

Mizo tlangval an lo lang e.

India ram hmarchhakah, kilkhawr angreng takah hian state te reuh te a awm ve a, chu state chu Mizoram a ni. An hmel han en mai chuan Indian pawh an ang lo a, India ram laili a cheng te zingah Mizoram awmna chu sawi loh, Mizoram hre lo hrim hrim pawh an awm. Mihring pawh nuai 12 emaw awrh chauh an awm a, mahse chung mi tlemte zingah chuan Jeje Lalpekhlua leh Lalrindika Ralte te an awm ve a, hemi te pahnih inkawp hian Indian football tan beiseina siamsakin goal ‘class’ zet an rawn thun.

Beisei pha lo Steven Dias thlaktu Rindika hian minute 74 na ah dinglam atangin tha zetin a cross a, he a cross hi a ?hian Jeje Lalpekhlua chuan UAE goalkeeper dan hman rual lohin a lo head goal. Ambedkar stadium chhunga mipui muthlu mek kaithhawhin an awm a, an thawm chu ring tak a ni. He goal hi kum 2011 chhunga Jeje-a’n India senior team tan goal 5 a thunna chiah a ni.

India tan World Cup khelh a beiseiawm tawh lo a, mahse mikhual tlangval laka tlawm an duh bik lo. 2-0 a nih hnua India fihting spirit kha fans ten kan beisei, hmuh kan châk thin a ni a, tunah kan hmu ta. Hun a tawp ?ep tawh a, Manipuri defender Gouramangi Singh chuan India tan a rawn thun leh a, 2-2 in ram pahnihte an in?hen ta a ni.

Bung thar kan kâi – India coach

Inkhelh zawha India coach Armando Colaco thusawi hi a ngaihnawm khawp mai. “Hei hi Indian football-a bung thar in?anna a ni. Player naupang te te ka thlan khan mi tamtakin mak an ti a, mahse vawiinah khan ka naute khan an theihna zawng zawngin an khel a ni.” a ti.

Mizo tlangval, India striker Jeje Lalpekhlua chungchang sawiin, “Naupang chak tak a ni. A game ah hian insiam?hatna tur chu tlem a awm. A la inzir mek a, hma a sáwn chak hle a ni” a ti bawk. First leg-a red card pahnih an hmuh a la hre reng a, “11 leh 11 chu ni ila thil a dang vek thei a ni”a ti.

Tichuan..

Zaninah India rama football playground ?ha ber pawl kan hmu a, ruah chu a sur nasa ngei mai, mahse khati em ema inkhel a tibuai kha chu a zahthlak lam deuh a ni.

Chutihrualin zanina UAE kan draw kha a lawmawm a, a result ai chuan India players te khelh dan kha a lawmawm lehzual. Goal 2 an phurh hnuah pawh an nguai mai lo a, game kha an ‘fight’ ve tak tak a ni. Hmasawnna tur tam tak a la awm a, kawngdik lam zawhin Indian football hi a kal ve bauh bauh niin a lang. Vawi leh khatah erawh a sân thut theih loh a, hun chu la duh ngei ang.

Delhi football fans te pawh hian fak an phû ngei mai. Ruahsur hnuaiah, inkhelh ?an hma a?angin stadium pâwnah an intlar a, inkhelh chhung zawngin thawm an nei bawk. Delhi Mizo zingah pawh inkhel en an awm ngei turah ngai ila, in awhawmin in fakawm tak meuh meuh a ni.

Kan Mizo players te hi an chhuanawm ?hin tak em. Indian football-ah ‘star’ an ni ta der mai. Kum lama la upa bik lo tak an ni a, harsatna leh hrehawm tam tak an paltlang tawh ngei ang. India team-ah an tel ?an chauh a, player pawimawh pawl an ni chho thei mai hi an chhuanawm a, an taimakna leh tumruhna hi entawntlak a ni. An hmalam hun zelah duhsakna sang ber kan hlan a, India mipui, a bik takin Mizo ten an chunga kan beiseina nghah hi a va sang tak em.

Highlights tlem azawng. An tawng hi hriatthiam a har deuh a, mahse a hmuh tur chu a hmuh ve theih tho e. Action hmu kimlo tan..

You May Also Like

More From Author

+ There are no comments

Add yours