Manchester United Brazilian midfielder Anderson chu a khup-ah hliam a tuar avangin thla 2 chuang a chawlh a ngai dawn. Manager Sir Alex Ferguson chuan he thu hi Zirtawpni-a press conference ah puangin, Anderson hi February thla hma chuan a khel thei dawn lo tih a sawi a ni.
Champions League group match-a Otelul Galati nen an intum ṭuma inhliam Anderson hi a vanduai thei hle mai a, kum 2007-a Manchester United a zawm hnuah inhliam vangin a buai ve neuh neuh reng a ni. Tun season tir lamah Tom Cleverley nen inkawpin a che ṭha hle a, goal 2 a thun tawh nghe nghe. Tunah hian Portugal-ah specialist enkawlna dawngin a awm mek a ni.
Tom Cleverley chu Krismas hmaa a rawn let hman a beiseiawm loh a, tunah Anderson hunrei tak a chawlh a ngai dawn. Darren Fletcher pawh a hliam damkawr chauh a la ni a, Manchester United midfielder-te an dam kim hleithei lo.
Sir Alex-a a zam lem lova, “Kan midfield hi chhe tak ang hian min ngai ṭhin a, a chhe lem lo. Tawnhriat ngah tak Ryan Giggs a awm a, tunhnai game 2 ah Michael Carrick a che ṭha em em bawk. Season tir lamah khan a kheimit hliamin a tibuai a, tunah chuan buaina a nei tawh lo. Fletcher hi a inbuatsaih ṭha hman a nih chuan player ṭha tak a ni bawk.” tiin a sawi a ni.
Thawhlehni zâna Benfica nen an inhnehtawk ṭuma khel thei lo ‘star striker’ Wayne Rooney a dam tawh a, Newcastle United a hmachhawn thei ang. Eng position-ah tak khel leh ang maw?
cialis 5mg price
cialis otc
buy cialis
generic cialis cost
Cialis online uk
Mail order cialis
Pawi ngei mai… Inhliam lo a season khat tluan a khelh theih chuan a theihna a tak rama a chan tir ve ngei ka ring tawh asin leeee
A va pawi thin tak em !!! Cleverly leh Anderson inkawp kha an tha a, an rawn lar dawn chiah a, an inhliam ve ve hi chu a pawi a ni. Dam vak se ka va ti ve.
Anderson hi uihawm ve tak chu a ni; beisei ang chu a pha lo naa Carrick leh Fletcher ai chuan defensive leh attacking a kawp thiam deuh zawkin ka hria. Tin, Cleverley nen an inman avang hian a pawi thei viau bawk.
Anderson chu van uiawm lem loh ve!!Rooney chu Fantasy lamah ka la ring zel tho ang
Kumin chu Man Utd ho in Arsenal tih dan an rawn la a, an inhliam an inhliam ve mai ,Season tawp dawn lam ah an zuih ral ve ngei ngei ang…hahahaha
Ando tello hi chuan a ho tlat zel, Cleverley lah a la inhliam bawk si… Post tha tak a ni a, a thuziak erawh ngaihthlak hreawm tak a ni…
Zialo hle mai.. Ka tan chuan Post lawmawm loh tak a ni e.. Ka midfielder duh em em Fletcher a awm a, chu lo ah chuan Paul Pogba nimai…