India referee tha in chawlh la hmu lo

Estimated read time 1 min read

Season liam ta a All India Football Federation (AIFF) in India referee tha bera a thlan Tejas Nagvenkar chuan a thawh mekna Sridora Caculo College hotute hnen atangin chawlh (leave) phalna a la hmu lo a, tun season ISL – ah a inlan thei dawn em tih a la chiang lo niin Goan journalist Flavio Lopes chuan a tarlang.

He college principal Santosh Patkar chuan,”A leave dilna hi kan la hnawl lo a, thutlukna chu management in an siam ang. Kan bulah kum khat a la thawk tling lo a, probation hun a la hman avangin uluk taka ngaihtuah a ngai a ni,” tiin a sawi. Kum 35 a upa Nagvenkar hian physical education – ah master degree a nei a, Sridora Caculo College – ah hian physical education a zirtir thin a ni.

Nagvenkar hian season liam ta ISL final kha a ham a, Indian referee zinga ISL final ham thei hmasa ber a ni. Kumthar January ni 10 atanga March ni 10 thleng leave hi lak a tum a, an college thuneitute’n chawlh hi an phalsak theih nan Goa Football Association general secretary Jovito Lopes pawhin lehkha a ziah sak tawh a ni.

C Tlanthianghlima

Football tui ve tak

You May Also Like

More From Author