INDIAN ZINGA GOAL THUN TAM BER CK VINEETH

Estimated read time 1 min read
Hero Federation Cup a Bengaluru FC champion pui tu CK Vineeth hian tun season inelna hrang hrangah goal 16 thunin Indian zinga goal thun tam ber a ni.

Kerala a piang Chekiyot Kizhakkeveettil Vineeth hi winger leh striker a chhawr theih niin Chennai Customs leh Kerala State Electricity Board tana a khelh hnuah kum 2010 khan Chirag United a pan a.

Tunah hian kum 29 a upa niin kum 2014 atang khan Bengaluru FC tan hian khel tanin vawi 50 vel a inlan tawh a, India tan kum 2013 atang khan game 6 a khel tawh bawk.

CK Vineeth hian tun season I-League ah goal 7 thunin ISL ah goal 5 a thun bawk a, Indian player zinga ISL a goal thun tam ber a ni. Federation Cup ah goal 4 a thun bawk.

Goal pawimawh thun thei tak a ni a, Mizo tlangval Jeje nen Indian zinga I-League a vawi hnih hattrick siam thei awm chhun an ni bawk.

 

C Tlanthianghlima

Football tui ve tak

You May Also Like

More From Author

2Comments

Add yours

+ Leave a Comment