Inhliam vangin Chris Smalling kar 10 vel a chawl dawn. Ajax Cape Town 1-1 Man Utd

English club Manchester United chu South Africa ah pre-season match khelin an thang mek a. Pre-season tour ah hian Olympics 2012 football a ram aiawh tur te an hruai tel lo a, Euro 2012 a khel te pawh an hruai lo a ni. Anni ho tel lo hian Irinni khan Cape Town Stadium ah Ajax Cape Town nen 1-1 in an inhnehtawk.

He match ah hian Ajax Cape Town in Van Graan hmangin minute 86 ah an thun hmasa a, hei hi minute 90 ah Bebe chuan a sut. Manchester United tan lei thar Shinji Kagawa leh Nick Powell te an inlan ve ve a, khel tha teh hluai lem lo in an pangngai ve ve viau. A khelh hrim hrimah pawh an inhnehtawk viau a, team pahnihten lehlam defence thiah an harsat ve ve a, goal pahnih lut hian a tawp dawnah inkhel a tinung hle thung. Inkhelh hmaa ruah a sur nasat avangin an khelhna hmun hian duhthu a sam chiah lo deuh a, hei hian team pahnihte tan harsatna a siam ve ve a ni.

Man United lineup: Amos; Vermijl, Wootton, Ferdinand, Blackett; Valencia (Tunnicliffe 68), Carrick, Scholes (Powell 68); Anderson (Lingard 68); Kagawa (Berbatov 77), Hernandez (Bebe 68)

Chris Smalling a inhliam rei dawn

Manchester United defender inhliam ngun ve tak Chris Smalling chuan Nilaini khan a ke a tina leh a, zai nghal niin, kar 10 (thla hnih chuang) zet a inkhel thei dawn lo niin manager Sir Alex Ferguson chuan a sawi. Smalling hi inhliam vangin Great Britain Olympics football team ah a tel tawh lo a, season thar pawh a tir atangin a khel ve hman dawn lo a ni.

Sir Alex chuan, “Nilaini khan a inhliam a, zai turin thu kan titlu nghal ta chuk chuk a ni. A chawlh hun chhung tur hi sawi mai a la har deuh a, mahse kar 10 lai pawh a ni thei a ni. Kan nau (Smalling) hi a vanduai thei viau mai a, mahse a la naupang a, tunah hi chuan hetia damchiang law law tura enkawl a, a theih anga ranga inkhel thei tura buatsaih hi a dik ber a ni.” tiin MUTV a hrilh.

Smalling position duh ber centre back hi Manchester United indaihna lai tak a ni a. Mahse Jonny Evans leh Nemanja Vidic te hi inhliam damkawr ve tho an nih avangin Premier League tan hunah an khel thei bik lo maithei. Pre-season tour ah hian tlarhnungah Rio Ferdinand leh Scott Wootton te an inkawp thin a season tan hunah Wootton hi a start thut a nih pawhin thilmak a ni lo ang.

8 thoughts on “Inhliam vangin Chris Smalling kar 10 vel a chawl dawn. Ajax Cape Town 1-1 Man Utd

  1. Pingback: cialis canada

  2. Pingback: Buy cialis without prescription

  3. Ramenga

    @laipuichhuanga: Ajax Cape Town hi Ajax ho din a ni e. Ajax Amsterdam hian Ajax Cape Town share 51% an chang.

Leave a Reply

Inhliam vangin Chris Smalling kar 10 vel a chawl dawn. Ajax Cape Town 1-1 Man Utd

English club Manchester United chu South Africa ah pre-season match khelin an thang mek a. Pre-season tour ah hian Olympics 2012 football a ram aiawh tur te an hruai tel lo a, Euro 2012 a khel te pawh an hruai lo a ni. Anni ho tel lo hian Irinni khan Cape Town Stadium ah Ajax Cape Town nen 1-1 in an inhnehtawk.

He match ah hian Ajax Cape Town in Van Graan hmangin minute 86 ah an thun hmasa a, hei hi minute 90 ah Bebe chuan a sut. Manchester United tan lei thar Shinji Kagawa leh Nick Powell te an inlan ve ve a, khel tha teh hluai lem lo in an pangngai ve ve viau. A khelh hrim hrimah pawh an inhnehtawk viau a, team pahnihten lehlam defence thiah an harsat ve ve a, goal pahnih lut hian a tawp dawnah inkhel a tinung hle thung. Inkhelh hmaa ruah a sur nasat avangin an khelhna hmun hian duhthu a sam chiah lo deuh a, hei hian team pahnihte tan harsatna a siam ve ve a ni.

Man United lineup: Amos; Vermijl, Wootton, Ferdinand, Blackett; Valencia (Tunnicliffe 68), Carrick, Scholes (Powell 68); Anderson (Lingard 68); Kagawa (Berbatov 77), Hernandez (Bebe 68)

Chris Smalling a inhliam rei dawn

Manchester United defender inhliam ngun ve tak Chris Smalling chuan Nilaini khan a ke a tina leh a, zai nghal niin, kar 10 (thla hnih chuang) zet a inkhel thei dawn lo niin manager Sir Alex Ferguson chuan a sawi. Smalling hi inhliam vangin Great Britain Olympics football team ah a tel tawh lo a, season thar pawh a tir atangin a khel ve hman dawn lo a ni.

Sir Alex chuan, “Nilaini khan a inhliam a, zai turin thu kan titlu nghal ta chuk chuk a ni. A chawlh hun chhung tur hi sawi mai a la har deuh a, mahse kar 10 lai pawh a ni thei a ni. Kan nau (Smalling) hi a vanduai thei viau mai a, mahse a la naupang a, tunah hi chuan hetia damchiang law law tura enkawl a, a theih anga ranga inkhel thei tura buatsaih hi a dik ber a ni.” tiin MUTV a hrilh.

Smalling position duh ber centre back hi Manchester United indaihna lai tak a ni a. Mahse Jonny Evans leh Nemanja Vidic te hi inhliam damkawr ve tho an nih avangin Premier League tan hunah an khel thei bik lo maithei. Pre-season tour ah hian tlarhnungah Rio Ferdinand leh Scott Wootton te an inkawp thin a season tan hunah Wootton hi a start thut a nih pawhin thilmak a ni lo ang.

Leave a Reply