INDIAN FOOTBALLER OF THE YEAR – JEJE

Estimated read time 1 min read

Hnahthial tlangval Jeje Lalpekhlua chu 2016 AIFF Player of the Year atan thlan a ni !

Vawiin khan chawimawina hi New Delhi a All India Football Federation (AIFF) rorel inkhawm – Annual General Body Meeting ah AIFF President Praful Patel chuan a puang a; he chawimawina hian cheng nuai hnih leh singnga (Rs. 2,50,000) a keng tel dawn a ni. Chennaiyin FC striker Jeje Lalpekhlua chuan a award dawnin a ken tel pawisa fai cheng nuai khat chu Mizoram Junior Football Development atan a pek tur thu a puang ve nghal a ni.

Jeje hi kum 2013 khan AIFF Emerging Player of the Year atan thlan a lo ni tawh a, hemi hma kum 2010 khan Football Players Association of India Best Young Player Award a dawng tawh bawk.

Kum 2016 a nih meuh chuan Indian football ah Jeje a langsar zel a, 2015-16 FPAI Indian Player of the Year a nih hnuah Indian football a award hlu ber a ngaih AIFF Player of the Year atan thlan a ni leh ta a ni.

Mizo te Indian football ah kan thangmawi chho zel a, ZoFooty.com chuan Jeje-a thinlung takin kan lawmpui e.

C Tlanthianghlima

Football tui ve tak

You May Also Like

More From Author

4Comments

Add yours

+ Leave a Comment