INDIAN FOOTBALL BAZAR A NGAIHNAWM ZEL

Posted on by C Tlanthianghlima
Estimated read time 1 min read

Kumthar January ni 7 a tan tur Hero I-League atan club hrang hrangte’n player tha an dap chhunzawm zel a, a vawikhat nan a I-League khel tur Chennai City FC in Mizoram an rawn hawi.

Tamil Nadu coach lar Robin Charles Raja enkawl tur Chennai City FC hian Malsawmfela leh Lalnunmawia te an lak hnuah MPL club Chhinga Veng atangin Joseph Lalnunpuia, Ronald Zothanzama leh Lalkhawpuimawia te ‘loan’ in an la a, ti hian Mizo player panga an kawl dawn ta.

CVFC captain Joseph-a hi Chanmari FC striker hlui kha a ni a, MPL en thin tan mi thar a ni lo. Ronald-a hi I-League experience nei a nih avangin a tangkai viau thei a, Dinthar FC forward hlui Mapuia hi Sawmfela te unau nen hmatawng an ni dawn a, en a chakawm tawh hle.

Anni bakah hian Chennai Senior Division club Chennai FC chuan MPL2 Best Player R.Malsawmtluanga, MPL5 Best Midfielder Lalruatfela Zote leh BVT FC winger Dinliana Varte chu ‘loan’ in an la bawk.

Avatar for C Tlanthianghlima
C Tlanthianghlima

Football tui ve tak

You May Also Like

More From Author

38Comments

Add yours

+ Leave a Comment