India Ramah Footballer Ropuite Kan Hmu Dawn : Crespo A To Ber

Estimated read time 3 min read

India ram football chuan bung thar a kai dawn ta. Premier League Soccer (PLS) chu kalpui a ni dawn tak tak ta a, tunkar Thawhtanni khan player-te an lilam tan a. Argentina striker hlui Hernan Crespo chu a to ber.

Indian Premier League (Cricket) a hlawhtlin em avanga chumi kalphung ang chiaha kalpui tur PLS atan hian Thawhtanni khan Kolkata-ah player lei leh hralh bul tan a ni a. Icon player zingah Crespo hi a to ber a, dollar 840,000 man a ni.

PLS hi kumin March thla hian India ram football khawpui an tih mai, Kolkata-ah khelh ṭan a ni dawn a. Team 5 awmin, heng team 5 te hian Icon player an neih vek bakah foreign coach an nei vek a. Icon player, Foreign player pahnih leh foreign coach man atan hian Thawhtanni ringawt khan dollar maktaduai 7 vel hman ral a ni.

Barasat Team chuan Crespo hi an lei a. World Cup champion team Italy captain hlui Fabio Cannavaro chu Siliguri-in dollar 830,000 in an lei a, man to ber dawttu a ni a. Howrah2 chuan Arsenal leh France midfielder hlui Robert Pires chu dollar 800,000 in an lei bawk a. Bolton-a kan hmuh thin, Nigeria player Jay Jay Okocha chu Durgapur-in 550,000 in an lei a, Kolkata chuan Liverpool player hmingthang Robbi Fowler chu 530,000 in an lei bawk.

Anni bakah hian foreign coach-te pawh team tin hian hetiangin an lei a ni –
Fernando Couto (Howrah2) – $240,000
Samson Siasia (Durgapur) – $210,000
Teitur Thordarson (Barasat) – $200,000
Peter Reid (Kolkata) – $200,000
Marco Etcheverry (Siliguri) – $200,000

Premier League Soccer hi Celebrity Management Group leh Indian Football Association te tangkawpin an buatsaih tur a ni a. Foreign player an lakluh dawn bakah local player tha tak tak tan inphochhuahna hun remchang an siamsak dawn a, tih chi hle turah an ngai a. CMG Executive Director Bhaswar Goswami chuan, “Hetianga football player lilam hi India football chanchinah thil chhinchhiahtlak tak a ni ngawt lova, khawvel football chanchinah pawh thil thleng danglam tak a ni. February ni 2 hian India player-te kan lilam ve leh dawn a ni,” a ti.

A tirah chuan team 6 awm tura ruahman a ni a, mahse Haldia team chu tumahin an lei duh loh avangin team 5 chauh an awm dawn ta a. February ni 25 atanga April ni 8 chhunga PLS hi khelh zawh hman beisei a nih laiin, harsatna eng eng emaw an tawh tak avangin March thla laihawl vel atanga tanin, a hun leh ni tur tunah hian an la puang chiang thei rih lo a ni.

India hi tunah FIFA ranking-ah 158-na niin, a la hniam hle a, he tournament hian nasa takin India ram football a chawisang tura ngaih leh beisei a ni.

India ramah hian kum 200 kalta atang khan football hi khelh ni ve tawh mahse, game dang tih lar harsa khawpin Cricket a lar avangin football-ah India hian hma a sawn hlei thei lova. IFA ten theihtawp chhuahin, 2010 atang khan IMG Worldwide leh Reliance Industries Ltd. te nen kum 15 daih contract, dollar maktaduai 140 man contract an ziak a. Hemi hnu hian khawvela club lian tak tak – Manchester United, Liverpool leh Bayern Munich te bakah Blackburn Rovers te chuan India ramah hma an rawn la a. India company Venky’s chuan Blackburn a lei bawk avangin India ramin tun hma zawng aiin football a ngaihven ta mek a. Hetianga PLS khelh a nih a, foreign player tha tak tak lakluh an nih a, foreign coach hnuai India footballer ten football an khelh chuan nasa takin India football hi chawisan a ni ngei ang tih hi India rama football ngainatute beiseina a ni ta mek a ni.

You May Also Like

More From Author

14Comments

Add yours
  1. 5
    Koptea (Upuia)

    En ve theih chakawm hle mai….Kan ramah pawh Ball pet in hmun a luah ve tan ta…Vaivawm ringawt mai buaipui chu ka hne….:)

  2. 9
    Ramenga

    Local player ṭha tak tak an hmuchhuak ngei ang a, India aiawhtu tur pawh an ni thut thei tlat mai. Ka rin aiin CMG hian advertisement an bei nasa lo.

