Tehran, Iran-a AFC U-19 Qualifier khelh mekah November ni 8 khan India leh Pakistan ten group stage-a match tâwp ber an khel a, Pakistan 2-1 in an chak. He result avang hian India chu AFC U-19 Championship 2012 khel turin a tling zo ve ta lo a ni. Takhti stadium-a Pakistan leh India te inkhel hi Group stage match hnuhnung ber a ni nghe nghe.
India awmna group hi Group C niin Iran, Uzbekistan, Pakistan leh Turkmenistan te nen an awm ho a, an group aṭang hian Iran leh Uzbekistan te an tling.
Inkhel chanchin tawi
He inkhelah hian India hi an khel ṭha zawk a, ball an chang tamin pet goal theihna chance pawh an ngah zawk a ni. Inkhelh hma leh inkhelh laia ruah a sur nasat avangin khelmual a huh nasa a, hei bakah hian a vawt em em (degree 1 vel a ni awm e) bawk nen, a tirlamah team pahnihte an buai lek lek ṭhin a, a insiamṭha hmasa zawk Pakistan hian first half-a goal 2 an thun chu a tawpah an ṭangkaipui ta a ni.
Pakistan tân minute 32 ah Bilalwal-ur-Rehman chuan a head goal a, Rehman bawk hian minute 43 ah penalty pâwn aṭangin freekick a pet goal bawk. India hian minute 55 ah Johnny Chand Singh hmangin goal khat an thun ve bawk. Hemi hnu hian India hian an nawr hle a, mahse an chance neihte uihawm tak takin an ṭhelh zo zel a, an siphurh hi an sût zo thei ta lo a ni.
India U-19 hian he tournament-a team ṭha leh a thlengtu Iran an bei thei viau mai a, an match hnuhnung berah Uzbekistan an hneh ṭep tawh bawk. Tunah a khelha hneh tak chungin Pakistan lakah an tlawm leh a ni. Midfield-a an ball inpekual vel mawi ṭhin hle mah se goal thun an harsat hi an buaina a ni tih a chiang mai awm e. Attacking game huaisen tak min hmuhtir ṭhin a, chance han siam mai pawh an harsat lo. Group C a team hmuhnawm ber ni chungin game 4 ah point 3 chauh an hmu a, Iran leh Uzbekistan te an pha ta lo a ni.
Captain Sawmfela
Pakistan an tum ṭum hian Mizo tlangval Malsawmfela chu India U-19 captain a ni. Sawmfela hian minute 90 chhung a khel a, a khel ṭha hle a ni. India tla tawh mah se Mizo tlangval ngei mai captain kan nei hi a lawmawm a, Mizo mipuiten nuam tih nachhan tur kan neih belh leh ta.
India U-19: Ravi Kumar; Akashdeep Singh, Bikramjit Singh (Arijeet Singh – 45th), Sonu, Narayan Das; Johnnychand Singh, Sehnaj Singh, Pronay Halder, Anto Xavier (Rajinder Kumar – 85th); Holicharan Narzary (Sumit Passi – 77th), Malsawmfela (C).
source: the-aiff.com
generic cialis cost
buy cialis online
generic cialis
generic cialis cost
buy cialis online
goodrx cialis
Cialis free delivery
Brand name cialis overnight
Ava pawi ve aw, U-16 an va tluk lo ve 😀 se Mizo captain ani erawh a lawmawm tho2 e.. Good post macha
Chanchin lawmawm tak chu a va ni lo em…
Good Post.. Khaw vawt hi an tan chuan buaina tham chu a ni khawp ang.. Pakistan kan hneh theilo lutuk erawh ka la na deuh.. Holicharan Narzary, Summit Passi, Uttam Rai, Daniel leh Sawmfela te ho Senior team a an khelh hun a nghahlelhawm hle mai..
minus 20 ah poh pawn ah kan la khel zak2 zel kei ni cu 😀
tunlai chu va buai theih rem rem ve.. Ka lo chhiar ve zel a nia,. ka komen hman mang lo mai pawh a..
A Lungawithlak zan loh nain an khelhna temperature ngaihtuah chuan a awm ve tho e,..mhs, a hmatawng an tih khawng leh deuh chu ngy nhcu..Tidaih ila, Zaia Hmar India u-21 captain thin kha ava reh ve…a chanchin hria in awm m?? nge ka bengvar lo xk..