India U-19 in Singapore rawltharte sawp

Bambolim Stadium, Goa-a international friendly match zanina khelhah India U-19 in Singapore U-19 7-2 in an sawp. Ram pahnihte hi nilaini ah an inhmachhawn leh ang.

He inkhelah hian mikhual in minute 2-naah goal hmahruai an thun a, hei hi India tan minute 7-naah captain Edmund Lalrindika’n a sut. Minute 23-naah a goal hmasa siamsaktu Roshan a ball pek bawk chu Edmund-a hian a thun belh. Singapore rawltharte an awm mai mai bik lo a, minute li hnuah goal thun ve lehin 2-2 a ni der mai.

He mi hnu hi chuan Singapore in goal thun leh turin chakna an nei tawh lo a, inhliam vanga IFA Shield khel thei lo Edmund-a leh Roshan-a ten hattrick siamin Lunglei Serkawn tlangval B.Lalnuntluanga’n goal khat a thun bawk.

India U-19 hian September thla hian Bhutan ah SAFF -19 Championship an khel dawn a,October thla hian Saudi Arabia ah AFC U-19 Championship 2018 Qualifier khel turin an zin bawk ang.

Posted in AIFF, Ramchhung.

Leave a Reply

Or