Hmanni lawkah India skipper, Sunil Chettri chuan Portugal lam min pansan tawh a, kha chanchin khan India rama football fans te chu a al hneh hle a nih kha. Rangers FC lamah Sunil Chettri leh kan Mizo tlangval chhuanvawr, Jeje Lalpekhlua te pawh an zuk trial zuai tawh a nih kha. FIFA Ranking lamah lu chunga kut suiha kan buk tlawk tlawk mek lain kan Indian players thenkhat te erawh Football khawvel zau zawk lam pan in ke an pen chhuak tan ve mek a ni.
India U-22 goal keeper, Gurpreet Singh Sandhu chuan khawvel football leaque entu ngah ber, Barclays Premier League-a kan club hriat than tak Wigan Athletic FC -ah trial a nei ve dawn ta! Gurpreet Singh hian tun nilaini lo thleng turah hian England lam a pan dawn a ni.
Gurpreet Singh hi AFC U22 Asian Cup 2013 Qualifiers, Qatar-a khelh zawh takah khan a che tha hle a nih kha. Khami tum khan ‘Boruak Lalpa’ ti hial an koh thin, Newcastle United goalkeeper hlui, John Burridge chuan alo hmutai hle ni tur a ni, a thawhna hmun lamah enchhinna nei turin a sawm ta ngei a ni. Burridge hi Wigan goalkeeper chhuanvawr, Ali-Al Habsi-a mentor ni lai mek a ni a, tin, Gurpeet Singh-a khelhna club, East Bengal manager, Trevor Morgan-a thian tha tak a ni bawk.
Gurpreet Singh hi ft. 6 leh inches 5 laia sang a ni bawk a, taksa pianhmangah chuan a kualifai sa turah ngai phawt ila, a thiam thil hrang hrang te erawh ‘beiseiawm’ a nih leh nih lo an endik dawn a ni. Wigan Athletic hi keeper nei tha thei tak an ni a, hei vang hian he trial-a tlin hi thil awlai tak erawh a nih a rinawm loh. Engpawh ni se, Indian Football fans te tan chuan chanchin lawmawm chu a ni hrim hrim tho e.
Source : Sportskeeda.com
All images from Gettyimages
generic cialis cost
cheap cialis online
cialis on line
cialis coupon cvs
viagra fast delivery
Buy viagra in usa
Tha lutuk tlat, han tling ngei se ka ti.
Thanks @Pa Hriatpuia Pa & Lalthanzama. A khel hi ka la hmu tam lo khawp mai a, mahse, a tha turah chuan ngai phawt mai teh ang. Zama hian India U-22 ho chu a hrechiang khawp maia, a thu sawi khi lo pawm ve hmiah hmiah ila ni mai 🙂
He thu chu a va lawmawm em ve aw.. Hmanni khan John Burridge hian tha atih thu a sawi tawh a, a sawm ta nge nge nimaw. Thleng se ka ti hle mai. Mahse ka mimal ngaihdan ah chuan a tlaw ka ti . haha achhanchu a sang lutuk a, ground ball ah a tha lova, ho deuh2 chhuah a hrat lutuk a, se ka tan lo tihna a ni lo nia. Tling se ka ti khawp mai. Duhsakna ka hlan e. Good post Dustin
Han tling ngei se a tha ang chu .. Sub-a awm tur pawhin, India junior player tan fuihtu tha tak a ni ngei ang. Good post, specially – “FIFA Ranking lamah lu chunga kut suiha kan buk tlawk tlawk mek laiin..’ 🙂