Indian Football thunawi 1 + 1 = 1…

Estimated read time 2 min read

Kum 2008 a AFC Challenge Cup India ramin a thlen khan a thlengtu India chuan Finalah Tajikistan chu 4-1 ngawta sawpin a lo champion a. Kuminah erawh a dang ta zar ni tur a ni, khelh hmasa pahnih a chaklo nghalin, Mizo tlangval striker tha Jeje-a tel lohna Indian Team tân 2012 AFC Challenge Cup-ah beisei tur a awm tawh lova, Thawhlehni hian Champion lai DPR Korea hneh pawh nise AFC Challenges Cup chu ‘SESE’ a tih mai a ngai dawn ta a ni.

India: Played 2, Lost 2

Match hmasa berah Tajikistan nen inkhelin, hetah hian India chu 0-2 ngawtin a chaklo a. Coach Savio chuan an chakloh chhanah a team te chu an la nau deuh nia sawi pahin midfielder te experience neih tawkloh vang a ni tiin, Rocus Lamare chiah a fak a ni. Beiseina sâng tak nen khelh hnihna atan Philipines an hma chhawn leh hnuin Philip James Younghusband-a goal hnih in an beiseina te chu a thamral tir ta a ni. Younghusband hi kum 2005 aṭanga 2008 inkar khan Chelsea squad-ah a awm thin nghe nghe.

Savio chuan India ramin Striker tha a tlakchham thu sawiin, Sunil Chhetri ngei pawh duh anga a practice tam tawk loh thu leh SAFF Championship Final a a inhliam hnu khan duh anga a la hriam tawk loh thu a sawi. Chutih rual chuan I-League Club ten foreigner striker hman an uar lutuk chu India ram Football in a tuar thu a sawi bawk. Mizo tlangval Didika chu Squad ah telh nimahse a inhliam avangin khleh hmasa pahnih ah hian a khel thei lo ve ve a ni.

U-13 Girls an che ṭha

AFC Challenges Cup ah beisei tur nei tawh lo mahila Colombo lama AFC U-13 Girls festival ah erawh India naupangte an che tha hle a. An khelh hmasak berah Palestines chu 9-0 ngawt a sawpin, a khelh hnihnaah Jordan chu 7-1 in an hneh leh a. Sri Lanka an la hma chhawn dawn bawk. Indian team a tel tur zawnna ah hian mi engngemaw zat koh niin, anni hian Gandinaghar ah Coaching Camp kumin January ni 15 atanga March ni 7 chhung khan an nei a. Heta thlan chhuah te hi Colombo ah hian U-13(over-aged an awm tho mai thei) mahnise lunglen hre lovin an khingpuite an zu ching viau a ni.

 

You May Also Like

More From Author

11Comments

Add yours
  1. 1
    ben vangchhia

    haha..thanks@Joseph.. Mobile atangin post lawm. Admins lam an fel em zawk a.. Indian Football hi chu han phur viau dawn pawhin siamthat ngai a la tam lutuk hi a hahthlak a ni. DPR Korea an khelh hunah tal hian Didika khel thei tawh se tha tur a nia..

  2. 3
    Dustin Sampler14

    very very good post!!! Japan, Korea, Russia, etc etc.. te pawn an mahni ram mi an rin zoloh laiah,… Manager hi a pawimawh ber a ni si a, sap pachal a ngai tawh ani experience nei tha deuhhlk..

  3. 4
    Lalthanzama Vanchhawng

    hamaradesh thin hi chu aw, va han hahthlak thin tak em !! jeje leh Chhetri lo hi chu striker tha kan nei lova, tawng mawilo nilo se, anni 2 lah hian I league ah tluk loh an ngah ropui sia, a buaithlak a nih hi. AIFF lamin indian pangai chiah a khelh tir bawksia. Commeny no 7 hi thlawpna chen pawh ka nei. post tha tak a ni.

  4. 5
    ben vangchhia

    I-League a khel foreigner ho Indian Citizenship nei ho hi khelh tir ve se la kan zia deuh ka ring. Native ringawt hi chu kan kang thei dawn lo. Beiseina sang tak nen AFC Challenges Cup kan thlir a, beiseiloh angin thil a thleng a. Indian squad ah hian 7% vel hi Foreigner, Inidan Citizenship nei tan reserve ve se la te ka ti mai mai. Indian Professional Footballer ho hi an lungawilo a nge maw?

  5. 6
    Ramenga

    India chu India ah hian an tha a, rampawnah an che ho thei riau.
    Savio medeira hian salgaocar a enkawl laia a relegate pui te kha indian football fans thenkhatte sawi duhzawng a ni tan ta.

  6. 9
    Elnino Bawihtlung

    post tha hle mai._. jejea leh didika an tel chuang lova, sawp nek poh ni se tawrh dan a nep deuh…he2

+ Leave a Comment

Indian Football thunawi 1 + 1 = 1…

Kum 2008 a AFC Challenge Cup India ramin a thlen khan a thlengtu India chuan Finalah Tajikistan chu 4-1 ngawta sawpin a lo champion a. Kuminah erawh a dang ta zar ni tur a ni, khelh hmasa pahnih a chaklo nghalin, Mizo tlangval striker tha Jeje-a tel lohna Indian Team tân 2012 AFC Challenge Cup-ah beisei tur a awm tawh lova, Thawhlehni hian Champion lai DPR Korea hneh pawh nise AFC Challenges Cup chu ‘SESE’ a tih mai a ngai dawn ta a ni.

India: Played 2, Lost 2

Match hmasa berah Tajikistan nen inkhelin, hetah hian India chu 0-2 ngawtin a chaklo a. Coach Savio chuan an chakloh chhanah a team te chu an la nau deuh nia sawi pahin midfielder te experience neih tawkloh vang a ni tiin, Rocus Lamare chiah a fak a ni. Beiseina sâng tak nen khelh hnihna atan Philipines an hma chhawn leh hnuin Philip James Younghusband-a goal hnih in an beiseina te chu a thamral tir ta a ni. Younghusband hi kum 2005 a?anga 2008 inkar khan Chelsea squad-ah a awm thin nghe nghe.

Savio chuan India ramin Striker tha a tlakchham thu sawiin, Sunil Chhetri ngei pawh duh anga a practice tam tawk loh thu leh SAFF Championship Final a a inhliam hnu khan duh anga a la hriam tawk loh thu a sawi. Chutih rual chuan I-League Club ten foreigner striker hman an uar lutuk chu India ram Football in a tuar thu a sawi bawk. Mizo tlangval Didika chu Squad ah telh nimahse a inhliam avangin khleh hmasa pahnih ah hian a khel thei lo ve ve a ni.

U-13 Girls an che ?ha

AFC Challenges Cup ah beisei tur nei tawh lo mahila Colombo lama AFC U-13 Girls festival ah erawh India naupangte an che tha hle a. An khelh hmasak berah Palestines chu 9-0 ngawt a sawpin, a khelh hnihnaah Jordan chu 7-1 in an hneh leh a. Sri Lanka an la hma chhawn dawn bawk. Indian team a tel tur zawnna ah hian mi engngemaw zat koh niin, anni hian Gandinaghar ah Coaching Camp kumin January ni 15 atanga March ni 7 chhung khan an nei a. Heta thlan chhuah te hi Colombo ah hian U-13(over-aged an awm tho mai thei) mahnise lunglen hre lovin an khingpuite an zu ching viau a ni.

 

You May Also Like

More From Author

+ There are no comments

Add yours