  3. 13
    thakima

    i-league player ho hian khel ve se tha leh zual tur nia…………chuanin venky’s ho hi tang deuh se ka ti,blackburn dinhmun an xuk tichhe xo mai ang tih hlauhawm…..

+ Leave a Comment

India Ramah Footballer Ropuite Kan Hmu Dawn : Crespo A To Ber

India ram football chuan bung thar a kai dawn ta. Premier League Soccer (PLS) chu kalpui a ni dawn tak tak ta a, tunkar Thawhtanni khan player-te an lilam tan a. Argentina striker hlui Hernan Crespo chu a to ber.

Indian Premier League (Cricket) a hlawhtlin em avanga chumi kalphung ang chiaha kalpui tur PLS atan hian Thawhtanni khan Kolkata-ah player lei leh hralh bul tan a ni a. Icon player zingah Crespo hi a to ber a, dollar 840,000 man a ni.

PLS hi kumin March thla hian India ram football khawpui an tih mai, Kolkata-ah khelh ?an a ni dawn a. Team 5 awmin, heng team 5 te hian Icon player an neih vek bakah foreign coach an nei vek a. Icon player, Foreign player pahnih leh foreign coach man atan hian Thawhtanni ringawt khan dollar maktaduai 7 vel hman ral a ni.

Barasat Team chuan Crespo hi an lei a. World Cup champion team Italy captain hlui Fabio Cannavaro chu Siliguri-in dollar 830,000 in an lei a, man to ber dawttu a ni a. Howrah2 chuan Arsenal leh France midfielder hlui Robert Pires chu dollar 800,000 in an lei bawk a. Bolton-a kan hmuh thin, Nigeria player Jay Jay Okocha chu Durgapur-in 550,000 in an lei a, Kolkata chuan Liverpool player hmingthang Robbi Fowler chu 530,000 in an lei bawk.

Anni bakah hian foreign coach-te pawh team tin hian hetiangin an lei a ni –

Fernando Couto (Howrah2) – $240,000

Samson Siasia (Durgapur) – $210,000

Teitur Thordarson (Barasat) – $200,000

Peter Reid (Kolkata) – $200,000

Marco Etcheverry (Siliguri) – $200,000

Premier League Soccer hi Celebrity Management Group leh Indian Football Association te tangkawpin an buatsaih tur a ni a. Foreign player an lakluh dawn bakah local player tha tak tak tan inphochhuahna hun remchang an siamsak dawn a, tih chi hle turah an ngai a. CMG Executive Director Bhaswar Goswami chuan, “Hetianga football player lilam hi India football chanchinah thil chhinchhiahtlak tak a ni ngawt lova, khawvel football chanchinah pawh thil thleng danglam tak a ni. February ni 2 hian India player-te kan lilam ve leh dawn a ni,” a ti.

A tirah chuan team 6 awm tura ruahman a ni a, mahse Haldia team chu tumahin an lei duh loh avangin team 5 chauh an awm dawn ta a. February ni 25 atanga April ni 8 chhunga PLS hi khelh zawh hman beisei a nih laiin, harsatna eng eng emaw an tawh tak avangin March thla laihawl vel atanga tanin, a hun leh ni tur tunah hian an la puang chiang thei rih lo a ni.

India hi tunah FIFA ranking-ah 158-na niin, a la hniam hle a, he tournament hian nasa takin India ram football a chawisang tura ngaih leh beisei a ni.

India ramah hian kum 200 kalta atang khan football hi khelh ni ve tawh mahse, game dang tih lar harsa khawpin Cricket a lar avangin football-ah India hian hma a sawn hlei thei lova. IFA ten theihtawp chhuahin, 2010 atang khan IMG Worldwide leh Reliance Industries Ltd. te nen kum 15 daih contract, dollar maktaduai 140 man contract an ziak a. Hemi hnu hian khawvela club lian tak tak – Manchester United, Liverpool leh Bayern Munich te bakah Blackburn Rovers te chuan India ramah hma an rawn la a. India company Venky’s chuan Blackburn a lei bawk avangin India ramin tun hma zawng aiin football a ngaihven ta mek a. Hetianga PLS khelh a nih a, foreign player tha tak tak lakluh an nih a, foreign coach hnuai India footballer ten football an khelh chuan nasa takin India football hi chawisan a ni ngei ang tih hi India rama football ngainatute beiseina a ni ta mek a ni.

You May Also Like

More From Author

+ There are no comments

Add yours